Mga Tigom sa Pag-alagad Alang sa Hunyo
Semana sa Hunyo 7
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Teokratikanhong mga Balita.
15 min: “Kita Gitudloan ni Jehova.” Limitahe ang pasiunang mga komento nga dili moabot ug usa ka minuto, ug sundan sa pangutanag tubag nga panaghisgot. Dapita ang mga mamiminaw sa pag-asoy ug pipila sa mga benepisyo nga ilang nadawat gikan sa Tunghaan sa Teokratikanhong Ministeryo, Tunghaang Payunir nga Pag-alagad, Tunghaan sa Ministeryo sa Gingharian, ug uban pa. Ipasiugda kon sa unsang paagi kini nakatabang sa katawhan ni Jehova nga mahimong mas epektibo sa ministeryo.
20 min: “Gamitang Mapuslanon ang Imong Panahon.” Panaghisgot tali sa tagdumala sa Pagtuon sa Libro sa Kongregasyon ug usa o duha ka may kasinatiang magmamantala nga mag-asoy kon giunsa nila pagdumala ang ilang panahon sa pagpakig-ambit nga bug-os kutob sa maarangan diha sa pag-alagad sa kanataran. Ilang isaysay ang kahinungdanon sa mosaler nga eskedyul ug ipasiugda ang panginahanglan niana. Ilang isugid kon sa unsang paagi ilang malikayan ang maong mga tig-usik sa panahon sama sa atrasado na nga pagsugod, wala ing maayong abanteng pagplano, o sobrang pakipagsosyalan panahon sa ministeryo. Nga tagdon ang lokal nga mga kahimtang, itanyag ang praktikal nga mga sugyot kon unsaon paggamit nga mapuslanon ang panahon.
Awit 48 ug paniklop nga pag-ampo.
Semana sa Hunyo 14
10 min: Lokal nga mga pahibalo. Taho sa kuwenta.
15 min: Lokal nga mga panginahanglan.
20 min: “Ikaw ba Makatabang?” Panaghisgot sa mamiminaw nga dumalahon sa usa ka ansiyano. Ilakip ang mga sugyot nga gihatag diha sa Oktubre 8, 1995, Pagmata!, mga panid 8-9, sa pagtabang sa nag-inusarang mga ginikanan. Dapita ang pipila sa pagpahayag sa ilang pagpabili sa mahigugmaong tabang nga ilang nadawat gikan sa uban diha sa kongregasyon.
Awit 53 ug paniklop nga pag-ampo.
Semana sa Hunyo 21
10 min: Lokal nga mga pahibalo. Kon ang kongregasyon adunay mga kopya sa Gisukna sa mga Batan-on o Pagkabatan-on nga mga libro sa panudlanan, ipakita kon sa unsang paagi kini mahimong gamiton nga epektibo diha sa ministeryo sa dihang atong mahibalag ang mga tin-edyer. Ang mga batan-on sa eskuylahan mahimong dasigon nga magdala silag mga kopya aron ipahimutang sa mga eskolmet.
17 min: Gamitag Maayo ang mga Video ug Sound nga mga Drama. Mahimo bang mas magamit pa ug maayo ang 10 ka video ug 11 ka sound nga drama sa mga audiocassette nga gitagana sa Sosyedad? Ikaw ba ug ang imong pamilya nagtan-aw o naminaw sa pipila niini? Ipunting kon sa unsang paagi kini makapalambo sa atong pagbasa sa Bibliya, nga magpalig-on sa atong espirituwalidad, ug maghatag ug maayong pamatuod sa kamatuoran. Hangyoa ang mamiminaw nga magkomento kon unsang video o sound nga drama ang ilang nakaplagan nga ilabinang epektibo sa pagdasig sa ilang kaugalingong banay o sa pagtultol sa mga bag-ohan ngadto sa organisasyon. Iasoy ang pipila ka kasinatian nga nagpakitag maayong mga resulta. (Tan-awa ang 1999 Yearbook, mga panid 51-2.) Dasiga ang tanan nga gamitog maayo ang mga video ug sound nga mga drama.
18 min: “Gitan-aw Mo ba ang Panggawas nga Panagway Lamang?” Pakigpulong ug panaghisgot sa mamiminaw. Ipasiugda ang mga katarongan kon nganong kita dili angayng magdalidali sa paghimog mga opinyon bahin sa mga tawong atong mahibalag. Sa mubo repasoha ang pagtulon-an nga gitudlo ni Jehova kang Jonas, kinsa sayop nga naghukom niadtong iyang gilantaw ingong di-takos. (Tan-awa ang Agosto 15, 1997, Bantayanang Torre, mga panid 21-2, mga parapo 17-19.) Dapita ang mamiminaw nga magkomento bahin sa lainlaing mga tawo nga ilang nahibalag sa teritoryo, nga maghisgot kon giunsa nila pagmentinar ang positibong tinamdan ngadto nila ug itugyan sa mga kamot ni Jehova ang paghukom.
Awit 77 ug paniklop nga pag-ampo.
Semana sa Hunyo 28
12 min: Lokal nga mga pahibalo. Pahinumdomi ang tanan nga itunol ang mga taho sa pag-alagad sa kanataran para sa Hunyo. Repasoha ang tanyag nga literatura sa Hulyo. Ipakita ang mga brosyur nga mabatonan sa lokal nga may igong suplay, ug isugyot ang usa o duha ka puntos nga atong ikapasiugda sa atong mga presentasyon. Ilakip ang usa ka maayong-pagkabansay nga pasundayag.
13 min: Nganong ang Paglutos Gitugotan ni Jehova sa Iyang Katawhan? Pakigpulong sa usa ka ansiyano, nga gipasukad sa Mga Saksi ni Jehova—Mga Magmamantala sa Gingharian sa Diyos, mga panid 676-7. Ingon sa gitagna ni Jesus, kita ‘gidumtan sa tanang kanasoran.’ (Mat. 24:9) Mahimong sagubangon ta ang pagsupak sa dihang magpakig-ambit kita sa ministeryo, makig-uban sa kalibotanong mga paryente, o makiglabot sa mga di-Saksi diha sa trabahoan o sa eskuylahan. Sa positibong paagi, isaysay sa mamumulong kon nganong gitugotan ni Jehova ang maong paglutos o pagsupak ug kon sa unsang paagi ang atong paglahutay niana sa kataposan motultol ngadto sa mga panalangin.
20 min: Lakaw sa Dapit nga Atua ang mga Tawo! Usa ka pakigpulong nga gipasukad sa 1997 Yearbook, mga panid 42-8. Samtang kita kinahanglang mopadayon sa pagpakig-ambit nga regular diha sa pamalaybalay nga pagsangyaw, kita maikagong mangitag mga kahigayonan sa paghimog impormal nga pagsangyaw—sa bisan unsang panahon, sa bisan asang dapit. Iasoy ang mga kasinatian gikan sa Yearbook nga nagpakita kon sa unsang paagi ang uban nakabuhat niana nga may maayong kalamposan samtang nagsakay sa bus, naglakaw sa dalan o baybayon, nagduol sa giparada nga mga sakyanan, pag-adto sa mga hunonganan sa trak, paggamit sa telepono, ug pagsulat ug mga sulat. Kon itugot sa panahon, dapita ang mamiminaw sa pag-asoy sa pipila sa ilang kaugalingong mga kasinatian. Dasiga ang tanan nga pahimuslan ang matag higayon sa paghatag ug pamatuod bisan asa nga atua ang mga tawo.
Awit 75 ug paniklop nga pag-ampo.