Mga Tigom sa Pag-alagad Alang sa Hulyo
Semana sa Hulyo 7-13
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa pag-alagad sa kanataran sa Abril alang sa nasod ug sa lokal nga kongregasyon.
15 min: “Gigantihan ang Pagkamatinumanon.” Pangutanag tubag. Ilakip ang pananglitan nga giasoy diha sa Enero 22, 1993, Pagmata!, mga panid 18-21.
20 min: “Tabangi ang Uban sa Pagkaplag ug Kahupayan.” Panaghisgot sa mamiminaw. Ipasundayag ang usa o duha ka presentasyon. Dapita ang mamiminaw sa pag-asoy sa ubang mga paagi nga sila nakasugod ug mga panaghisgot ginamit ang samang mga brosyur. Idasig ang paggamit sa yano, maayong-pagkapiling mga pulong sa paghaling ug interes. (Tan-awa ang Giya sa Tunghaan, panid 7, mga parapo 9-11.) Hisgoti ang ubang mga brosyur nga mahimong itanyag ug adunay estak niana ang kongregasyon.
Awit 70 ug paniklop nga pag-ampo.
Semana sa Hulyo 14-20
12 min: Lokal nga mga pahibalo. Taho sa kuwenta. Hisgoti ang “Atong Tun-an ang Librong Kalipay sa Pamilya.”
18 min: “Pagpamatuod Bisan Asa nga Anaay mga Tawo.” Pakigpulong. Segun sa itugot sa panahon, ang dugang mga kasinatian mahimong ipaambit gikan sa 1997 Yearbook, mga panid 43-6.
15 min: Mga Ginikanan—Tudloi ang Inyong mga Anak Gikan sa Pagkamasuso. Ansiyano maghisgot sa Kasulatanhong mga prinsipyo nga magtagik sa panginahanglan alang sa mga ginikanan sa pagtudlo sa ilang mga anak gikan sa pagkamasuso. (Prov. 22:6; 2 Tim. 3:14, 15) Gibati sa pipila ka ginikanan nga ang seryosong edukasyon sa Bibliya alang sa mga bata kinahanglang dili itagana hangtod nga sila may igo nang pagkahamtong sa paghimo sa ilang kaugalingong mga desisyon. Sa maong mga kahimtang daghang kabataan ang nangahanaw ngadto sa kalibotan. Ang espirituwal nga instruksiyon angayng magsugod sa pagkamasuso. (g97 3/8 26-7; w88 8/1 12-13) Interbiyoha ang usa ka magtiayon nga nagpakitag kabalaka bahin sa espirituwalidad sa ilang mga anak. Ipakita kon sa unsang paagi ang amahan nanguna apan ang duha ka ginikanan nagbuhat sa ilang bahin sa pagtaganag regular, maayong-pagkahikay nga programa sa pagtudlo sa ilang mga anak. Iasoy sa magtiayon kon unsay ilang ginabuhat sa pagpaningkamot sa pagtudlo sa ilang mga anak sa kamatuoran, nga nagpadapat sa mga sugyot nga gitagana sa organisasyon sa pagbaton ug praktikal nga programa sa pagtudlo diha sa balay. Ipasiugda sa ansiyano ang kahinungdanon sa pagpadapat kon unsay gimaymay sa Pulong sa Diyos sa mga ginikanan nga buhaton.—Efe. 6:1-4.
Awit 71 ug paniklop nga pag-ampo.
Semana sa Hulyo 21-27
12 min: Lokal nga mga pahibalo. Ilakip ang panaghisgot sa “Pangutana.”
13 min: “Kinsay Moadto Alang Kanamo?” Mainitong pakigpulong. Ilakip ang pagdasig nga mahimong regular payunir ug ang kasinatian nga makaplagan sa Pebrero 1997 nga pasukip sa Atong Ministeryo sa Gingharian, mga parapo 16-17. Kadtong dili mahimong mga regular payunir hayan buot nga magplano kon unsang bulana (mga bulan) nga makaoksilyare payunir sulod sa umaabot nga tuig sa pag-alagad.
20 min: Magmaandam sa Pagsangyaw nga Di-Pormal. Matag adlaw, kita makasugat ug mga kahigayonan sa pagpamatuod sa mga tawo nga atong ikahibalag. Sa dihang motungha ang kahigayonan, hayan atong makaplagan nga wala kita ing Bibliya o mga publikasyon nga magamit. Planohag abante. Sa balay, hupti ang pipila ka literatura nga mabatonan duol sa pultahan diin imong timbayahon ang mga bisita. Ibutang ang lainlaing literatura sa panudlanan o bag, ug dad-a kana uban kanimo o sa imong kotse, sa imong trabahoan, o sa imong ilisanag sinina sa tunghaan. Pagdalag bisan unsa sa dihang mosakay ka sa publikong sakyanan. Pagdalag pipila ka literatura sa dihang mobiyahe ka maylabot sa negosyo, mobiyahe ngadto sa usa ka kombensiyon, o diha sa bakasyon. Hisgoti ang dugang mga sugyot diha sa Giya sa Tunghaan, mga panid 81-2, mga parapo 11-16. Ipasundayag sa mubo ang pipila ka paagi sa pagduol sa usa ka salesman, isigkatrabahante, eskolmet, laing biyahedor, o sa usa ka bakasyonista.
Awit 72 ug paniklop nga pag-ampo.
Semana sa Hul. 28–Agos. 3
12 min: Lokal nga mga pahibalo. Pahinumdomi ang tanan sa pagtunol sa ilang mga taho sa pag-alagad sa kanataran. Sublia ang tanyag nga literatura sa Agosto. Isentro ang paghimog mga pagbalikduaw niadtong nakakuhag mga brosyur sa Hulyo, nga sulayan ang pagsugod ug mga pagtuon sa Bibliya. Ginamit ang pasukip sa Marso 1997 nga Atong Ministeryo sa Gingharian, ipunting ang pipila ka kinahanglanon alang sa epektibong pagbalikduaw. Ang mga pagtuon kinahanglang sugdan diha sa Gikinahanglan nga brosyur o sa Kahibalo nga libro.
18 min: Pakigpulong pinaagig ansiyano sa artikulo nga “Mga Kasal nga Nagpasidungog Kang Jehova” sa Abril 15, 1997 nga Bantayanang Torre, mga panid 23-6.
15 min: Tumana sa Bug-os ang Imong Ministeryo. Pakigpulong pinaagig magtatan-aw sa pag-alagad pinasukad sa Atong Ministeryo nga libro, mga panid 5-8. Ipasiugda ang kahinungdanon ug kadinalian sa buluhatong pagsangyaw, nga magpalihok sa tanan sa pagbaton sa ilang kaakohan ingong mga ministro sa seryosong paagi.
Awit 75 ug paniklop nga pag-ampo.