Eskedyul sa Tigom sa Pag-alagad
Semana sa Marso 12
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: Lokal nga mga panginahanglan.
20 min: “Abril—Panahon sa ‘Paghago ug Pagpanlimbasog sa Atong Kaugalingon.’” (Mga parapo 1-13) Dumalahon sa nagadumalang magtatan-aw. Madasigong panaghisgot bahin sa atong gitinguha nga malampos sa Abril. Dasiga ang tanan diha sa kongregasyon sa pagbuhat sa iyang bahin sa pagkab-ot sa tumong nga 100-porsiyento nga pagpakig-ambit diha sa ministeryo nianang bulana.
Awit 147 ug paniklop nga pag-ampo.
Semana sa Marso 19
8 min: Lokal nga mga pahibalo. Taho sa kuwenta.
17 min: Gamitag Maayo ang 2001 Yearbook. Pakigpulong ug panaghisgot sa mamiminaw. Sublia ang “2000 Grand Totals,” diha sa panid 31. Hisgoti ang “A Letter From the Governing Body,” sa mga panid 3-5. Ipaasoy sa pipila diha sa mamiminaw ang usa ka taho o kasinatian gikan sa bag-ong Yearbook nga ilabinang nakapadasig ug nakapalig-on kanila. Dasiga ang mga pamilya sa pagbasa nga duyog sa tibuok Yearbook, ingon sa gibuhat sa pamilyang Bethel sa tibuok kalibotan sulod sa tuig. Ipasiugda ang mga pangutana sa panid 255, nga mahimong magamit sa pagsubli sa nakat-onan.
20 min: “Abril—Panahon sa ‘Paghago ug Pagpanlimbasog sa Atong Kaugalingon.’” (Mga parapo 14-30) Dumalahon sa magtatan-aw sa pag-alagad. Pakigpulong uban sa piniling pangutanag-tubag nga mga bahin. Ang tanan kinahanglang maghimog praktikal nga eskedyul alang sa pagpakig-ambit kutob sa maarangan diha sa ministeryo sulod sa Abril. Dasiga ang tanan nga makahimo sa pag-oksilyare payunir ug sa pagkuhag aplikasyon human sa tigom.
Awit 188 ug paniklop nga pag-ampo.
Semana sa Marso 26
10 min: Lokal nga mga pahibalo. Isaysay nga dili pa ulahi kaayo ang pagtunol ug aplikasyon sa pag-oksilyare payunir sa Abril. Dasiga ang tanan sa pagsunod sa pagbasa sa Bibliya alang sa Memoryal nga gieskedyul sa Abril 3-8, sumala sa gilaraw sa Pagsusi sa Kasulatan sa Adlaw-Adlaw—2001. Ipahibalo kon kanus-a ipahigayon ang Pagtuon sa Bantayanang Torre sa semana sa Memoryal. Ayaw kalimti ang espesyal nga pakigpulong publiko niining Dominggo, Abril 1, nga nag-ulohang “Kinsa ang Maluwas?” Awhaga ang tanan nga makig-ambit sa ministeryo sa maong adlaw aron makahimog maayong pagsugod sa Abril.
20 min: “Pasidunggan Natong Tanan si Jehova ug ang Iyang Anak.” Usa ka Kasulatanhong makapalihok nga pakigpulong sa usa ka ansiyano. Dasiga ang tanan nga makig-ambit sa bug-os nga maarangan diha sa linaing kalihokan nga giplano sa Abril ug maghimog dugang paningkamot nga dapiton ang mga tawo ngadto sa Memoryal.
15 min: Pagpangandam sa Atong mga Presentasyon sa Magasin. Atong itanyag Ang Bantayanang Torre ug Pagmata! sulod sa Abril. Sublia ang panid 8, mga parapo 3 ug 10, diha sa Oktubre 1996 nga Atong Ministeryo sa Gingharian. Ipasiugda ang (1) usa ka artikulo, (2) usa ka haom nga puntong ikapakigsulti, (3) usa ka pangutana nga mopukaw ug interes, ug (4) usa ka tukma-sa-panahon nga kasulatan nga magamit nga epektibo sa pagpresentar sa matag bag-ong mga magasin. Paningkamoti ang paggamit sa brosyur nga Gikinahanglan o ang librong Kahibalo sa pagsugod ug mga pagtuon sa Bibliya uban sa interesadong mga tawo. Tiklopi pinaagi sa usa ka naandam pag-ayong pasundayag kon sa unsang paagi kini lagmit himoon diha sa unang pagduaw.
Awit 207 ug paniklop nga pag-ampo.
Semana sa Abril 2
9 min: Lokal nga mga pahibalo. Pahinumdomi ang mga magmamantala sa pagtunol sa mga taho sa pag-alagad alang sa Marso. Sublia ang “Mga Pahinumdom sa Memoryal.”
18 min: “Ang Gugma Nagpalihok Kanato sa Pagsangyaw.”a Ipasiugda ang mga kasulatan diha sa artikulo. Ilakip ang mga impormasyon nga gipresentar diha sa Insight, Tomo 2, panid 673, parapo 1. Dapita ang usa ka magmamantala nga aktibo sulod sa daghang tuig sa pag-asoy kon sa unsang paagi ang gugma alang sa Diyos nagpalihok kaniya sa pagpadayon sa buluhatong pagsangyaw.
18 min: “Tabangi ang Uban sa Pagtambong sa mga Tigom.”b Ang Hunyo 1996 nga pasukip sa Atong Ministeryo sa Gingharian, mga parapo 14-16, nagtanyag ug dugang mga sugyot kon unsaon pagtultol ang mga estudyante sa Bibliya ngadto sa organisasyon. Ipakita kon sa unsang paagi ang brosyur nga Gikinahanglan (leksiyon 5, parapo 7) ug ang librong Kahibalo (kapitulo 5, parapo 22) magamit nga sayo aron sa pagdasig sa pagtambong sa tigom. Sa pag-ilustrar niini, ipasundayag sa usa ka takos nga magmamantala ang naandam pag-ayong demonstrasyon nga mainitong magdasig sa usa ka estudyante nga hunahunaong ugdang ang bahin sa pag-adto sa mga tigom.
Awit 47 ug paniklop nga pag-ampo.
[Mga footnote]
a Limitahe ang pasiunang mga komento nga dili molapas sa usa ka minuto, ug sundan sa usa ka pangutanag-tubag nga panaghisgot.
b Limitahe ang pasiunang mga komento nga dili molapas sa usa ka minuto, ug sundan sa usa ka pangutanag-tubag nga panaghisgot.