Himoang mga Miting nga Mas Matulon-anon
1 “Usa ka butang nga nakapasumeter kanako mao nga ang batan-on ug tigulang nakig-ambit diha sa mga miting pinaagig pagkomento ug pagtan-aw sa mga teksto.” Nakadungog ka na ba gayod nga may usang misulti niana bahin sa unang miting nga iyang gitambongan? (1 Cor. 14:25b) Daghan kanato nakadungog sa maong mga pulong. Ug pagkamalipayon ta nga nakatambong sa maong mga miting ug nakaambit sa pagkomento!
2 Sa dihang mangandam kita nga abante, ang atong mga komento mas makahuloganon, ug ang mga tigom mahimong mas matulon-anon alang sa tanang nagatambong. (Heb. 10:24, 25) Kini magpasilsil sa atong hunahuna sa importansiya sa mga buhat nga nahauyon sa pagtuo.—Sant. 1:25.
SA DIHANG ANAA KITA SA PLATAPORMA
3 Ang nagkalainlaing mga ulohan ginakobrehan diha sa Teokratikanhong Ministeryong Tunghaan. Ang mga sister makadawat ug mga asaynment diha sa mga librong Mabuhing Walay Kataposan ug Nangatarongan, nga kining duha atong gigamit sa atong ministeryo sa kanataran. Kadtong mahatagan niining maong mga asaynment makahimo sa tunghaan nga mas matulon-anon pinaagig paggamit sa mapuslanong mga tagboan (settings) sa pagpresentar sa materyal. Kini moabag sa tigpaminaw sa pagkasabot kon unsaon nilb kana ta paggamit sa ministeryo sa kanataran. Ang mga igsoong lalaking adunay mga pakigpulong sa basahong Nangatarongan makapasiugda sa mga puntos nga makabulig sa mga igsoon sa dihang magsangyaw sa lokal nga teritoryo. Ang mga igsoong lalaki nga nagadumala sa mga asaynment nga pagbasa sa Bibliya makahimo sa ilang mga introduksiyon ug konklusiyon nga makahuloganon pinaagig pagpasiugda sa mga puntos nga adunay mapuslanong bili.
4 Basin kita hangyoon nga moapil sa usa ka pasundayag sa Tigom sa Pag-alagad. Kon mao, ang pagpangandam hinungdanon. Kat-onan ta gayod sa paggamit sa mga mikropono sa hustong paagi aron ang tanan makadungog ug maayo. (Itanding 1 Corinto 14:9.) Ayaw pagtalikod sa mamiminaw, apan kanunayng atubang kanila. Sa ingon, sa dihang ipakita ang kaundan sa usa ka basahon ngadto sa tagbalay, ang mamiminaw makakita sa hapin sa publikasyon. Sa dihang moatubang kita sa tigpaminaw, sila makadungog kanato nga mas pang tin-aw ug makamatikod sa ekspresyon sa atong nawong.
INGON NGA USA KA TIGPAMINAW
5 Aron makabenepisyo ug maayo gayod, ang tanan nga nagatambong nagakinahanglang mag-ugmad sa arte sa pagpatalinghog, nga dili tugotan ang atong mga hunahuna sa paglatagaw. (1 Tim. 4:16; Heb. 2:1) Ang paghunghong ngadto sa uban nga duol kanato makapabalda. Ang atong pag-adto sa kasilyas nga wala kinahanglana makabalda usab sa atong pagpahimulos gikan sa tigom ug ingon man makapabalda sa uban.
6 Kon aduna kita ing gagmayng kabataan, gusto tang molingkod duol sa agianan ngadto sa likod sa Kingdom Hall aron kutob sa mahimo gamay ra ang ilang disturbo nga mahimo. Kon magsaba, ang mga ginikanan magdala kanila sa gawas aron sila dili makabalda sa pagpaminaw ug maayo sa uban sa maong tigom.—Prov. 22:6, 15.
7 Kon kita maninguha gayod sa paghimo sa mga miting nga mas matulon-anon alang sa atong kaugalingon maingon man alang sa uban, kitang tanan matabangan sa pag-uswag sa espirituwal.—2 Tes. 1:3.