Mga Tigom sa Pag-alagad Alang sa Hulyo
Semana sa Hulyo 5-11
10 min: Lokal nga mga pahibalo. Ipasundayag ang kahinungdanon sa pagbaton kanunay ug mga magasin nga magamit sa impormal nga pagsangyaw.
15 min: “Tabangi ang Uban nga Makakat-on Bahin sa Labing Bantogang Tawo.” Pangutanag tubag nga panaghisgot. Segon sa itugot sa panahon, abiabiha ang mga komento gikan sa mamiminaw kon sa unsang paagi sila nalipay sa pagtagad sa basahon diha sa Pagtuon sa Libro sa Kongregasyon.
20 min: “Gamitang Tracts sa Pagpaila sa Librong Labing Bantogang Tawo.” Panaghisgot uban sa mamiminaw. Himoa ang duha ka pasundayag. Ang una kinahanglang mogamit sa gisugyot nga presentasyon sa parapo 2. Human sa pagpaila sa tract, ang magmamantala nakasabot nga ang tagbalay may diyutay lamang nga interes ug busa midesider nga motanyag ug duha ka magasin inay kay sa libro. Ang ikaduhang pasundayag mogamit sa samang presentasyon sa parapo 2, apan niining higayona ang tagbalay nagapakitag interes. Ang magmamantala mipadayon sa pagpresentar sa libro human sa mubong panaghisgot sa impormasyon diha sa tract.
Awit 205 ug paniklop nga pag-ampo.
Semana sa Hulyo 12-18
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Isugyot ang tukmang mga puntong igsusulti sa kinabag-ohang mga magasin nga magamit sa pagsangyaw niining semanaha.
15 min: “Pangutana.” Pakigpulong pinaagig ansiyano. Ipunting ang atong kaakohan sa hustong paggawi sa atong kaugalingon sa dihang nagatambong sa mga pagbawtismo. Iapil ang nalangkit nga mga puntos gikan sa “Pangutana” sa Enero 1992 nga Atong Ministeryo sa Gingharian.
20 min: “Kon Nganong ang Tracts Bililhon Kaayo sa Atong Ministeryo Karon.” Pangutanag tubag nga panaghisgot. Human sa kataposang parapo, himoa ang mubong pasundayag nga nagapakita kon unsa kasayon ang paggamit sa tract diha sa impormal nga pagsangyaw.
Awit 126 ug paniklop nga pag-ampo.
Semana sa Hulyo 19-25
10 min: Lokal nga mga pahibalo. Hisgoti ang dagkong mga puntos sa Taho sa Pag-alagad sa Marso. Hisgoti usab ang bahin nga nahimo sa lokal nga kongregasyon diha sa taho sa pag-alagad sa kanataran nianang bulana. Ilakip ang taho sa kuwenta ug basaha ang bisan unsang balos-pasalamat sa donasyon. Ipahayag ang apresasyon sa pinansiyal nga suportar sa lokal nga kongregasyon maingon man sa tibuok-kalibotang buluhaton sa Sosyedad.
15 min: “Pagsugod ug mga Pagtuon sa Bibliya sa Librong Labing Bantogang Tawo.” Pangutanag tubag nga panaghisgot. Human sa pagbasa sa parapo 2, ipasundayag kon unsaon pagsugod ug pagtuon sa Bibliya diha sa libro. Ang magmamantala mosugod pinaagig pagbasa sa unang tulo ka parapo sa kapitulo 111 sa libro ug unya mopadayon sa sinugyot nga presentasyon sa parapo 2 sa artikulo.
20 min: Pakigpulong sa Paglalang, binase sa librong Nangatarongan, mga panid 309-13 (mga panid 84-8 sa Ingles). Ang mamumulong kinahanglang mapilion sa paggamit lamang kon unsa ka daghang puntos ang tukmang makobrehan diha sa gitagal nga panahon.
Awit 79 ug paniklop nga pag-ampo.
Semana sa Hulyo 26–Agosto 1
10 min: Lokal nga mga pahibalo. Teokratikanhong mga Balita. Dapitang pagtagad sa pipila ka puntong igsusulti sa kinabag-ohang mga magasin nga magamit sa balaybalay nga ministeryo o sa dihang nagasangyaw sa impormal nga paagi.
20 min: “Magmakanunayon sa Pag-alagad sa Kanataran.” Pakigpulong pinaagig magtatan-aw sa pag-alagad o laing takos nga igsoong lalaki. Repasoha ang impormasyon diha sa Organisado sa Pagtuman sa Atong Minsiteryo, mga panid 106-10, segon sa itugot sa panahon. Ipasiugda ang panginahanglan alang sa tanan sa pagpakig-ambit nga makanunayon sa ministeryo ug untop nga pagtunol sa mga taho sa binuhatan sa kanataran sa kataposan sa bulan.
15 min: Lokal nga panginahanglan. Marepaso ang mga puntos diha sa mga panginahanglan sa kongregasyon ingon sa gipunting sa miaging duaw sa magtatan-aw sa sirkito, o marepaso ang pag-uswag sa kongregasyon diha sa pagkamakanunayon ug mga pagtuon sa Bibliya, hayan magagamit sa mga artikulo gikan sa nanglabayng mga gula sa Atong Ministeryo sa Gingharian nga nagahisgot niining mga puntoha.
Awit 71 ug paniklop nga pag-ampo.
Semana sa Agosto 2-8
10 min: Lokal nga mga pahibalo ug duha o tulo ka pasundayag pinaagig takos nga mga magmamantala, nga magapakita kon sa unsang paagi ang nagkalainlaing brosyur ikatanyag sa publiko sa Agosto. Labing menos usa sa mga pasundayag kinahanglang impormal nga pagsangyaw nga nagagamit sa mga brosyur.
20 min: Pakigpulong pinaagig usa ka ansiyano sa “Pasagding ang Imong Pulong nga Oo Nagakahulogan ug Oo,” nga gipasukad sa mga pulong ni Jesus sa Mateo 5:37. Kinahanglang magapasiugda kini sa panginahanglan nga magmatinud-anon sa atong mga pulong, lakip na ang atong panaad sa dedikasyon o sa atong aplikasyon nga mahimong usa ka regular o oksilyare payunir. Kadtong may mga hulam sa Kingdom Hall mihimog pahayag atubangan kang Jehova nga sila kinabubut-on ug makaarang sa pagbayad ug tinong kantidad kada bulan ngadto sa Sosyedad aron makabenepisyo ang uban. Niining bahina, maoy maayo alang sa mamumulong nga mohisgot sa mga parapo 12-15 sa suplemento sa Atong Ministeryo sa Gingharian sa Disyembre, 1991, nga sa aktuwal magabasa niining mga parapoha ug sa gisitar nga mga kasulatan. Tiklopi uban sa pahayag ni Jesus sa Mateo 12:37.
15 min: Pakigpulong nga gipasukad sa artikulong “Ikaw ba Nagasunod Kang Jehova sa Bug-os?” sa Mayo 15, 1993 nga gula sa Ang Bantayanang Torre.
Awit 38 ug paniklop nga pag-ampo.