Repaso sa Tunghaan sa Teokratikanhong Ministeryo

Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Mayo 3 hangtod sa Agosto 23, 1999. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.

[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantaynaang Torre.]

Tubaga ang matag usa sa mosunod nga mga pahayag nga Matuod o Bakak:

1. Dili kinahanglang ikompromiso sa mga ginikanan ang mga prinsipyo sa Bibliya aron makiglabot nga makataronganon sa ilang mga anak. [1, fy-CV p. 108 par. 14]

2. Ang tema sa tibuok Bibliya mao ang bindikasyon ni Jehova pinaagi sa Gingharian nga gimandoan pinaagi sa gisaad nga “binhi.” (Gen. 3:​15) [2, si-CV p. 17 par. 30]

3. Adunay diyutay kaayong arkeolohikal ug ubang panggawas nga ebidensiya nga nagpamatuod sa katukma sa mga hitabong narekord sa Exodo. [3, si p. 20 par. 4]

4. Kadtong nagkinabuhi sa hilabihang kakabos dili makaamot sa pinansiyal nga paagi sa pagpalambo sa intereses sa Gingharian. [4, w97-CV 9/15 p. 5 par. 8]

5. Ang pagbayad sa angay nga balos ngadto sa mga ginikanan ug mga apohan maoy bahin sa atong pagsimba kang Jehova. (1 Tim. 5:4) [7, w97-CV 9/1 p. 4 mga par. 1-2]

6. Ang pagbantay sa Igpapahulay maoy sa orihinal usa ka timaan tali kang Jehova ug sa tanang nasod. [10, Senemanang pagbasa sa Bibliya; tan-awa ang rs-CV p. 194 par. 3.]

7. Sa dihang ang usa ka bata makaabot na sa igong pangedaron nga makasugod na siyag himog iyang kaugalingong mga desisyon, siya magapas-an ug dugang sukod sa responsabilidad alang sa iyang mga lihok, ilabina may kalabotan sa balaod sa Diyos. (Roma 14:12) [11, fy-CV p. 134 par. 17]

8. Gisulat ni Moises ang basahon sa Levitico sa tuig 1513 W.K.P. [13, si-CV p. 25 mga par. 3-4]

9. Ang mga pulong ni Jesus nga narekord sa Lucas 21:20, 21 natuman sa 66 K.P. sa dihang ang Romanong kasundalohan ubos sa pagmando ni Heneral Tito misibog gikan sa Jerusalem. [17, w97-CV 4/1 p. 5 mga par. 3-4]

10. Ang pagtulon-an ni Epicurus makuyaw alang sa mga Kristohanon tungod kay kadto gipasukad sa iyang walay-pagtuong panglantaw, nga gihubit sa 1 Corinto 15:32. [16, w97-CV 11/1 p. 24 par. 4]

Tubaga ang mosunod nga mga pangutana:

11. Unsang pagtulon-an ang atong makat-onan sa pagdili sa pagkaon ug tambok nga gipahayag sa Levitico 3:​17? [13, Senemanang pagbasa sa Bibliya; tan-awa ang w84 2/15 p. 29 par. 2.]

12. Nganong gitugotan ni Jehova si Satanas nga Yawa nga molungtad? (Ex. 9:​15) [5, Senemanang pagbasa sa Bibliya; tan-awa ang w92-CV 3/15 p. 10 par. 14.]

13. Sa dihang ang membro sa pamilya nag-atubang ug grabeng sakit, unsang pasiunang mga lakang ang angayng himoon sa pamilya aron sa pagtino sa mga pagaunahon? (Prov. 15:22) [6, fy-CV p. 122 par. 14]

14. Sa unsang diwa nga ang nasod sa Israel “usa ka gingharian sa mga saserdote”? (Ex. 19:6) [7, Senemanang pagbasa sa Bibliya; tan-awa ang w95⁠-CV 7/1 p. 16 par. 8.]

15. Unsay kalainan tali sa mata nga “yano” ug mata nga “daotan”? (Mat. 6:22, 23) [10, w97-CV 10/1 p. 26 par. 5]

16. Sa unsang paagi si David ikaingon nga nagalakaw “uban ang integridad sa kasingkasing ug uban ang katul-id” sa dihang siya nakahimog kasaypanan? (1 Hari 9:4) [11, w97-CV 5/1 p. 5 par. 2]

17. Unsang modernong-adlaw nga mga pribilehiyo ang gilandongan sa pagbuhat “sa ingon gayod” sa mga Israelinhon maylabot sa tabernakulo? (Ex. 39:32) [12, Senemanang pagbasa sa Bibliya; tan-awa ang w95-CV 12/15 p. 12 par. 9.]

18. Unsay gipaila sa kamatuoran nga si Jehova mipadayag sa iyang kaugalingon ingon nga “Ako mamao kon unsay buot ko nga ako mamao”? (Ex. 3:​14) [3, Senemanang pagbasa sa Bibliya; tan-awa ang w95-CV 3/1 p. 10 par. 6.]

19. Unsang pagtulon-an ang gitudlo sa panghitabo nga naglangkit kang Nadab ug Abihu nga narekord sa Levitico 10:​1, 2? [15, Senemanang pagbasa sa Bibliya; tan-awa ang w84 2/15 p. 29 par. 3.]

20. Ubos sa Moisesnong Balaod, nganong ang pagpanganak maghimo sa babaye nga “dili-hinlo”? (Lev. 12:​2, 5) [16, Senemanang pagbasa sa Bibliya; tan-awa ang w84 2/15 p. 29 par. 5.]

Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:

21. Bisag walay milagrosong tambal sa kamingaw, ang nag-inusarang ginikanan makaagwanta niini uban sa kusog gikan kang ․․․․․․․․, nga maangkon pinaagi sa mapinadayonong ․․․․․․․․. (1 Tim. 5:5) [2, fy-CV p. 112 par. 21]

22. Ang makapasubong hitabo sa kinabuhi sa usa ka tawo tingali maoy resulta sa ․․․․․․․․ o tungod sa atong kaugalingong ․․․․․․․․. [6, w97-CV 5/15 p. 22 par. 7]

23. Ang basahon sa Exodo nagbutyag kang Jehova ingong ang dakong ․․․․․․․․ ug ․․․․․․․․ ug ․․․․․․․․ sa iyang halangdong mga katuyoan. [12, si-CV p. 24 par. 26]

24. Sa panguna ang atong paggawi sa ․․․․․․․․, dili sa ․․․․․․․․, ang magpadayag kon unsa gayod ang atong pagkatawo. [15, w97-CV 10/15 p. 29 par. 3]

25. Kon ang mga pista sa pag-ani may ․․․․․․․․ nga mga kahulogan, ang tinuod nga mga Kristohanon mahimong makalikay nga dili makapahimuot kang Jehova pinaagi sa pagdumili sa bisan unsang ․․․․․․․․ sa maong nahugawang pagsimba. [1, w97-CV 9/15 p. 9 par. 6]

Pilia ang hustong tubag sa matag mosunod nga mga pahayag:

26. Ang “upat ka gatos ka tuig” nga kasakit sa binhi ni Abraham nagsugod sa dihang si Ismael miyubit kang Isaac sa (1943; 1919; 1913) W.K.P. ug natapos uban sa kaluwasan gikan sa Ehipto sa (1543; 1519; 1513) W.K.P. (Gen. 15:13) [2, si-CV p. 17 par. 31]

27. Kon ang pamilya molampos ba o dili sa pagsagubang sa usa ka seryosong sakit nag-agad ug dako sa (pinansiyal nga kasegurohan; ․․․․․․․․; mga polisa sa insyurans) sa mga membro niini. (Prov. 17:22) [5, fy-CV p. 120 par. 10]

28. Ang usa ka tawo nga mag-ingon sa iyang kasingkasing nga “walay Jehova” gitawag nga “walay salabotan” tungod kay kanang tawhana (daot ug moral; wala-maedukar; walay katakos sa pagpangatarongan). (Sal. 14:1) [9, w97-CV 10/1 p. 6 par. 8]

29. Sa dihang si Adan ug Eva mirebelde, ang labing hinungdanong butang nga ilang giwala mao ang ilang (kahingpitan; relasyon sa Diyos; tanamang puy-anan), nga maoy yawi sa ilang kalipay. [14, w97-CV 10/15 p. 6 par. 2]

30. Ang basahon sa (Genesis; Exodo; Levitico) naghisgot sa kinahanglanon sa pagkabalaan nga mas subsob kay sa bisan unsang basahon sa Bibliya. [13, si-CV p. 26 par. 9]

Ipatukma ang mosunod nga kasulatan nganha sa mga pahayag nga gitala sa ubos:

Ex. 5:2; Ex. 21:29; Prov. 1:8; Gal. 5:​20; Sant. 1:​14, 15

31. Si bisan kinsang nangangkong usa ka Kristohanon nga sa balikbalik ug sa pagkadili-mahinulsolon magpadaog sa mapintasong mga pagsilaob sa kasuko, lakip sa pisikal nga pag-abuso sa mga membro sa pamilya, mahimong palagpoton. [Gal. 5:​20] [17, fy-CV p. 150 par. 23]

32. Ang paagi sa atong paglihok magsugod kon unsay atong panghunahuna. [Sant. 1:​14, 15] [16, fy-CV p. 148 par. 18]

33. Pakaulawan ni Jehova nga Diyos ang tanang mahagitong modumili sa pag-ila sa iyang pagka-Diyos. [Ex. 5:2] [4, Senemanang pagbasa sa Bibliya; tan-awa ang w92-CV 12/15 p. 13 par. 18.]

34. Bisan pag ang Bibliya naghatag sa amahan ug pangunang kaakohan sa pagtudlo sa mga bata, ang inahan usab adunay mahinungdanong papel nga pagadulaon. [Prov. 1:8] [10, fy-CV p. 133 par. 12]

35. Wala itugot sa Kasugoan ang pagkadanghag ingong katarongan aron makapangayog kaluoy kon may napatay. [Ex. 21:29] [8, Senemanang pagbasa sa Bibliya; tan-awa ang w95-CV 11/15 p. 11 par. 5.]