Mga Tigom sa Pag-alagad Alang sa Agosto
Semana sa Agosto 1-7
10 min: Lokal nga mga pahibalo ug nahiangayng Mga Pahibalo gikan sa Atong Ministeryo sa Gingharian.
18 min: “Hupti ang Positibong Tinamdan.” Pangutanag tubag. Interbiyuha ang usa ka payunir o dugay nang magmamantala kinsa magaasoy kon sa unsang paagi posible ang paghupot ug positibong tinamdan bisan pa sa kawalay-pagtagad diha sa teritoryo.
17 min: “Mga Brosyur—Bililhong mga Himan sa Ministeryo.” Hisgoti uban sa mamiminaw. Hikayang duha ka naandam pag-ayong pasundayag sa sinugyot nga mga presentasyon. Ipakita ang pipila ka brosyur nga magamit nato sa Agosto.
Awit 142 ug paniklop nga pag-ampo.
Semana sa Agosto 8-14
10 min: Lokal nga mga pahibalo. Teokratikanhong mga Balita.
15 min: “Sinatia Pag-ayo ang Imong mga Igsoon.” Pangutanag tubag. Dapitang mamiminaw sa pag-asoy ug mga kasinatian nga nagapakita kon sa unsang paagi sila nakahimo nga labi pang nakasinati sa uban pinaagig pagpadapat sa mga sugyot sa parapo 6.
20 min: Paghimog Dugang Pang Impormal nga Pagpamatuod. Grupo sa tulo o upat ka magmamantala maghisgot kon unsaon pagpalapad sa ilang pagpakig-ambit niining kalihokana. Ginamit ang Oktubre 15, 1987, nga Bantayanang Torre, mga panid 22-7, ilang girepaso kon unsay nahimo sa uban ug magahisgot kon unsaon nila pagplano aron makahimog labaw pa niining matanga sa buluhaton.
Awit 182 ug paniklop nga pag-ampo.
Semana sa Agosto 15-21
5 min: Lokal nga mga pahibalo, lakip ang taho sa kuwenta.
15 min: “Pag-ugmad sa Interes Diha sa mga Balikduaw.” Hisgoti uban sa mamiminaw. Ilakip ang duha ka 3-minuto nga pasundayag sa gihatag nga mga presentasyon.
25 min: “Padayon sa Paglakaw nga Mauswagon diha sa Hapsay nga Paagi.” Pangutanag tubag sa suplemento.
Awit 96 ug paniklop nga pag-ampo.
Semana sa Agosto 22-28
10 min: Lokal nga mga pahibalo.
20 min: “Sa Unsang Paagi Masuod Ako sa Diyos?” Pasundayag. Ginikanan magahisgot sa materyal diha sa kapitulo 39 sa librong Gisukna sa mga Batan-on ngadto sa tin-edyer nga mga anak. Kobrehi ang sub-ulohang “Ipahayag sa Dayag ang Imong Pakighigala sa Diyos,” mga panid 315-18. Ang mga anak mireklamo nga sila mobatig kaulaw diha sa balaybalay nga buluhaton ug nga ang mga tigom nagabalikbalik ug subsob kaayo. Ang ginikanan nangatarongan uban kanila diha sa malulotong paagi, nga nagapunting kon sa unsang paagi kining mga kalihokana hinungdanon kon buot nilang huptan ang maayong pagpakiglabot kang Jehova.
15 min: Lokal nga mga panginahanglan. (O ihatag ang usa ka pakigpulong sa artikulong “Napuliki Pag-ayo sa Maayong Balita” sa Hulyo 1, 1991, nga Bantayanang Torre, mga panid 28-30.)
Awit 184 ug paniklop nga pag-ampo.
Semana sa Agos. 29–Sep. 4
10 min: Lokal nga mga pahibalo.
18 min: “Makaapil ba Ikaw Pag-usab sa mga Ranggo sa Payunir?” Pangutanag tubag. Ilakip ang bisan unsang kasinatian nga nagapakita kon giunsa sa usa ang pagsulod pag-usab sa payunir nga pag-alagad o kon sa unsang paagi nagtambayayongay ang usa ka panimalay aron pag-abag sa usa ka membro sa pamilya nga makapahimulos niining maong pribilehiyo.
17 min: Itanyag ang librong Mabuhing Walay Kataposan sa Septiyembre. Kining libroha giluwatan niadtong 1982 ug sukad niadto ginagamit na ingong pangunang himan sa pagdumalag mga pagtuon sa Bibliya. Ang mga resulta makita diha sa pag-uswag sa mga magmamantala gikan sa 2,652,323 sa 1983 ngadto sa 4,709,889 sa 1993. Kapin sa 72 ka milyon ka kopya diha sa 116 ka pinulongan ang napanagtag. Dapitang mga indibiduwal sa pag-asoy kon sa unsang paagi sila nakakat-on sa kamatuoran gikan niining libroha o kon giunsa nila pagtabang sa uban pinaagig pagtuon niini uban kanila. Ipunting ang mga kaundan sa libro nga mahimong ikapatugbaw sa dihang nagatanyag niana.
Awit 161 ug paniklop nga pag-ampo.