Mga Pahibalo
◼ Tanyag nga literatura sa Oktubre: Indibiduwal nga mga kopya sa Ang Bantayanang Torre ug Pagmata! Diin makaplagan ang interes diha sa mga pagbalikduaw, ang mga suskrisyon mahimong itanyag. Sugod sa ulahing bahin sa bulan, ang Kingdom News Num. 36 iapod-apod. Nobyembre: Ang pag-apod-apod sa Kingdom News Num. 36 ipadayon. Ang mga kongregasyon nga makahuman na sa ilang teritoryo pinaagig pagtunol sa mga tagbalay sa matag puy-anan ug usa ka kopya sa Kingdom News Num. 36 mahimong motanyag sa librong Kahibalo o sa brosyur nga Gikinahanglan. Disyembre: Ang brosyur nga Usa ka Basahon Alang sa Tanang Tawo itanyag duyog sa New World Translation of the Holy Scriptures. Enero: Bisan unsang daandaang 192-panid nga mga libro mahimong itanyag. Kon ang mga kongregasyon walay estak sa bisan hain niini, ang librong Kalipay sa Pamilya mahimong itanyag.
◼ Ang pasukip sa mga panid 3-6 niining isyuha sa Atong Ministeryo sa Gingharian mao ang “Eskedyul sa Tunghaan sa Teokratikanhong Ministeryo sa 2001.” Palihog matikdi: Alang sa 2001 ang ikatulo ug ikaupat nga mga pakigpulong sa estudyante gipasukad sa librong Nangatarongan Pinasukad sa Kasulatan. Kini nga libro mabatonan sa Cebuano, Iloko, ug Tagalog. Alang sa Bicol, Hiligaynon, Pangasinan, ug Samar-Leyte ang mga tema hubaron apan ang reperensiya maoy sa Iningles nga kopya sa librong “Nangatarongan.”
◼ Sa Nobyembre 1, daghang tawo ang mabalak-on bahin sa namatay nga mga minahal, busa haom nga magdala kitag tract nga Unsay Paglaom Alang sa Namatay nga mga Minahal? ug ang mga brosyur nga Sa Dihang ang Imong Minahal Mamatay o Unsay Mahitabo Kanato sa Dihang Mamatay Kita? sa panahong mamalaybalay o diha sa mga sementeryo nianang adlawa.
◼ Tungod sa linaing kampanya sa Kingdom News Num. 36 sugod sa Oktubre 16 ug hangtod sa Nobyembre 17, kini maoy maayo kaayong kahigayonan sa pagpakig-ambit sa oksilyare payunir nga pag-alagad. Among gidasig ang tanan nga makahimo sa pag-aplay sulod sa Oktubre ug Nobyembre.
◼ Ang mga order alang sa 2001 Yearbook of Jehovah’s Witnesses mahimo nang ipadala karon. Nagpadala kami ug espesyal nga Yearbook Order Blank ngadto sa matag kongregasyon uban sa kuwentada sa Agosto. Inigkadawat ninyo niini, pil-api kini ug ibalik kini ngadto sa Sosyedad nga dili maulahi sa Nobyembre 15.