Mga Tigom sa Pag-alagad Alang sa Hulyo
Semana sa Hulyo 5
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa pag-alagad sa kanataran sa Marso alang sa nasod ug sa lokal nga kongregasyon. Teokratikanhong mga Balita.
20 min: “Pag-ampo sa Tabang ni Jehova.” Limitahe ang pasiunang mga komento nga dili moabot ug usa ka minuto, ug sundan sa pangutanag tubag nga panaghisgot. Isaysay kon sa unsang paagi ang sinserong mga pag-ampo sa lainlaing mga matang nagdula ug hinungdanong papel sa usa ka malamposong ministeryo. Dapita ang mamiminaw sa pag-asoy ug mga kasinatian nga nagpakita kon sa unsang paagi ang tukma-sa-panahong mga pag-ampo nakatabang kanila sa ilang ministeryo.—Tan-awa ang Oktubre 15, 1996, Bantayanang Torre, panid 32.
15 min: Gamitag Maayo ang mga Brosyur. Pakigpulong ug mga pasundayag. Isaysay kon nganong ang mga brosyur maoy hinungdanong mga himan sa atong ministeryo. Kini epektibong naghisgot sa mga ulohan nga makapadani kaayo, nagkobre sa mubo sa usa ka pasukaranang tema, ug nagsaysay sa Kasulatanhong mga pagtulon-an nga yano. Isulti ang mga brosyur nga ginatanyag niining bulana, ug ipakita ang mga brosyur nga adunay igong suplay sa lokal. Ipasundayag ang duha o tulo ka mugbong mga presentasyon nga gipasukad sa mga sugyot nga makaplagan ubos sa ulohang “Presentations” diha sa Watch Tower Publications Index.
Awit 181 ug paniklop nga pag-ampo.
Semana sa Hulyo 12
10 min: Lokal nga mga pahibalo. Taho sa kuwenta.
15 min: “Magpalipay ang Abanteng Pagpangandam.” Pakigpulong ug mga interbiyo. Isaysay kon nganong ang pagpangandam hinungdanon alang sa pag-alagad sa kanataran nga kalihokan ug kon sa unsang paagi kini magpaarang kanato sa pagtagamtam ug mas dakong kalipay sa atong ginabuhat. (Tan-awa ang Giya sa Tunghaan, panid 39, mga parapo 1-3.) Interbiyoha ang duha o tulo ka takos nga mga magmamantala nga magsaysay kon giunsa nila pagpangandam sa dili pa moadto sa pag-alagad ug kon sa unsang paagi kana nakatabang kanila. Iasoy ang kasinatian gikan sa Abril 15, 1993, Bantayanang Torre, panid 30, nga nagpakita sa epektibong paggamit sa librong Nangatarongan sa pagpangandam alang sa ministeryo.
20 min: “‘Laktora ang Hisgotan’ Ta!” Pakighisgot sa mamiminaw ug mga pasundayag. Repasoha ang matag sugyot kon unsay isulti aron maminaw ang tagbalay. Ang batid nga mga magmamantala mopasundayag sa pipila ka pasiuna nga epektibo.
Awit 183 ug paniklop nga pag-ampo.
Semana sa Hulyo 19
10 min: Lokal nga mga pahibalo.
15 min: Lokal nga mga panginahanglan.
20 min: Kinahanglan ba Akong Mosulod ug Organisasyon? Panaghisgot sa mamiminaw pinasukad sa librong Nangatarongan, mga panid 275-80 (mga panid 280-4 sa Ingles). Kita sagad makahibalag ug mga tawo nga madinawaton sa mensahe sa Gingharian apan modumili sa “pagsulod” sa usa ka relihiyosong organisasyon. Sublia ang kahubitan sa “organisasyon” ug ang pito ka kinaiya nga nagpaila sa makitang organisasyon ni Jehova. Isaysay kon nganong lahi kini gikan sa uban ug kon sa unsang paagi ang pakig-uban niana magdalag tinuod nga mga panalangin.
Awit 189 ug paniklop nga pag-ampo.
Semana sa Hulyo 26
10 min: Lokal nga mga pahibalo. Pahinumdomi ang tanan nga itunol ang mga taho sa pag-alagad sa kanataran alang sa Hulyo. Hisgoti ang mga puntos sa “Pangutana.”
15 min: “Ang Atong Dakong Maglalalang Nagatagad Kanato!” Pangutanag tubag. Bisan tuod ang libro dili alang sa pagdumalag mga pagtuon sa Bibliya, kini mahimong epektibo sa pagpalihok sa mga tawo nga susihon ang tanang gisulti sa Bibliya.—Tan-awa ang librong Creator, mga panid 189-91.
20 min: Kita ba Nagahimog mga Tinun-an? Ang magtatan-aw sa pag-alagad makighisgot sa usa o duha ka ministeryal nga mga alagad sa mga puntos gikan sa Pebrero 15, 1996, Bantayanang Torre, mga panid 19-22. Ipasiugda ang Kasulatanhong mga rason kon nganong kinahanglang atong pangitaon ang takos nga mga tawo diha sa atong teritoryo ug himoon silang mga tinun-an. (Mat. 10:11) Kini nga mga tawo mao ang nagapanghupaw tungod sa tanang pagkadaotan ug di-diyosnong mga kahimtang nga ilang nakita sa ilang palibot ug nga lagmit mangita kang Jehova sa dili pa mosilaob ang adlaw sa iyang kasuko. (Ezeq. 9:4; Sof. 2:2, 3) Taliwala kanila mao ‘kadtong sa husto nahimutang alang sa kinabuhing walay kataposan.’ (Buh. 13:48) Ang atong buluhaton mao nga mahimong mga magbubuhat ug tinun-an, nga nagatudlo sa mga tawo sa tanang butang nga gisugo ni Jesus. (Mat. 24:14; 28:19, 20) Samtang ato tingaling mapalihok ang unang interes niadtong atong mahibalag diha sa pamalaybalay nga buluhaton, sa impormal nga pagsangyaw, ug sa pagsangyaw sa dalan, kita maghimog mga tinun-an diha sa pagsundal nga ministeryo—sa mga pagbalikduaw ug mga pagtuon sa Bibliya. Ipunting ang praktikal nga mga sugyot kon sa unsang paagi kini mahimong buhaton.
Awit 14 ug paniklop nga pag-ampo.