Mga Tigom sa Pag-alagad Alang sa Mayo
Semana sa Mayo 10-16
10 min: Lokal nga mga pahibalo. Repasoha ang kinabag-ohang mga gula sa mga magasin, nga nagapatugbaw sa mga artikulo nga mahimong may tino nga interes sa inyong teritoryo. Hikaya ang duha ka magmamantala, usa nga edaran ug usa nga batan-on, sa pagpasundayag ug mubong Kasulatanhong mga presentasyon.
15 min: “Ang Bantayanang Torre—Espirituwal nga Pagkaon sa Hustong Panahon.” Pangutanag tubag nga panaghisgot. Ipasiugda nga, sanglit sagad ang katawhan mosuskriber sa dihang ilang naugmad ang pagpabili sa mga magasin, maoy maayo ang pagtanyag ug mga suskrisyon sa mga rota sa magasin, isigkatrabahante, mga klasmet, partidos, ug mga kaila sa negosyo, ingong dugang sa regular nga mga bahin sa ministeryo sa kanataran.
20 min: “Ilambigit ang Tracts sa Ubang Basahon.” Pangutanag tubag nga pagkobre. Ipasundayag ang mubong mga presentasyon nga gipasukad sa mga sugyot sa mga parapo 2-6. Kobrehi ang mga puntos diha sa kahon “Hinumdomi sa Paggamit sa mga Brosyur.”
Awit 14 ug paniklop nga pag-ampo.
Semana sa Mayo 17-23
10 min: Lokal nga mga pahibalo. Iasoy ang bisan unsang talagsaong mga kasinatian maylabot sa pagsaulog sa Memoryal. Dasigang tanang magmamantala nga moduyog sa ilang mga grupo sa pagsangyaw niining hinapos sa semana.
20 min: “Tabangi ang mga Bag-ohan sa Pag-uswag.” Usa ka panaghisgot tali sa duha o tulo ka tagdumala sa pagtuon sa libro. Human nga marepaso ang mga dagkong puntos sa artikulo, isaysay kon unsang mga plano ang nahimo sa pagpadapat sa mga sugyot sa lokal. Sa unsang paagi maabagan ta ang bag-ohang mga interesado nga mitambong sa Memoryal? Unsang mga kinahanglanon nga kinahanglang kab-oton sa mga bag-ohan kon buot nilang makig-ambit sa pagsangyaw? Unsa man ang mahimo sa pagbulig sa mga indibiduwal kansang pakig-ambit maoy diregular sa nangagi? Sa unsang paagi ang tanan madasig nga magbaton ug bug-os nga pakig-ambit sa kada bulan? Sa unsang paagi ang mas lig-ong mga magmamantala makaabag sa pagtabang sa uban?—Roma 15:1, 2.
15 min: “Pangutana.” Positibo ug makapadasig nga panaghisgot pinaagig magtatan-aw sa pag-alagad o laing ansiyano nga nakaalagad ingong usa ka oksilyare payunir. Interbiyuha ang usa o duha ka magmamantala nga sa pupanahon nakaalagad ingong mga oksilyare payunir.
Awit 39 ug paniklop nga pag-ampo.
Semana sa Mayo 24-30
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Basahang taho sa kuwenta ug bisan unsang mga balos-pasalamat sa donasyon. Basahang Lucas 6:38, ug dayega ang kongregasyon sa ilang pagkamanggihatagon sa pagsuportar sa tibuok kalibotang buluhaton ingon man sa mga panginahanglan sa lokal nga kongregasyon.
15 min: “Yano ug Epektibong mga Balikduaw.” Hisgoti uban sa mamiminaw. Himoang usa ka pasundayag nga nagapakita kon unsaon pagsugod ug panaghisgot diha sa balikduaw.
20 min: “Ikaw ba May Dugang Pang Mahimo sa Pagpasidungog Kang Jehova?” Pangutanag tubag nga pagkobre sa mga parapo 1-10 sa suplemento.
Awit 28 ug paniklop nga pag-ampo.
Semana sa Mayo 31–Hunyo 6
10 min: Lokal nga mga pahibalo ug Teokratikanhong mga Balita. Dapita ang mga indibiduwal sa pag-asoy ug mga kasinatian bahin sa ilang napalapad nga kalihokan sa pag-alagad sa kanataran sulod sa bulan, sa pagkaoksilyare payunir, pagsugod ug bag-ong mga pagtuon sa Bibliya, o pag-abag sa mga interesado nga mitambong sa Memoryal.
15 min: Itanyag ang Librong Creation sa Hunyo. Pakigpulong uban ang pasundayag. Hisgoting mga puntong igsusulti ug mga ilustrasyon nga mahimong ikapatugbaw sa dihang magatanyag sa librong Creation. Ang mga puntos diha sa librong Nangatarongan ubos sa ulohang “Paglalang” magamit kon diin gikinahanglan. Hayan ang materyal sa mga kapitulo 16 ug 19 nga “Why Would God Permit Suffering?” ug “An Earthly Paradise Soon to Come” makapadani sa tagbalay. Ipapasundayag sa takos nga magmamantala ang tanyag, nga nagagamit sa Proverbio 2:21, 22 ug sa ilustrasyon sa panid 197, nga nagapatugbaw nga ang orihinal nga katuyoan sa Diyos sa paglalang sa yuta sa di na madugay matuman.
20 min: “Ikaw ba May Dugang Pang Mahimo sa Pagpasidungog Kang Jehova?” Pangutanag tubag nga pagkobre sa mga parapo 11-22 sa suplemento.
Awit 127 ug paniklop nga pag-ampo.