Itanyag ang Daandaang mga Basahon sa Enero
1 Maylabot sa atong buluhatong pagpanudlo, si Jesus miingon: “Ang matag magtutudlo sa katilingban, sa dihang natudloan mahitungod sa gingharian sa mga langit, maoy sama sa usa ka tawo . . . nga magakuha sa mga butang bag-o ug daan gikan sa iyang tinigom nga bahandi.” (Mat. 13:52) Oo, bisan tuod malipay kitang motanyag sa bag-ong mga basahon ngadto sa katawhan, apan aduna ing daghan maayo kaayong ‘mga bahandi’ diha sa daandaang mga basahon nga gitagana ni Jehova. Sa Enero ug Pebrero aduna kita ing kahigayonan sa pagtanyag niini ngadto sa katawhan sa atong teritoryo, ug among giawhag ang tanan nga sa bug-os ug madasigon makig-ambit sa maong kampanya.
MGA BASAHON NGA ATONG MAGAMIT
2 Ang mga basahon nga atong ikatanyag sa gikunhorang bayad natala diha sa Nobyembreng Atong Ministeryo sa Gingharian. Sa pagkakaron aduna kitay napundong total nga 57,000 ka daandaang mga libro (sa puti ug ‘newsprint’ nga papel), ug 60,000 ka daandaang mga pulyeto. Sa Iloko lamang aduna kitay 25,000 ‘newsprint’ nga mga librong napundo. Pero kay aduna man ing mga 25,000 ka magmamantala nga nagasultig Iloko, kon ang matag usa mopahimutang ug usa lang niining mga libroha, kining tanan ikapahimutang na sa pagkatapos sa Pebrero! Kamo ba sa tinagsatagsa moambit? Sa Cebuano wala na kitay ‘newsprint’ nga mga libro apan aduna gihapon kitay mga 8,000 ka libro sa puting papel nga ikatanyag sa katungang prisyo. Sa Tagalog wala nay mga librong magamit, pero aduna kitay 36,000 ka pulyeto nga ikatanyag sa 75¢ ang usa o 3 sa ₱2.25. Kining mga pulyeto adunay pinatik nga mga pangutana ug busa ekselente sa pagsugod ug mga pagtuon sa Bibliya sa balay.
3 Sa Hiligaynon, Pangasinan ug Samar-Leyte, kita ilabinang interesadong ikapahimutang ang basahong Good News to Make You Happy ug busa ginadasig ang mga igsoon niining mga dapita sa pag-order sa maong libro ug gamiton kana sa kanataran. Sa Bicol aduna pa kitay suplay sa mga librong Truth ug True Peace nga magamit sa panahon sa kampanya.
4 Kon ang inyong kongregasyon wala pa makaorder gikan sa Sosyedad, aduna pay panahon sa pag-order niana. Gidasig namo ang tanang payunir ug mga magmamantala sa bug-os nga pagsuportar sa kampanya. Samtang kini maoy daandaang mga basahon, hinumdomi nga kini nakatabang sa ginatos ka libo sa pagkadangat sa kamatuoran ug busa nasudlan sa espirituwal nga mga bahandi nga makahatag ug kinabuhi ngadto kanilang nagapadapat niana.