Eskedyul sa Tigom sa Pag-alagad
Semana sa Mayo 8
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian.
20 min: “Padayon sa Pagtukaw.” Pangutanag-tubag nga panaghisgot. Isaysay kon nganong dinalian nga kita magpabiling magtukaw sa espirituwal bisag wala kita mahibalo sa adlaw ug takna. (Tan-awa ang Nobyembre 1, 1995, Bantayanang Torre, panid 20.) Ipasiugda nga ang bug-os nga pagpakig-ambit sa ministeryo maoy usa sa labing maayong mga paagi sa pagpabiling igmat kon hain na kita sa panahon sa kataposan.
15 min: “Unsay Imong Panglantaw sa Imong Kaugalingon?” Pakigpulong sa ansiyano pinasukad sa artikulo sa Enero 15, 2000, Bantayanang Torre, mga panid 20-2. Ipasiugda ilabina ang mga puntos nga gihimo diha sa kataposang upat ka parapo sa artikulo nga nagpakita sa mga kaayohan sa pagbaton ug timbang nga panglantaw sa kaugalingon ug dili mag-isip sa atong kaugalingon nga importante kaayo.
Awit 201 ug paniklop nga pag-ampo.
Semana sa Mayo 15
10 min: Lokal nga mga pahibalo. Taho sa kuwenta.
15 min: Lokal nga mga panginahanglan.
20 min: Pagbasa sa Bibliya nga Magantihon. Pakigpulong ug pasundayag nga gipasukad sa Giya sa Tunghaan, mga panid 34-5, mga parapo 6-7. Ang usa ka sukdanan sa programa sa pagbasa sa Bibliya, diin gipasukad ang dagkong mga puntos sa Bibliya, maoy bahin sa kurikulum sa Tunghaan sa Teokratikanhong Ministeryo. (Disyembre 1999 Atong Ministeryo sa Gingharian, panid 7) Ipasundayag sa usa ka grupo sa pamilya kon sa unsang paagi gitagad sa pamilya ang usa ka bahin sa pagbasa niining semanaha alang sa tunghaan. Ilang kuhaon ang usa o duha ka makapaikag nga mga puntos ug maghimog dugang panukiduki diha sa Watch Tower Publications Index o sa Insight on the Scriptures. Ipakita kon sa unsang paagi ang pagbasa sa Bibliya mahimong mas mapuslanon, nga magsangkap ug maayo kanato sa ‘paggamit sa pulong sa kamatuoran nga husto.’—2 Tim. 2:15.
Awit 203 ug paniklop nga pag-ampo.
Semana sa Mayo 22
10 min: Lokal nga mga pahibalo. Hisgoti ang mga puntong igsusulti diha sa kinaulahiang mga isyu sa Ang Bantayanang Torre ug Pagmata! nga magamit sa pagtanyag niini sa Adlaw sa Magasin niining hinapos sa semana.
20 min: “Unsang Kaugmaon ang Buot Nimo Alang sa Imong mga Anak?” Pakigpulong sa ansiyano kinsa sulondan nga ulo sa pamilya pinasukad sa artikulo sa Bantayanang Torre sa Hulyo 15, 1998, mga panid 4-6. Ipakita kon sa unsang paagi ang mga ginikanan kinahanglang magpakitag tiunay nga interes sa ginabuhat sa ilang mga anak sa eskuylahan, inay kay pasagdan lamang ang mga mahitabo. Ipasiugda kon sa unsang paagi ang mga ginikanan (1) makatabang sa ilang mga anak sa pagpili ug hustong sekular nga trabaho, (2) makaandam kanila sa pagbuntog sa pagpit-os sa eskuylahan ug sa trabahoan, ug (3) makapakita kanila kon sa unsang paagi matagbaw ang ilang espirituwal nga mga panginahanglan.
15 min: Pakigpulong nga may pag-ambitay sa mamiminaw maylabot sa mga puntos sa “Pangutana.” Ipakita kon sa unsang paagi ang mga atendant ug mga ginikanan maoy responsable sa panggawi sa kabataan sa sulod ug sa palibot sa Kingdom Hall.
Awit 83 ug paniklop nga pag-ampo.
Semana sa Mayo 29
12 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran sa Mayo. Ipasundayag ang mubong presentasyon sa tanyag nga literatura sa Hunyo. Ipakita kon unsaon pagtanyag ug pagtuon sa Bibliya, ginamit ang leksiyon 13 sa Gikinahanglan nga brosyur.
15 min: “Hupti ang Kangaya sa Imong Sagradong Pag-alagad.” Usa ka pakigpulong. Hisgoti ang mga rason kon nganong kita adunay hinungdan sa kangaya diha sa atong ministeryo.—Tan-awa ang Insight, Tomo 2, panid 120.
18 min: Kristohanong Panggawi sa Eskuylahan. Amahan makigsulti sa iyang anak lalaki o babaye aron ipunting ang seryosong mga kapeligrohan diha sa palibot sa eskuylahan, ilabina nga sa di-madugay ang bag-ong tuig sa pagtungha magsugod na. Iyang ipasiugda ang panginahanglan sa pagbantay sa panag-uban ug sa paglikay sa kuwestiyonableng mga kalihokan. Sublion niya ang kahon sa panid 24 sa Edukasyon nga brosyur ug isaysay ang panginahanglan sa pagpakitag maayong panig-ingnan ingong usa ka Saksi. Hisgotan sa amahan ang pipila sa mga tentasyon nga motungha nga naglangkit sa paggamit ug mga droga, pagpakigdeyt, pagtambong sa sosyal nga mga tipontipon, o pag-apil sa mga esports; ilang hisgotan kon unsaon paglikay sa mga suliran. Dasigon sa amahan ang batan-on nga dili maglangan sa pagtug-an kaniya kon adunay mga kakulian—gusto siyang mahibalo ug makatabang. Alang sa dugang mga puntos nga ikalakip, tan-awa ang Bantayanang Torre, Pebrero 15, 1998, mga panid 8-11.
Awit 95 ug paniklop nga pag-ampo.
Semana sa Hunyo 5
10 min: Lokal nga mga pahibalo.
20 min: “Usa ka Pribilehiyo nga Mabatonan sa mga Batan-on.” Pakigpulong ug panaghisgot sa mamiminaw. Iasoy ang mga kasinatian nga makaplagan sa Disyembre 1, 1996, Bantayanang Torre, panid 13, parapo 15. Dapita ang mga batan-on sa paghinumdom kon sa unsang paagi sila nalipay sa pag-apod-apod ug mga magasin. Ipasundayag sa usa o duha ka batan-on ang usa ka yanong presentasyon sa magasin diha sa mga pultahan. Dasiga ang mga ginikanan nga ikuyog ang ilang mga anak sa buluhatong magasin matag semana.
15 min: “‘Sulayan Mahitungod sa Pagkaangayan’—Sa Unsang Paagi?” Pakigpulong sa ansiyano. Sublia ang Kasulatanhong kahikayan sa pagbaton ug ministeryal nga mga alagad diha sa kongregasyon. (Tan-awa ang Insight, Tomo 2, panid 409.) Ipakita kon unsa ang mga kuwalipikasyon nga angay nilang kab-oton aron matudlo. (Tan-awa ang Atong Ministeryo nga libro, mga panid 55-7.) Ipunting ang mga paagi nga makaalagad ang ministeryal nga mga alagad, ug dasiga ang dugang mga igsoong lalaki sa pagkab-ot niining pribilehiyoa.
Awit 82 ug paniklop nga pag-ampo.