Mga Pahibalo

▪ Tanyag nga basahon sa Abril ug Mayo: Usa ka tuig suskrisyon sa Ang Bantayanang Torre sa ₱120.00. Hunyo: Kahibalo nga Motultol sa Kinabuhing Walay Kataposan sa ₱20.00. Hulyo ug Agosto: Bisan unsang brosyur sa ₱6:00. MATIKDI: Ang mga kongregasyong wala pa makapedido sa mga basahong gihisgotan sa itaas kinahanglang maghimo niini sa ilang sunod binulang Literature Order Form (S-AB-14).

▪ Ang mga order mahimong ipadala na karon alang sa 1995 Watchtower ug Awake! nga mga tomo. Sa dihang madawat na ang mga order kini makita sa usa ka invoice nga markahag “back-ordered.” Walay ikarga sa kuwenta nianang panahona. Sa dihang ang mga tomo madawat na gikan sa Brooklyn kini ikarga sa inyong kuwenta ug ipadala sa kongregasyon.

▪ Kadtong nagaplanong mag-oksilyare payunir sa Mayo kinahanglang motunol na sa ilang mga aplikasyon nga sayo ngadto sa komite sa pag-alagad. Kini makatabang sa mga ansiyano sa pagkasayod kon unsa ka daghan ang mag-oksilyare payunir nianang bulana alang sa igong teritoryo ug mga suplay sa literatura.

▪ Usa ka kausaban ang ginahimo diha sa paagi sa pagpulig Pinoneer Service Identification cards. Gikan karon, ang ipuling mga kard alang sa mga payunir nga mobalhin, mag-usab sa ilang ngalan, mawad-an sa ilang kard, o mohangyog kausaban sa asaynment pagasuplayan pinaagi sa Sosyedad. Ang bisan unsang blangkong mga kard nga tingali anaa sa payl sa sekretaryo kinahanglang hanawon. Ang mga kausaban sa ngalan ug mga pagbag-o sa asaynment pagadumalahon sa naandan nga paagi, nga isulat sa sekretaryo ang impormasyon diha sa likod sa Congregation Report (S-1) sa maong bulan. Human niana, ipadala sa Sosyedad ngadto sa kongregasyon ang bag-ong mga kard alang sa mga payunir. Kini kasagarang moabot uban sa binulang kuwentada. Ang bisan unsang mga kausaban kinahanglang ipadala gilayon ngadto sa Sosyedad aron ang maong mga payl mahuptang tukma ug bag-o. Usab, kon ang usa ka payunir mohunong sa pagpayunir o matangtangan, ang usa ka kopya sa S-206 nga porma kinahanglang pil-apan ug ipadala ngadto sa Sosyedad nga walay langan.

▪ Ang tanang pangutana maylabot sa mga petsa ug mga dapit sa distritong mga kombensiyon sa ubang mga nasod kinahanglang idiretso ngadto sa maong mga sangang opisina. Ang mga adres sa mga sangang opisina sa tibuok kalibotan makaplagan diha sa kataposang mga panid sa Yearbook.