Repaso sa Tunghaan sa Teokratikanhong Ministeryo

Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Mayo 1 hangtod sa Agosto 20, 2000. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.

[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]

Tubaga ang matag usa sa mosunod nga mga pahayag nga Matuod o Bakak:

1. Ang tubag ni Gideon sa di-makataronganong binaba nga pag-atake sa mga lalaki sa Epraim nagsumbalik-silaw sa iyang kalumo ug pagkamapaubsanon ug busa naghanaw sa ilang mapihigong pagsaway ug nagpatunhay sa kalinaw. (Maghu. 8:​1-3) [Senemanang pagbasa sa Bibliya]

2. Bisan tuod si Manoa miingong “ang Diyos ang among nakita,” sa tinuoray siya ug ang iyang asawa nakakita sa nagmateryalisar nga personal nga tigpamaba sa Diyos ug dili si Jehova mismo. (Maghu. 13:22) [Senemanang pagbasa sa Bibliya; tan-awa ang w88-CV 5/15 p. 23 par. 3.]

3. Sa Maghuhukom 5:​31, ang ekspresyon nga “mga nahigugma kanimo” sa matagnaon nagtumong sa 144,000 nga mga manununod sa Gingharian. [si-CV p. 50 par. 28]

4. Walay mga bahin sa basahon sa Ruth ang nakaplagang nahilakip sa mga Linukot nga Basahon sa Patayng Dagat. [si-CV p. 51 par. 3]

5. Ang Maghuhukom 21:25 nagtumong sa yugto sa panahon sa dihang gibiyaan ni Jehova ang nasod sa Israel nga walay bisan unsang giya. [Senemanang pagbasa sa Bibliya; tan-awa ang w95-CV 6/15 p. 22 par. 16.]

6. Ang mga porma sa mga kerubin diha sa arka sa pakigsaad nagpakita sa harianong presensiya ni Jehova, nga gikaingong “naglingkod diha [o, “tali”] sa mga kerubin.” (1 Sam. 4:​4, ptn.) [Senemanang pagbasa sa Bibliya; tan-awa ang w80-E 11/1 p. 29 par. 2.]

7. Sa dihang ang mga sundalo ni Saul mikaon ug dugo diha sa lisod nga kahimtang ug wala siloti, nagpakita kini nga mahimong dihay makataronganong mga rason sa temporaryong pagsalikway sa balaod sa Diyos aron matipigan ang kinabuhi sa usa ka tawo. (1 Sam. 14:​24-​35) [Senemanang pagbasa sa Bibliya; tan-awa ang w94-CV 4/15 p. 31 mga par. 7-9.]

8. Bisan kon ilangkit sa uban ang pulong nga “pagdani” uban sa pagmaniobra ug pagkaabtik, magamit kini sa positibong diwa aron sa pagpasabot sa ideya sa pagkombinsir ug pag-usab sa hunahuna pinaagig maayo, lohiko nga pangatarongan. (2 Tim. 3:​14, 15) [w98-CV 5/15 p. 21 par. 4]

9. “Ang puntil sa kinabuhi” nagtumong sa diyosnong tagana sa panalipod ug pagtipig, nga makahatag ug kaayohan kang David kon maglikay siya sa pagkasad-an sa dugo sa mga mata sa Diyos. (1 Sam. 25:29) [Senemanang pagbasa sa Bibliya; tan-awa ang w91-CV 6/15 p. 14 par. 3.]

10. Ang pakigsaad sa Davidikong Gingharian, nga gipunting sa 2 Samuel 7:​16, nagtumong sa linya sa kaliwat sa Binhi nga motultol ngadto sa Mesiyas ug maoy legal nga garantiya nga may usa ka tawo diha sa kaliwat ni David nga moabot aron sa pagmando sa “panahong walay tino.” [Senemanang pagbasa sa Bibliya; tan-awa ang w89-CV 2/1 p. 14 par. 21–p. 15 par. 22.]

Tubaga ang mosunod nga mga pangutana:

11. Unsang pasalig ang gitagana sa Salmo 34:18? [w98-CV 4/1 p. 31 par. 2]

12. Unsay gipakita sa kamatuoran nga si Jose gianggaan ug Bernabe? (Buh. 4:​36) [w98-CV 4/15 p. 20 par. 3, ptn.]

13. Nganong ang asoy sa Bibliya nag-ingon nga si Eli padayong nagpasidungog sa iyang mga anak lalaki nga labaw pa kay sa iyang pagpasidungog kang Jehova? (1 Sam. 2:​12, 22-​24, 29) [Senemanang pagbasa sa Bibliya; tan-awa ang w96-CV 9/15 p. 13 par. 14.]

14. Nganong ang basahon sa Ruth magpalig-on sa atong pagsalig sa mga saad sa Gingharian? [si-CV p. 53 par. 10]

15. Sumala sa 1 Samuel 1:​1-7, unsang talagsaong panig-ingnan ang gipakita sa pamilya ni Samuel? [Senemanang pagbasa sa Bibliya; tan-awa ang w98-CV 3/1 p. 16 par. 12.]

16. Sa unsang diwa ikaingon nga ‘ang gahom sa bahandi malimbongon’? (Mat. 13:22) [w98-CV 5/15 p. 5 par. 1]

17. Sa unsang paagi ang mas magulang nga si Jonathan nagpakitag pag-ila sa dinihogan ni Jehova, nga si David, ug unsay gihulagwayan niini karong adlawa? (1 Sam. 18:​1, 3, 4) [Senemanang pagbasa sa Bibliya; tan-awa ang w89-CV 1/1 mga p. 24, 26 mga par. 4, 13.]

18. Bisan tuod siya “walay ikasaway ug matul-id,” sa unsang paagi ang basahon sa Job nagpakita nga kini wala magpasabot nga si Job hingpit? (Job 1:8) [w98-CV 5/1 p. 31 par. 1]

19. Unsay gipasabot sa ekspresyon nga “kusganong panlimbasogi ninyo”? (Luc. 13:24) [w98 6/15 p. 31 mga par. 1, 4]

20. Samtang kita magabuhat duyog sa uban, unsang hinungdanong leksiyon ang ikatisok sa kasingkasing, sumala sa natala sa 2 Samuel 12:​26-​28? [Senemanang pagbasa sa Bibliya; tan-awa ang w93-CV 12/1 p. 19 par. 19.]

Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:

21. Ang grabeng pagsaway ni Jehova sa pagsimba kang Baal magpalihok gayod kanato nga magpahilayo sa modernong-adlaw nga mga katumbas sa ․․․․․․․․, ․․․․․․․․, ug ․․․․․․․․. (Maghu. 2:​11-​18) [si-CV p. 50 par. 26]

22. Maoy sa mga adlaw ni Samuel nga natapos ang panahon sa ․․․․․․․․ ug nagsugod ang panahon sa ․․․․․․․․ nga makakita sa dihang ang Israel sa kataposan mawad-an sa pag-uyon ni Jehova. [si-CV p. 53 par. 1]

23. Ang balaang ngalan, nga Jehova, nagkahulogang “ ․․․․․․․․” ug nagpasabot nga si Jehova makatuman sa bisan unsang papel nga gikinahanglan aron molampos ang iyang ․․․․․․․․. [w98-CV 5/1 p. 5 par. 3]

24. Si Eli ug Saul parehas nga napakyas kay ang nahauna ․․․․․․․․ sa paglihok ug ang ulahi milihok nga ․․․․․․․․. [si-CV p. 57 par. 27]

25. Ang sambingay ni Jesus bahin sa mahigalaong Samaritano nagpasundayag nga ang tinuod nga matul-id nga tawo mao ang usa nga dili lamang basta motuman sa ․․․․․․․․ sa Diyos kondili mosundog usab sa iyang ․․․․․․․․. (Luc. 10:​29-​37) [w98-CV 7/1 p. 31 par. 2]

Pilia ang hustong tubag sa matag mosunod nga mga pahayag:

26. Ang malukpanong hiyas ni Jehova sa (kaalam; gahom; gugma) nakita diha sa iyang pagpili sa Moabitang si (Ruth; Naomi; Orpa), kanhi usa ka magsisimba kang (Baal; Kemos; Dagon), nga nakombertir sa matuod nga relihiyon ug nahimong katigulangang babaye ni Jesu-Kristo. (Mat. 1:​3, 5, 16) [si-CV p. 51 par. 1]

27. Ang panahon sa pagmando sa mga maghuhukom sa Israel natapos sa dihang si (Samuel; David; Saul) gidihogan ingong hari ug sa wala madugay human niana nagparot sa mga (Amonihanon; Moabinhon; Pilistihanon) nga may pagpaluyo ni Jehova. (1 Sam. 11:​6, 11) [Senemanang pagbasa sa Bibliya; tan-awa ang w95-CV 12/15 p. 9 par. 2–p. 10 par. 1.]

28. (Si apostol Pablo; Ang iyang amahan; Ang iyang inahan ug apohang babaye) ang nanguna sa pag-edukar kang Timoteo diha sa “balaang mga sinulat” ngadto sa punto sa pagsud-ong kaniya nga nahimong ekselenteng misyonaryo ug magtatan-aw. (2 Tim. 3:​14, 15; Filip. 2:​19-​22) [w98-CV 5/15 p. 8 par. 3–p. 9 par. 5]

29. Ang ministeryo ni (David; Samuel; Jonathan) samtang bata pa angayng magdasig sa mga batan-on sa pagsulod sa ministeryo karong adlawa, ug ang iyang pagpadayon nga walay hunong hangtod sa kataposan sa iyang mga adlaw angayng magpalig-on niadtong maluya gumikan sa pangedaron. [si-CV p. 58 par. 30]

30. Ang yugto nga nagkobre sa 2 Samuel maoy gikan sa (1077 ngadto sa mga 1040; 1077 ngadto sa mga 1037; 1070 ngadto sa mga 1040) W.K.P. [si-CV p. 59 par. 3]

Ipatukma ang mosunod nga mga kasulatan nganha sa mga pahayag nga gitala sa ubos:

Maghu. 11:​30, 31; 1 Sam. 15:22; 30:​24, 25; 2 Hari 6:​15-​17; Sant. 5:​11

31. Si Jehova nagpasalig nga iyang gamiton ang iyang langitnong kasundalohan sa pagpanalipod sa iyang katawhan sumala sa iyang kabubut-on. [w98-CV 4/15 p. 29 par. 5]

32. Ang mga magtatan-aw sa kongregasyon adunay responsabilidad nga sundon ang ilang mga kasabotan bisan tuod kini usahay masakit ug gastoso. [w99-CV 9/15 p. 10 mga par. 3, 4]

33. Ang paghupot sa integridad ilalom sa pagsulay mosangpot sa dakong ganti gikan kang Jehova nga Diyos. [w98-CV 5/1 p. 31 par. 4]

34. Ang tinuod nga gugma ngadto sa Diyos nagkinahanglan sa pagsunod sa diyosnong mga direktiba ug dili lamang basta pagtanyag ug mga halad ngadto kaniya. [Senemanang pagbasa sa Bibliya; tan-awa ang w96-CV 6/15 p. 5 par. 1.]

35. Si Jehova nagpakitag dulot nga pagpabili niadtong nag-alagad diha sa mapaluyohong mga papel sa iyang organisasyon karong adlawa. [Senemanang pagbasa sa Bibliya; tan-awa ang w86-CV 9/1 p. 28 par. 4.]