Eskedyul sa Tigom sa Pag-alagad
Semana sa Abril 10
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ayawg kalimti ang espesyal nga pakigpulong publiko sa Abril 16, nga nag-ulohang “Nganong ang Katawhan Nagkinahanglag Usa ka Lukat.” Dasiga ang tanan sa pagsunod sa gieskedyul nga pagbasa sa Bibliya sa Memoryal alang sa Abril 14-19, sumala sa gilaraw sa Pagsusi sa Kasulatan sa Adlaw-Adlaw—2000. Sublia ang “Mga Pahinumdom sa Memoryal,” sa panid 4 sa pasukip.
15 min: “Mosanong Ka ba sa Gugma ni Kristo?” Limitahe ang pasiunang mga komento nga dili molapas sa usa ka minuto, ug sundan sa pangutanag-tubag nga panaghisgot. Ilakip ang mga ideya gikan sa Mayo 1, 1998, Bantayanang Torre, mga panid 16-17, mga parapo 12-13. Dasiga ang tanan sa paghimog linaing paningkamot nga dapiton ang mga tawo ngadto sa Memoryal.
20 min: “Abril—Panahon nga Magmasiboton sa Maayong mga Buhat!” Pangutanag tubag. Usa ka madasigong panaghisgot bahin sa kon unsay atong gitinguhang palamposon sa Abril. Gamita ang kataposang tulo o upat ka minutos sa pagsubli sa “Kasibot nga Nagsugnib sa Kadaghanan.”
Awit 199 ug paniklop nga pag-ampo.
Semana sa Abril 17
13 min: Lokal nga mga pahibalo. Taho sa kuwenta. Duha na lang ka hinapos nga mga semana ang nahibilin sa Abril, busa dasiga ang tanan sa pagpakig-ambit sa ministeryo sa dili pa matapos ang bulan.
16 min: “Nahuptan Mo ba ang Espiritu sa Sakripisyo-sa-Kaugalingon?” Pangutanag tubag. Kinahanglan natong tukoron ang hustong mga unahonon. Nagkinahanglan kinig panlimbasog ug pagpugong-sa-kaugalingon sa pagpadayon sa pagbuhat kon unsay mohatag natog kaayohan sa espirituwal. Isaysay kon unsay atong makat-onan gikan sa panig-ingnan ni Jesus.—Tan-awa ang Insight, Tomo 2, panid 68, mga parapo 3-5.
16 min: Ipahimutang ang mga Magasin Diin Kini Labing Epektibo. Pakigpulong, nga may pagpakig-ambit sa mamiminaw. Sublia ang mga sugyot sa Enero 8, 1995, Pagmata!, mga panid 22-4. Isaysay kon nganong maayong pangitaon ang mga tawong lagmit mosanong sa linaing mga artikulo nga napatik sa mga magasin. Tagda ang mga panig-ingnan gikan sa milabayng mga gula ug ang mga matang sa mga indibiduwal, mga negosyo, o mga organisasyon nga ang mga artikulo lagmit nakadani diha sa lokal nga teritoryo. Dapita ang mga mamiminaw sa pag-asoy sa mga kasinatian nga nagpakita kon sa unsang paagi sila nakabaton ug maayong mga resulta ginamit kining paagiha.
Awit 71 ug paniklop nga pag-ampo.
Semana sa Abril 24
10 min: Lokal nga mga pahibalo. Ipahibalo ang gidaghanon sa nanambong sa Memoryal sa kongregasyon. Dapita ang mamiminaw sa pag-asoy sa mga komento niadtong mitambong sa unang higayon.
17 min: Tabangi ang mga Bag-ohan sa Pagtambong sa mga Tigom. Usa ka pakigpulong pinasukad sa librong Kahibalo, mga panid 161-3, mga parapo 5-8. Human sa pagtuon sulod sa usa ka yugto sa panahon, hinungdanon nga ang mga bag-ohan mosugod sa pagtambong sa mga tigom. Ang pagpatambong kanila mahimong usa ka hagit. Unsay imong mahimo aron mapalihok sila? Kadtong nagadumalag mga pagtuon kinahanglang maggahin ug panahon sa pagsubli niining materyala diha sa librong Kahibalo uban sa ilang mga estudyante ug dayon maghimog tinong mga kahikayan sa pagtabang kanila nga moduyog kanato sa matuod nga pagsimba.
18 min: “Makanunayon Ka ba nga Magmamantala sa Gingharian?” Pakigpulong ug panaghisgot sa mamiminaw nga dumalahon sa sekretaryo. Isaysay kon nganong atong itaho ang atong binuhatan sa pag-alagad sa kanataran. (Tan-awa ang Atong Ministeryo, mga panid 106-8.) Pag-asoy ug pipila sa mga problema nga maugmad sa dihang kita mapakyas sa pagtunol dayon sa atong mga taho. Dapita ang mamiminaw sa pagsugid kon unsay ilang gibuhat aron sa pagseguro nga ilang itunol ang ilang mga taho nga untop sa panahon. Puntinga kon sa unsang paagi makatabang ang mga tagdumala sa Pagtuon sa Libro sa Kongregasyon. Adunay usa na lang ka hinapos sa semana ang nahibilin sa Abril, busa ipasiugda ang kahinungdanon sa pagpakig-ambit sa tanan diha sa pag-alagad ug pagtaho sa binuhatan sa kataposan sa bulan.
Awit 200 ug paniklop nga pag-ampo.
Semana sa Mayo 1
12 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran sa Abril. Kinahanglang susihon sa mga tagdumala sa Pagtuon sa Libro sa Kongregasyon ang tanan sa ilang grupo aron ang tanang taho mahimong itala sa Mayo 6. Sublia ang “Pangutana” sa panid 7, nga maghimog lokal nga kapadapatan.
15 min: Lokal nga mga panginahanglan.
18 min: “Paneguroa nga Mobalik Ka!” Panaghisgot sa mamiminaw. Tagda ang mga hinungdan kon nganong kita tingali mapakyas sa paghimog mga balikduaw. Isaysay kon nganong ang tukmang mga nota ug ang pagkaandam nga mobalik maoy hinungdanon. Isugyot nga maggahin ug pipila ka panahon matag semana sa paghimog mga balikduaw. Sublia kon unsay gipahayag sa librong Atong Ministeryo, mga panid 88-9. Iasoy ang kasinatian nga gitaho sa 1995 Yearbook, panid 45.—1 Cor. 3:6, 7.
Awit 68 ug paniklop nga pag-ampo.