ITUREA

Usa ka gamayng teritoryo nga nag-usab-usab ug dili-matino ang mga utlanan nga nahimutang sa AS sa Dagat sa Galilea.

Gituohan nga ang ngalang Iturea naggikan sa anak nga lalaki ni Ismael nga si Jetur, kansang mga kaliwat nga nanimuyo sa S sa Jordan napildi sa mga Israelinhon. (Gen 25:​15, 16; 1Cr 1:31; 5:18-23) Sa naghinapos ang ikaduhang siglo W.K.P., ang hari sa mga Macabeo nga si Aristobulo I nagmadaogon sa pagpakiggubat batok sa Iturea ug nagdugang ug dakong bahin sa teritoryo niini ngadto sa Judea. Aron magpabilin diha sa maong yuta, ang mga molupyo sa Iturea kinahanglang magpatuli ug mosunod sa Hudiyohanong balaod. (Jewish Antiquities, XIII, 318 [xi, 3]) Sa ulahi, ang Iturea mao ang usa sa mga teritoryo nga naglangkob sa tetrarkiya ni Felipe, nga iyang napanunod gikan sa iyang amahan nga si Herodes nga Bantogan.​—Luc 3:1.