MESULAM

[gikan sa lintunganayng pulong nga nagkahulogang “nakigdait; nagbayad; nagbalos”].

1. Usa ka pangulo sa banay sa tribo ni Benjamin nga mipuyo sa Jerusalem; anak nga lalaki ni Elpaal.​—1Cr 8:​1, 17, 18, 28.

2. Usa ka Gadhanon nga pumoluyo sa Basan nga gitala sumala sa kagikan ingong usa ka anak nga lalaki ni Abihail sa panahon sa mga paghari ni Jotam ug Jeroboam II (dayag nga duha ka lainlaing pagtala, kay ang pagmando niini nga mga hari wala mag-abot).​—1Cr 5:​11, 13, 14, 16, 17.

3. Apohan nga lalaki o katigulangan sa sekretaryo ni Haring Josias nga si Sapan.​—2Ha 22:3.

4. Amahan o katigulangan sa Hataas nga Saserdoteng si Hilkias panahon sa paghari ni Haring Josias. (1Cr 9:11; Neh 11:11) Si Mesulam lagmit nag-alagad ingong hataas nga saserdote. Ang pipila sa iyang mga kaliwat mipuyo sa Jerusalem human sa pagkadestiyero sa Babilonya. Siya dayag nga gitawag ug Salum sa 1 Cronicas 6:​12, 13 ug sa Esdras 7:2.​—Tan-awa ang SALUM Num. 7.

5. Usa ka Kohatnong Levihanon, usa sa ubay-ubay nga nagdumala sa pagpang-ayo sa templo ubos sa pagmando ni Haring Josias.​—2Cr 34:​1, 8, 12.

6. Usa ka saserdote kansang mga kaliwat (labing menos tulo ka henerasyon sunod kaniya) mipuyo sa Jerusalem human sa pagkadestiyero sa Babilonya.​—1Cr 9:​2, 3, 10, 12.

7. Usa ka Benjaminhon kansang anak nga lalaki nga si Sallu maoy pangulo sa banay didto sa Jerusalem human sa pagkadestiyero sa Babilonya. (1Cr 9:​3, 7, 9) Lagmit nga mao ra usab ang Mesulam nga gitala sa Nehemias 11:7.

8. Usa ka pangulo sa banay nga Benjaminhon nga mipuyo mismo sa Jerusalem human sa pagkadestiyero.​—1Cr 9:​3, 7-9.

9. Ang unang gitala nga anak nga lalaki ni Gobernador Zorobabel; kaliwat ni Haring David.​—1Cr 3:​1, 19.

10. Pangulo sa saserdotehanong balay sa amahan ni Esdras sa mga adlaw sa manununod ni Jesua nga si Joiakim. (Neh 12:​12, 13) Lagmit mao ra ang Num. 18 o 19.

11. Pangulo sa balay o banay sa amahan sa mga saserdote nga gipundar ni Gineton; sa panahon sa pangatungdanan ni Joiakim. (Neh 12:​12, 16) Lagmit mao ra ang Num. 18 o 19.

12. Usa ka magbalantay-sa-ganghaan sa mga adlaw ni Joiakim, Esdras, ug Nehemias.​—Neh 12:​25, 26.

13. Usa ka pangulo taliwala sa katawhan nga nagkatigom didto sa suba sa Ahava alang sa panaw paingon sa Jerusalem kauban ni Esdras niadtong 468 W.K.P. Si Mesulam maoy usa sa ubay-ubay nga gitudlo ni Esdras sa pagtabang nga matigom ang daghang Levihanon ug Netinim aron mouban usab sa panaw. (Esd 8:15-20) Lagmit mao ra ang Num. 16, 17, 20, o 21.

14. Usa ka Levihanon nga lagmit misupak sa tambag sa pagpapahawa sa langyawng mga asawa nga nakaplagan ni Esdras taliwala sa mga Israelinhon sa iyang pagbalik sa Jerusalem. Apan, ang teksto mahimong sabton nga siya misupak lamang sa gihimong pamaagi sa pagpatuman niana.​—Esd 10:10-15, ftn sa Rbi8.

15. Usa “sa mga anak” o mga kaliwat ni Bani nga miuyon sa tambag ni Esdras sa pagpapahawa sa ilang langyawng mga asawa ug mga anak.​—Esd 10:​29, 44.

16. Anak nga lalaki ni Berekias kinsa, ubos sa pagdumala ni Gobernador Nehemias, nag-ayo sa duha ka bahin sa paril sa Jerusalem. (Neh 3:​4, 30) Si Mesulam naghatag usab sa iyang anak nga babaye diha sa kaminyoon ngadto kang Jehohanan nga anak nga lalaki ni Tobias nga Ammonhanon, usa ka panaghiusa sa kaminyoon nga nagpahinabog pagkabahinbahin taliwala sa napasig-uling mga Israelinhon.​—Neh 6:17-19; 4:3; tan-awa ang Num. 13.

17. Kauban sa pagtukod pag-usab sa Ganghaan sa Karaang Siyudad sa proyekto ni Nehemias sa pag-ayo sa paril; anak nga lalaki ni Besodeias.​—Neh 3:6; tan-awa ang Num. 13.

18. Usa niadtong nagtindog sa wala nga bahin ni Esdras sa dihang iyang gibasa ang Balaod ngadto sa nagkatigom nga panon sa ikapitong bulan niadtong 455 W.K.P. Si Mesulam lagmit usa ka saserdote.​—Neh 8:​2, 4; tan-awa ang Num. 10 ug 11.

19. Usa ka saserdote (o katigulangan sa usa ka saserdote) kinsa miuyon sa pakigsaad sa pagkamatinumanon nga gilaraw sa mga Levihanon.​—Neh 9:​5, 38; 10:​1, 7, 8; tan-awa ang Num. 10 ug 11.

20. Usa ka pangulo sa katawhan kansang kaliwat, kon dili man siya mismo, nagpamatuod usab sa samang kontrata.​—Neh 10:​1, 14, 20; tan-awa ang Num. 13.

21. Usa ka tawo nga kaubang mimartsa diha sa parada nga gihikay ni Nehemias human matapos ang paril sa Jerusalem.​—Neh 12:​31, 33; tan-awa ang Num. 13.