Eskedyul sa Tigom sa Pag-alagad
Semana sa Pebrero 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
18 min: “Ang Matagnaong Pulong sa Diyos Mamatuman Gayod!” Limitahe ang pasiunang mga komento nga dili mokapin sa usa ka minuto, ug sundan sa pangutanag-tubag nga panaghisgot. Puntinga ang pipila ka detalye gikan sa bag-ong libro nga nagpasiugda sa kahinungdanon sa atong kapanahonan.
17 min: Paghimog mga Plano sa Pag-oksilyare Payunir Niining Ting-init. Makapadasig nga pakigpulong uban sa makatabang nga impormasyon alang niadtong buot mag-oksilyare payunir sulod sa Marso, Abril, ug Mayo. Sublia ang mga puntos sa Marso 1998 nga pasukip sa Atong Ministeryo sa Gingharian, mga panid 3-6. Ipasiugda nga ang Abril ilabinang usa ka maayong bulan sa pagpayunir sanglit kini adunay lima ka Sabado ug lima ka Dominggo. Interbiyoha ang usa ka magmamantala nga nag-oksilyare payunir sa regular nga paagi ug usa nga nakapahimulos sa pribilehiyo sa miaging Abril, nga magsukna kanila kon unsay nakadasig nila sa pagpayunir ug unsang mga kaayohan ang ilang napahimuslan ug kon nganong ilang dasigon ang uban nga sulayan kini niining panahon sa Memoryal. Dasiga ang tanan diha sa kongregasyon sa pagtambong sa tigom human sa Pagtuon sa Bantayanang Torre niini nga Dominggo, Pebrero 20, alang kanilang nagplanong mag-oksilyare payunir sulod sa sunod tulo ka bulan.
Awit 182 ug paniklop nga pag-ampo.
Semana sa Pebrero 21
10 min: Lokal nga mga pahibalo. Taho sa kuwenta.
15 min: “Mga Babaye nga Nagahago Diha sa Ginoo.” Limitahe ang pasiunang mga komento nga dili mokapin ug usa ka minuto, ug sundan sa pangutanag-tubag nga panaghisgot. Ilakip ang mga komento sa Septiyembre 15, 1996, Bantayanang Torre, mga panid 14-15, mga parapo 18-19. Mainitong dayega ang mga igsoong babaye tungod sa ilang kinabubut-ong pagpaluyo, sa mapuslanong mga pag-alagad nga ilang gibuhat ngadto sa uban, ug sa ilang masibotong pagsangyaw nga kalihokan.
20 min: “Unsay Makatabang Kanato sa Malig-ong Pagbarog sa Pagtuo?” Pakigpulong sa usa ka ansiyano. Kita nagkinabuhi sa makuyawng mga panahon, ug kitang tanan nagkinahanglan ug tabang sa pipila ka paagi. Repasoha kon unsay mahimo sa mga ansiyano ug ministeryal nga mga alagad sa pagpalig-on niadtong gihampak sa makapaluyang mga suliran. (Tan-awa ang sub-ulohan nga “Pagbantay nga Makapalig-on” sa Septiyembre 15, 1993, Bantayanang Torre, mga panid 21-3.) Isaysay kon sa unsang paagi kita mahimong magdinasigay sa usag usa diha sa mga paagi nga magpalig-on kanato sa espirituwal.—Roma 1:11, 12.
Awit 82 ug paniklop nga pag-ampo.
Semana sa Pebrero 28
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran sa Pebrero. Sa mubo sublia ang “Upat ka Sayon nga mga Tikang” sa paggamit ug mga tract sa pagsugod ug mga panaghisgot nga gilaraw diha sa panid 8 sa miaging bulan nga Atong Ministeryo sa Gingharian. Ipasundayag kon sa unsang paagi ang Malinawong Bag-ong Kalibotan nga tract magamit sa pagpailaila sa librong Kahibalo. Human makasukna sa mga pangutana gikan sa pangbukas nga parapo sa tract, basaha ang unang parapo sa panid 3, lakip ang Salmo 37:29. Kon gipakita ang interes, paklia ang librong Kahibalo sa panid 5, basaha ang kahon, ug tanyagi ug pagtuon. Niining bulana, ang tanan angayng mohimog linaing paningkamot sa pagsugod ug bag-ong mga pagtuon sa Bibliya sa balay.
7 min: “Mga Pangutana.” Pakigpulong sa usa ka ansiyano bahin sa duha ka pangutanang gihisgotan.
10 min: “Kon sa Unsang Paagi Maugmad ang Katakos sa Pangatarongan.” Pakigpulong ug demonstrasyon. Isaysay kon nganong ang katakos sa pangatarongan hinungdanon kaayo sa ministeryo ug kon unsaon sa pagbaton niana. Hisgotan sa duha ka takos nga mga magmamantala kon unsaon sa pagpangandam alang sa ministeryo pinaagi sa pagsunod sa mga paagi nga gilaraw sa parapo 3 sa artikulo ug dayon ipasundayag ang presentasyon niini.
18 min: “Pagsangyaw sa Maayong Balita Duyog ang Hugot nga Pagtuo.” Himoa ang duha- o tulo-ka-minutong mainitong introduksiyon pinasukad sa materyal maingon man usab sa gisitar ug gikutlong mga kasulatan diha sa mga parapo 1 ug 2. Dayon kobrehi ang mga parapo 3-12 pinaagig pangutanag tubag nga panaghisgot.
Awit 61 ug paniklop nga pag-ampo.
Semana sa Marso 6
5 min: Lokal nga mga pahibalo.
10 min: Lokal nga mga panginahanglan.
10 min: “Matngoni Gayod ang Imong Pagpaminaw.” Hisgotan sa ulo sa pamilya uban sa iyang asawa ug mga anak kon unsay ilang mahimo aron mas bug-os nga makabenepisyo gikan sa mga tigom sa kongregasyon, mga asembliya, ug mga kombensiyon. Siya mobati nga ang tanan diha sa pamilya makasentro sa pagtagad nga mas maayo. Ilang repasohon ang mga sugyot nga nalista ug tagdon kon unsaon nga mapadapat ang matag usa, nga naglakip sa panginahanglan sa pagbaton ug dugang mga panaghisgot bahin sa mga butang nga nakat-onan. Ilang tagdon kon unsaon sa pagtuman sa ilang gihukom sa dili pagsipyat sa bisan unsang mga tigom o sa bisan unsang sesyon sa kombensiyon o asembliya kon posible gayod.
20 min: “Pagsangyaw sa Maayong Balita Duyog ang Hugot nga Pagtuo.” Human sa mubong pagsubli sa panaghisgot sa unang 12 ka parapo sa pasukip sa miaging semana, dumalaha ang pangutanag tubag nga panaghisgot sa mga parapo 13-24. Gamitag maayo ang gikutlo ug gisitar nga mga kasulatan.
Awit 186 ug paniklop nga pag-ampo.