Repaso sa Teokratikanhong Tunghaan sa Ministeryo
Sirado-basahong pagsubli sa materyal nga nakobrehan diha sa mga asaynment sa Teokratikanhong Tunghaan sa Ministeryo para sa mga semana sa Mayo 7 hangtod sa Agosto 20, 2001. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Ang pag-ampo nga gitumong diha sa Nehemias 2:4 maoy pangataposang pag-ampo tungod sa pagkawalay-paglaom. [Senemanang pagbasa sa Bibliya; tan-awa ang w86 2/15 p. 25 par. 8.] Bakak. Ang nalumpag nga kahimtang sa Jerusalem maoy tema sa mga pag-ampo ni Nehemias sa “adlaw ug gabii” sa hataas nga panahon (1:4, 6); sa gihatagag linaing kahigayonan, miampo pag-usab si Nehemias, busa gihimo ang iya nang nahimo sa makadaghan.
2. Ang pulong “kongregasyon” gihubad gikan sa Gregong pulong nga ek·kle·siʹa, nga kinaiyanhon nianang pulonga mao ang mga ideya sa panaghiusa ug pagpaluyo sa usag usa. [w99 5/15 p. 25 par. 4] Matuod.
3. Samtang likayan sa mga alagad ni Jehova ang mga kostumbre nga may kalabotan sa kamatayon nga sukwahi sa Pulong sa Diyos, wala nila isalikway ang tanang kostumbre may kalabotan sa kamatayon. (Juan 19:40) [rs-CV p. 106 par. 4] Matuod.
4. Sulod sa yugto nga si Job nabuhi, siya lamang ang tawo nga nagmatinumanon kang Jehova. (Job 1:8) [Senemanang pagbasa sa Bibliya; tan-awa ang w92 8/1 p. 31 mga par. 3-4.] Bakak. Bisan pag walay mas talagsaon kay kang Job ingong usa ka tawong matarong, si Elihu, kinsa nagtul-id kang Job, nagbayaw sa matuod nga Diyos ug gidawat Niya ingong matinumanon; lagmit dihay uban pa nga matinumanon usab.
5. Ang kamatuoran nga si Saulo, o Pablo, nagsuportar sa kaugalingon pinaagi sa paghimog tolda nagpakita nga siya kabos ug kagikan. (Buh. 18:2, 3) [w99 5/15 p. 30 par. 2–p. 31 par. 1] Bakak. Si Pablo adunay Romanhong pagkalungsoranon, naggamit ug ekselente nga Grego diha sa iyang mga sinulat, ug naedukar sa tiilan sa tinamod pag-ayong magtutudlo nga si Gamaliel. (Buh. 22:3, 27)
6. Bisan pag nakahimo si David ug seryosong mga sala, si Jehova makasulti nga siya “milakaw sunod kanako uban ang bug-os niyang kasingkasing” tungod sa mahinulsolong tinamdan ug maayong mga hiyas ni David. (1 Hari 14:8) [w99 6/15 p. 11 par. 4] Matuod.
7. Gawas kon ang butang nga atong gisaad dili-kasulatanhon, angay natong buhaton ang kutob sa atong maarangan sa pagtuman sa atong mga saad bisan kon atong mahibaloan sa ulahi nga lisod ang pagbuhat niini. (Sal. 15:4) [Senemanang pagbasa sa Bibliya; tan-awa ang w89 9/15 p. 28 par. 5.] Matuod.
8. Ang Salmo 22:1 nagpaila nga ilalom sa pagpit-os si David temporaryong nawad-an sa iyang pagtuo. [Senemanang pagbasa sa Bibliya; tan-awa ang w86 8/15 p. 20 par. 19.] Bakak. Ang tawhanong reaksiyon ni David sa iyang grabeng kalisod wala magpakita sa kawalay-pagtuo, sanglit mipadayon siya sa masaligong pag-ampo ug kaluwasan. (Sal. 22:16-19)
9. Ang usa ka Kristohanon tingali “matumba” kon maylabot sa kapakyasan, mga kahiubos, ug legal o pinansiyal nga mga kalisod, apan uban sa tabang sa espiritu sa Diyos ug sa Iyang mahigugmaong mga magsisimba, sa espirituwal siya dili “malup-og” sa bug-os. (Sal. 37:23, 24) [Senemanang pagbasa sa Bibliya; tan-awa ang w86 11/1 p. 30 par. 14.] Matuod.
10. Ang Genesis kapitulo 1 nagatudlo nga gilalang sa Diyos ang tanang butang niining yutaa sa unom ka tag-24-oras nga mga adlaw. [rs-CV p. 164 par. 2] Bakak. Ang asoy sa Bibliya wala magaingon nga kini maoy 24-oras nga mga adlaw; ang Bibliya subsob nga naggamit sa pulong “adlaw” sa pagbatbat sa hataas nga yugto sa panahon. (2 Ped. 3:8)
Tubaga ang mosunod nga mga pangutana:
11. Sa unsang paagi si Esdras ug ang iyang mga katabang ‘naghatag ug kahulogan’ sa Balaod? (Neh. 8:8) [Senemanang pagbasa sa Bibliya; tan-awa ang w86 2/15 p. 26 par. 4.] Gawas pa sa paggamit ug tukmang paglitok ug binaba nga pagpasiugda, gipatin-aw ni Esdras ug sa iyang mga katabang ang Balaod ug gipadapat ang mga prinsipyo niini aron mas masabtan pa kini sa mga tawo.
12. Gikan sa unsa nga mosangpot “ang kalipay ni Jehova”? (Neh. 8:10) [Senemanang pagbasa sa Bibliya; tan-awa ang w86 2/15 p. 26 par. 9.] Sumala sa gipaila sa konteksto, “ang kalipay ni Jehova” mosangpot tungod sa pagsabot sa Pulong sa Diyos, sa pagpadapat niini sa kaugalingon, ug sa pagsanong sa teokratikanhong pagtultol.
13. Nganong gipanalanginan kadtong “miboluntaryo sa pagpuyo sa Jerusalem”? (Neh. 11:2) [Senemanang pagbasa sa Bibliya; tan-awa ang w86 2/15 p. 26 par. 12.] Ang pagbiya sa ilang napanunod nga kabtangan ug pagbalhin ngadto sa Jerusalem nagpahinabog pipila ka galastohan ug kalisdanan; kadtong nagpuyo nianang siyudara tingali naladlad sa nagkalainlaing mga kapeligrohan; kadto maoy dalayegong pagsakripisyo nga niana sila gipanalanginan.
14. Nganong gipalangan ni Ester ang pagpahibalo sa hari sa espesipiko niyang tuyo? (Est. 5:6-8) [Senemanang pagbasa sa Bibliya; tan-awa ang w86 3/15 p. 24 par. 18.] Kadto dili tungod kay walay kaisog, sanglit gipameligro na niya ang iyang kinabuhi sa pagduol sa hari; tingali naningkamot siya sa pagdani una sa maayong kabubut-on sa hari; nalangkit usab ang pagtultol sa Diyos, tungod kay ang misunod nga kal-ang sa higayon nagtugot sa pipila ka panghitabo. (Diwa igo na)
15. Unsang duha ka hinungdanong mga pangutana ang gitubag sa basahon sa Job? [si p. 95 par. 1] Gitubag niining basahona ang mga pangutanang: Nganong nag-antos ang mga inosente? Nganong gitugotan sa Diyos ang pagkadaotan sa yuta?
16. Nganong ang tambag ni Elipaz nagpaluya kang Job ug napakyas sa pagdasig kaniya? (Job 21:34; 22:2, 3) [Senemanang pagbasa sa Bibliya; tan-awa ang w95 2/15 p. 27 mga par. 5-6.] Tungod kay gipasikad kadto sa personal nga mga ideya ug dili sa diyosnong kaalam; kadto dili matinud-anon ug gipasikad sa dili hustong mga pangagpas.
17. Unsa ang usa ka salmo? [si p. 101 par. 2] Ang usa ka salmo maoy usa ka sagradong awit o balak nga gigamit sa pagdayeg ug pagsimba sa Diyos.
18. Unsang “walay-pulos nga butang” ang padayong ‘giyagubyob’ sa mga nasod, ingon sa natala sa Salmo 2:1? [Senemanang pagbasa sa Bibliya; tan-awa ang w86 8/15 p. 20 par. 5.] Sukad sa 1914 ang mga nasod padayong “nagyagubyob” sa (o, nagpalandong sa) katunhayan sa ilang kaugalingong awtoridad ug soberanya inay sa pagdawat kang Jesu-Kristo ingong dinihogang Hari ni Jehova.
19. Unsang praktikal nga leksiyon mahitungod sa pagkawalay-pagpihig ang atong makat-onan gikan sa ministeryo ni Felipe may kalabotan sa mga Samarianhon ug sa Etiopianhong opisyal? (Buh. 8:6-13, 26-39) [w99 7/15 p. 25 par. 2] Dili gayod nato hunahunaon nga ang mga tawo sa usa ka nasyonalidad, rasa, o sosyal nga pagkabutang dili gayod interesado sa maayong balita; angayng isangyaw gayod nato ang mensahe sa Gingharian ngadto sa “tanang matang sa katawhan.” (1 Cor. 9:19-23)
20. Sa unsang paagi giilustrar ni Job ang iyang pagtuo nga ang Diyos makabanhaw kaniya gikan sa lubnganan, nga gilantaw niya ingong dapit nga katagoan gikan sa iyang mga suliran? (Job 14:7, 13-15) [Senemanang pagbasa sa Bibliya; tan-awa ang w00 5/15 p. 27 par. 7–p. 28 par. 1.] Si Job naghisgot bahin sa usa ka kahoy (tingali sa kahoyng olibo) nga tingali putlon o malaya tungod sa dugayng hulaw ug sa ulahi moturok pag-usab.
Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:
21. Ang Ester 8:17 nag-ingon nga ang katawhan “nagpahayag nga sila mga Hudiyo”; maingon man karon, ang “․․․․․․․” sa “ubang mga karnero” midapig sa kiliran sa ․․․․․․․. (Pin. 7:9; Juan 10:16; Zac. 8:23) [Senemanang pagbasa sa Bibliya; tan-awa ang w86 3/15 p. 25 par. 14.]
22. Ingon sa gipaila sa Buhat 1:7, bisan pag mahunahunaon kaayo si Jehova sa ․․․․․․․, ang iyang adlaw sa panudya moabot ingon sa usa ka ․․․․․․․, sa panahon nga ang katawhan wala magdahom niini. (2 Ped. 3:10) [w99 6/1 p. 5 mga par. 1-2]
23. Sa 2 Pedro 3:7, 10, ang mga terminong “mga langit” ug “yuta” gigamit diha sa ․․․․․․․; ingon sa gipasabot sa konteksto, ang “yuta” nagtumong sa ․․․․․․․. [rs-CV p. 436 mga par. 2-4]
24. Ang maayong komunikasyon mapaposible pinaagi sa kompiyansa, pagsalig, ug pagsinabtanay sa usag usa, ug kini ang mga hiyas nga moresulta sa dihang ang kaminyoon lantawon ingong ․․․․․․․ nga relasyon ug adunay tiunay nga ․․․․․․․ sa paghimo niini nga malamposon. [w99 7/15 p. 21 par. 3]
25. Ang positibong pagpit-os sa isigkaingon makatabang kanato sa ․․․․․․․ sa moral ug espirituwal nga mga kinahanglanon ug sa ingon makatabang kanato sa pag-alagad kang Jehova nga ․․․․․․․. [w99 8/1 p. 24 par. 3]
Pilia ang hustong tubag sa matag usa sa mosunod nga mga pahayag:
26. Ang ‘paglingkod ni Mardokeo didto sa ganghaan sa hari’ nagpaila nga siya (ang guwardiya sa hari; usa sa mga opisyal ni Haring Ahasuero; naghulat kon kanus-a makaatubang sa hari). (Est. 2:19, 20) [Senemanang pagbasa sa Bibliya; tan-awa ang w86 3/15 p. 24 par. 9.]
27. Sumala sa nasulat sa Job 19:25-27, si Job nagpahayag ug pagtuo nga iyang “makita ang Diyos” sa pagkaagi nga (siya makakitag panan-awon; siya mabanhaw ngadto sa langitnong kinabuhi; mabuksan ang iyang mga mata sa pagsabot aron makakita sa kamatuoran bahin kang Jehova). [Senemanang pagbasa sa Bibliya; tan-awa ang w94 11/15 p. 19 par. 17.]
28. Si Job ilabinang mahinumdoman sa iyang (gugma; kalulot; pagkamainantoson). (Sant. 5:11) [si p. 100 par. 41]
29. Ang pagsulat sa basahon sa Mga Salmo mikabat ug mga (tulo ka gatos; lima ka gatos; usa ka libo) ka tuig. [si p. 101 par. 4]
30. Si (David; Asap; Esdras) dayag mao ang mihikay sa basahon sa Mga Salmo sa pangataposang porma. [si p. 102 par. 6]
Ipatukma ang mosunod nga mga kasulatan nganha sa mga pahayag nga gitala sa ubos:
Neh. 3:5; Sal. 12:2; 19:7; 2 Tim. 3:16, 17; Sant. 5:14-16
31. Kita kinahanglang andam sa pagpaubos sa atong kaugalingon ug dili magarbohong modumili, nga mag-isip sa bug-at nga trabaho nga makawala sa atong dignidad. [Neh. 3:5] [Senemanang pagbasa sa Bibliya; tan-awa ang w86 2/15 p. 25 mga par. 12, 19.]
32. Ang usa ka Kristohanon nga nalangkit sa grabeng kasal-anan kinahanglang mosugid sa iyang mga sala ngadto sa mga ansiyano. [Sant. 5:14-16] [rs-CV p. 323 par. 6]
33. Samtang ang Diyos migamit ug mga damgo sa paghatag ug mga pasidaan, instruksiyon, ug tagna ngadto sa iyang katawhan sa kakaraanan, nagtagana siya karon alang sa atong kaluwasan pinaagi sa iyang inspiradong sinulat nga Pulong. [2 Tim. 3:16, 17] [rs-CV p. 140 par. 6]
34. Kon buot nato ang panaghigalaay uban sa Diyos, kita kinahanglang matinud-anon sa kinailadman, nga walay pagkasalingkapaw. [Sal. 12:2] [Senemanang pagbasa sa Bibliya; tan-awa ang w89 9/15 p. 26 par. 7.]
35. Ang pagkamasinugtanon sa balaod sa Diyos dunay makapalagsik nga epekto sa kalag ug makapalambo sa kaayohan sa usa. [Sal. 19:7] [Senemanang pagbasa sa Bibliya; tan-awa ang w00 10/1 p. 13 par. 4.]