Mga Pahibalo
◼ Tanyag nga literatura sa Agosto: Bisan hain sa mga brosyur mahimong itanyag. Apan, sanglit aduna kitay daghang suplay sa brosyur, Usa ka Basahon Alang sa Tanang Tawo, among gidasig ang mga kongregasyon sa pagtanyag niini sa Agosto. Septiyembre: Ang librong Life—How Did It Get Here? By Evolution or by Creation? Oktubre: Indibiduwal nga mga kopya sa Ang Bantayanang Torre ug Pagmata! Kon sa mga pagbalikduaw makita ang interes, ang mga suskrisyon mahimong itanyag. Sugod sa ulahing bahin sa bulan, ang Kingdom News Num. 36, “Ang Bag-ong Milenyo—Unsay Anaa sa Umaabot Alang Kanimo?,” iapod-apod. Nobyembre: Ang pagpang-apod-apod sa Kingdom News Num. 36 magpadayon. Ang mga kongregasyon nga makahuman na sa ilang teritoryo pinaagig pagtunol sa mga tagbalay sa matag puy-anan ug usa ka kopya sa Kingdom News Num. 36 mahimong motanyag sa librong Kahibalo o sa brosyur nga Gikinahanglan. Kon ang mga tawo aduna na niini, ang librong Kinabuhing Walay Kataposan o ang librong Creation mahimong gamiton. MATIKDI: Ang mga kongregasyon nga wala pa makahangyo sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Request Form (S-AB-14).
◼ Ang nagadumalang magtatan-aw o usa nga iyang gitudlo kinahanglang mag-awdit sa mga kuwenta sa kongregasyon sa Septiyembre 1 o dili madugay human niana. Sa dihang kini nahimo na, ipahibalo sa kongregasyon human nga mabasa ang sunod nga taho sa kuwenta.
◼ Ang tinuig nga imbentaryo sa tanang literatura ug mga magasin nga estak kinahanglang himoon sa Agosto 31, 2000, o sa daling panahong posible human niana. Kini nga imbentaryo maoy susama sa aktuwal nga ihap nga gihimo matag bulan sa koordinetor sa literatura, ug ang mga total kinahanglang itala diha sa pormang Literature Inventory (S-18). Ang total nga gidaghanon sa magasin nga estak mahimong kuhaon gikan sa mga alagad sa magasin sa matag kongregasyon diha sa grupo sa literatura. Ang matag nagahikay nga kongregasyon makadawat ug tulo ka Literature Inventory nga mga porma (S-18) duyog sa Hunyo nga kuwentada sa kuwenta. Palihog ipadala ang orihinal ngadto sa Sosyedad nga dili maulahi sa Septiyembre 6. Hupti ang ikaduhang kopya sa inyong mga payl. Ang ikatulong kopya mahimong gamiton ingong work sheet. Ang sekretaryo sa nagahikay nga kongregasyon kinahanglang modumala sa imbentaryo. Ang sekretaryo ug ang nagadumalang magtatan-aw sa nagahikay nga kongregasyon mopirma sa porma.
◼ Duyog sa Hunyo nga kuwentada sa kuwenta, ang matag kongregasyon makadawat ug duha ka kopya sa Congregation Analysis Report (S-10). Ang sekretaryo sa kongregasyon magtigom sa mga taho aron mapil-apan kini nga porma sa tukma ug hapsay nga paagi, human niana kini kinahanglang maampingong susihon sa komite sa pag-alagad. Ang orihinal kinahanglang ipadala ngadto sa Sosyedad sa Septiyembre 6. Hupti ang duplikado sa inyong payl.
◼ Ang mga order sa Pagsusi sa Kasulatan sa Adlaw-Adlaw—2001 ug ang 2001 Calendar kinahanglang ipadala na karon ngadto sa Sosyedad. Magpadala kami ug special order blank uban sa Hunyo nga kuwentada sa kuwenta para niining duha ka aytem. Inigkadawat ninyo niini, pil-api kini ug ibalik kini sa Sosyedad nga dili maulahi sa Septiyembre 6.
◼ Aduna pay panahon alang kanilang nagaplano nga mosugod sa regular payunir nga buluhaton sa Septiyembre 1 aron itunol ang ilang mga aplikasyon. Sa dihang aprobahan kini sa komite sa pag-alagad kinahanglang ipadala kini ngadto sa Sosyedad nga walay langan aron ang aprobal madawat sa dili pa ang Septiyembre 1.
◼ Bag-ong Audiocassette nga Mabatonan:
Appreciating Our Spiritual Heritage—Ingles (Kini ang drama nga nakita sa mga distritong kombensiyon sa miaging tuig)
◼ Bag-ong Publikasyon nga Mabatonan:
Watch Tower Publications Index 1999—Ingles