Mga Pahibalo

◼ Tanyag nga literatura sa yNobyembre: Ang librong Kahibalo o brosyur nga Gikinahanglan mahimong itanyag. Kon aduna na niini ang mga tagbalay, ang Pagpangita sa Katawhan sa Diyos o bisan unsang daandaang publikasyon mahimong gamiton. Disyembre: Ang Labing Bantogang Tawo nga Nabuhi Sukad, Akong Basahon sa mga Estorya sa Bibliya, o, kon mabatonan, Ikaw Mabuhing Walay Kataposan sa Paraiso sa Yuta. Enero ug Pebrero: Ang daandaang 192-panid nga mga libro mahimong itanyag, sama sa Kalipay​—Unsaon sa Pagkaplag Niini, Ang Kamatuoran nga Motultol sa Kinabuhing Dayon, o Ang Tinuod nga Kalinaw ug Kasegurohan​—Sa Unsang Paagi Imong Makaplagan Kini? Kon walay daandaang mga libro nga mabatonan, bisan hain sa Pagpangita sa Katawhan sa Diyos o ang libro nga Creation mahimong puli nga itanyag.

◼ Sanglit ang unang duha ka kombensiyon sa Quezon City pagahimoon sa kataposang duha ka semana sa Nobyembre, gisugyot nga ang mga kongregasyon nga motambong niining kombensiyona magseguro nga ang tulo ka artikulo sa pasukip niini nga Atong Ministeryo sa Gingharian mahisgotan sa Tigom sa Pag-alagad sa dili pa motambong sa ilang kombensiyon, nga maghimog lokal nga mga pagpasibo sa eskedyul tungod niana. Niining paagiha, ang impormasyon dili malaktawan niadtong mga kongregasyon nga motambong niining sayo nga mga kombensiyon.

◼ Ang Sosyedad nagaplano nga hikayon ang programa alang sa mga bungol didto sa Quezon City nga “Mga Magtutudlo sa Pulong sa Diyos” Distritong Kombensiyon sa Disyembre 7-9, 2001. Kini ipahigayon nga dungan sa Ingles nga kombensiyon sa maong petsa. Bisan kinsang bungol nga mga tawo nga makasabot ug senyas nga pinulongan angayng motambong niini nga kombensiyon, sanglit walay programa para sa bungol sa ubang mga kombensiyon.

◼ Ang nagadumalang magtatan-aw o usa nga iyang itudlo kinahanglang mag-awdit sa kuwenta sa kongregasyon sa Disyembre 1 o sa dili madugay human niana. Ipahibalo sa kongregasyon sa dihang kini nahuman na.

◼ Kadtong nakig-uban sa kongregasyon gihangyo sa pagpadala sa tanang bag-o ug gibag-o nga mga suskrisyon sa Ang Bantayanang Torre ug Pagmata!, lakip ang ilang personal nga mga suskrisyon, pinaagi sa kongregasyon.

◼ Ang sangang buhatan dili magsuplay sa mga order sa indibiduwal nga magmamantala alang sa literatura. Angayng hikayon sa nagadumalang magtatan-aw nga ipahibalo kada bulan sa dili pa ikapadala ngadto sa sangang buhatan ang binulang hangyo sa kongregasyon alang sa literatura aron nga kadtong interesadong makabaton ug personal nga literatura magpahibalo sa igsoon nga nagdumala sa literatura aron malakip sa hangyo sa literatura nianang bulana. Palihog hinumdomi kon unsang mga publikasyona ang special-request.

◼ Palihog matikdi sa talaan sa panid 6 nga ang distritong kombensiyon sa Tandag, Surigao Sur pagahimoon na karon sa Disyembre 28-30, 2001 inay sa Disyembre 21-23.

◼ Bag-ong Tract nga Mabatonan:

Tract T-26, Would You Like to Know More About the Bible?​—Bicol, Cebuano, Hiligaynon, Iloko, Pangasinan, Samar-Leyte, Tagalog (Kini maoy usa ka tract nga linaing gidisenyo aron matabangan kita sa pagsugod ug mga pagtuon sa Bibliya diha sa buluhatong pagpamalaybalay.)