Mga Tigom sa Pag-alagad Alang sa Hunyo
Semana sa Hunyo 2-8
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Buhata Kutob sa Inyong Maarangan.” Pangutanag tubag.—Tan-awa usab ang Abril 15, 1993, Bantayanang Torre, mga panid 28-30.
22 min: “Kahibalo Gikan sa Diyos Nagatubag sa Daghang Pangutana.” Tsirman makighisgot sa artikulo uban sa duha o tulo ka magmamantala, lakip ang usa ka batan-on. Komentohi ang parapo 1, nga magpasiugda kon nganong ang Kahibalo nga libro epektibo kaayo sa pagtabang kanato sa pagtubag sa mga pangutana. Ipasundayag ang praktis sesyon, ug isugyot ang mga pagpauswag human sa matag presentasyon.
Awit 200 ug paniklop nga pag-ampo.
Semana sa Hunyo 9-15
10 min: Lokal nga mga pahibalo. Taho sa kuwenta.
20 min: Pagpamatuod Pinaagig Maayong Pamatasan Diha sa Tunghaan. Usa ka ansiyano maghisgot uban sa duha o tulo ka batan-on nga magsugod sa bag-ong tuig sa pag-eskuyla niining bulana. Ipasiugda ang panginahanglan nga mahimong maayong panig-ingnan sa ilang pamatasan. Sublia uban sa grupo ang hinungdanong mga puntos gikan sa Edukasyon nga brosyur, ilabina ang seksiyon nga “Moral nga mga Sukdanan nga Takos sa Pagtahod” sa mga panid 19 hangtod sa 25. Dad-a ang pagtagad sa kahon sa panid 24 nga nag-ulohang “Pipila ka Moral nga mga Sukdanan nga Ginasunod sa mga Saksi ni Jehova.” Segun sa itugot sa panahon, makutlo usab ang mga puntos sa Agosto 15, 1987, Bantayanang Torre, mga panid 10-20. Sanglit daghang magtutudlo magabasa sa brosyur ug masayod nga mahimong sama sa unsa gayod ang mga Saksi ni Jehova, ang Kristohanong mga batan-on buot nga mohatag ug maayong pagpamatuod pinaagi sa ilang maayong panggawi.
15 min: Pagtudlo sa Uban—Usa ka Dinaliang Panginahanglan. Pakigpulong pinaagig ansiyano. Sublia ang 1996 tibuok-kalibotang taho sa pag-alagad sa panid 33 sa 1997 Yearbook. Ang pagpanikaysikay gayod sa pagpamatuod ngadto sa mga tawo bisan asa sila makaplagan nagapamunga. Ang dinaliang panginahanglan karon mao ang pagtudlo sa mga tawo sa kamatuoran. Sa dihang makontak nato sila sa publikong mga dapit, mataktikanhong kuhaa ang ilang ngalan ug adres aron mabalikduaw. Angayng buhaton ta ang labaw pa kay sa pagpugas lamang sa binhi sa Gingharian; angayng bisibisan usab nato kini. (1 Cor. 3:6-8) Sa dihang ang binhi mapugas sa maayong yuta, ang epektibong pagtudlo makatabang sa tawo nga masabtan kana. (Mat. 13:23) Kinahanglang makig-ambit kita ingon ka bug-os ug kahanas kutob sa maarangan diha sa pagpanudlong buluhaton. (Heb. 5:12a) Ilakip ang mga puntos sa pasukip sa Hunyo 1996 nga Atong Ministeryo sa Gingharian, mga parapo 25-6. Ipasiugda ang tumong sa pagsugod ug mga pagtuon sa Gikinahanglan nga brosyur o sa Kahibalo nga libro.
Awit 204 ug paniklop nga pag-ampo.
Semana sa Hunyo 16-22
10 min: Lokal nga mga pahibalo.
15 min: Lokal nga mga panginahanglan.
20 min: Pag-ila sa Imong Relihiyon Ingong Tinuod o Bakak. Usa ka ansiyano manguna sa panaghisgot uban sa duha o tulo ka takos nga mga magmamantala pinasukad sa Disyembre 22, 1989, Pagmata!, panid 18. Tin-aw nga daghang sinserong mga tawo ang sublisubling ginaduaw. Apan, wala gayod sila modawat ug pagtuon sa Bibliya. Hisgoti kon sa unsang paagi ang mga puntos niining artikuloha sa Pagmata! magamit aron sila makaalinggat sa panginahanglan sa paglihok sumala sa tukmang kahibalo. Ipunting ang yawing mga puntos sa Kahibalo nga libro, kapitulo 5: “Kansang Pagsimba ang Dawaton sa Diyos?” Basaha ang parapo 20. Himoon ang mga pagbalikduaw sa maong mga indibiduwal aron dasigon sila sa maluloton ug sa mataktikanhong paagi nga modawat ug pagtuon ug motambong sa mga tigom.
Awit 201 ug paniklop nga pag-ampo.
Semana sa Hunyo 23-29
10 min: Lokal nga mga pahibalo.
15 min: Unsay Ilang Ginasulti Bahin Kanato? Pakigpulong pinasukad sa impormasyon nga makaplagan sa Watch Tower Publications Index 1986-1995, mga panid 341-3. Pilia ang tagsaong “Statements by Others” bahin sa mga Saksi ni Jehova—atong panggawi ug atong buluhaton. Ipakita kon sa unsang paagi ang uban nakadayeg pag-ayo. Isaysay kon nganong kini magdasig kanato nga magagawi kanunay sa atong kaugalingon sa maayong paagi. Ipunting kon unsaon paggamit ang maong maayong mga komento sa dihang makigsulti sa mga kaila ug interesadong mga tawo nga buot mahibalog dugang bahin kanato.
20 min: “Mga Ginikanan—Bansaya ang Inyong mga Anak sa Pagsangyaw.” Pangutanag tubag. Ilakip ang direksiyon diha sa Atong Ministeryo nga libro, mga panid 99-100, ubos sa sub-ulohang “Pagtabang sa mga Batan-on.”
Awit 211 ug paniklop nga pag-ampo.
Semana sa Hunyo 30–Hulyo 6
10 min: Lokal nga mga pahibalo.
20 min: “Mga Batan-on—Unsa ang Inyong Espirituwal nga mga Tumong?” Duyog nga hisgotan sa duha ka amahan ang artikulo. Ilang hisgotan ang pagtabang sa ilang mga anak nga moapresyar kon nganong bililhon ang pagpahilunag teokratikanhong mga tumong, nga magdalag espirituwal nga mga panalangin, inay kay mangagpas sa materyalistikanhong intereses.—Tan-awa usab ang Atong Ministeryo nga libro, mga panid 116-18.
15 min: Pagpangandam sa Tanyag nga Literatura sa Hulyo. Pagpilig usa o duha ka brosyur nga gidawat pag-ayo sa lokal nga teritoryo, ug sublia ang pipila ka dagkong puntos sa matag usa. Isugyot ang mga paagi nga kini ikalakip diha sa presentasyon. Pahinumdomi ang tanan sa paghupot ug talaan sa mga napahiluna, ug balikon ug ugmaron ang interes.
Awit 109 ug paniklop nga pag-ampo.