“Nagdilaab ang Akong Kasuko”

Usa ka 15-anyos nga batan-ong babaye nga taga-Knoxville, Tennessee, misulat: “Buot kong ipahayag ang akong mga pasalamat kaninyo tungod sa inyong bag-ong librong Mga Pangutanang Gisukna sa mga Batan-on​—Mga Tubag nga Mosaler. Nahimuot kaayo ako sa pagbasa niini.”

Dayon misaysay siya kon unsay nakadasig sa iyang sulat: “Nagdilaab ang akong kasuko sa akong igsoong lalaki kay gisumbong niya ako sa dili pagbuhat sa trabaho sa balay nga angay unta nakong buhaton. Karon nga kami nagsukmatay bahin niini, gibati ko nga sad-an ug misulod ako sa akong kuwarto sa pagsulat kaninyo ug sa pagbasa sa ‘Nganong Lisod Ikasinabot ang Akong Igsoong Lalaki ug Babaye?’ (Kapitulo 6) Ako nasayod nga kini makatabang sa pagsagubang sa mga suliran sa umaabot.”

Giatubang sa mga batan-on ang daghang pangutana nga magkinahanglag maayong panghukom: Andam na ba akong makigdeyt? Sa unsang paagi mahikalimot ako sa akong kaibog? Unsay ikasulti bahin sa sekso sa dili pa magminyo? Unsaon nako pagkaila kon kini tinuod nga gugma? Unsang karera ang akong pagapilion? Sa unsang paagi makasukol ako sa pagpit-os sa isigkaingon? Alang nianang mga pangutanaha ug uban pa, gikinahanglan sa mga batan-on ang mga tubag nga mosaler.

Gibati namo nga makabaton kag dakong kaayohan sa librong Mga Pangutanang Gisukna sa mga Batan-on​—Mga Tubag nga Mosaler, nga may usa ka kapitulo sa matag usa sa maong mga pangutana. Alang sa impormasyon bahin sa kon unsaon pagdawat ug kopya niining nindot-ug-mga-ilustrasyon nga basahon, pel-api ug ipadala ang kupon.

Buot kong makadawat sa 320-panid gahig-haping libro nga Mga Pangutanang Gisukna sa mga Batan-on​—Mga Tubag nga Mosaler. (Pagsulat sa direksiyon sa ubos alang sa impormasyon. Gawas sa Pilipinas, pagsulat sa lokal nga sangang-buhatan sa Watch Tower alang sa impormasyon. Tan-awa ang panid 2.)