Eskedyul sa Tigom sa Pag-alagad
Semana sa Disyembre 10
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagtan-aw sa video nga To the Ends of the Earth agig pagpangandam sa panaghisgot diha sa Tigom sa Pag-alagad sa semana sa Disyembre 24.
12 min: Lokal nga mga panginahanglan.
23 min: “Aduna Kitay Bag-ong Himan sa Pagsugod ug mga Pagtuon!” Panaghisgot sa mamiminaw nga dumalahon sa magtatan-aw sa pag-alagad. Ilakip ang duha ka demonstrasyon, nga gamiton ang mga sugyot diha sa kahon nga “Kon Unsay Isulti Labot sa mga Magasin.” Usa ka magmamantala mopasundayag sa Disyembre 15 nga Bantayanang Torre, ug ang ikaduha mopasundayag sa Disyembre 22 nga Pagmata! Sa matag presentasyon, ang magmamantala motiklop pinaagi sa paghatag sa tract nga “Gusto Ka Bang Makabaton ug Dugang Kahibalo Bahin sa Bibliya?” ngadto sa tagbalay—sa tawo nga wala modawat ug mga magasin ug sa tawo nga midawat niana. Dasiga ang tanan nga ihatag ang bag-ong tract sa tanan nga ilang mahibalag diha sa ministeryo sa dihang moabot na ang suplay diha sa kongregasyon.
Awit 222 ug paniklop nga pag-ampo.
Semana sa Disyembre 17
10 min: Lokal nga mga pahibalo. Taho sa kuwenta. Larawa ang espesyal nga mga kahikayan sa pagsangyaw sa kanataran sa Disyembre 25 ug Enero 1.
22 min: “Gamita ang Pulong sa Diyos sa Hustong Paagi.”a Ilakip ang usa ka demonstrasyon sa presentasyon diha sa parapo 4. Dugang pa, ipasundayag ang usa ka epektibong presentasyon nga gigamit na sa lokal nga paagi aron palig-onon o hupayon ang mga tawo nga naminghoy sa presenteng mga kahimtang sa kalibotan. Mahimong iasoy ang usa ka mubong kasinatian.
13 min: ‘Aduna Kamoy Inyong Kaugalingong Bibliya.’ Panaghisgot sa mamiminaw pinasukad sa Nangatarongan nga libro, mga panid 268-9 (p. 279-80 sa Ingles). Kon ang mga tawo magpanuko sa pagpaminaw tungod kay atong gigamit ang Bag-ong Kalibotang Hubad, unsay atong isulti? Andama daan ang mga magmamantala sa pag-asoy diha sa ilang kaugalingong mga pulong sa gisugyot nga mga tubag.
Awit 225 ug paniklop nga pag-ampo.
Semana sa Disyembre 24
10 min: Lokal nga mga pahibalo. Ginamit ang mga sugyot sa panid 8, ipasundayag ang duha ka mubong mga presentasyon sa mga magasin, ang usa naggamit sa Enero 1 nga Bantayanang Torre ug ang ikaduha naggamit sa Enero 8 nga Pagmata!
10 min: “Ang Teokratikanhong Tunghaan sa Ministeryo sa 2002.” Pakigpulong sa magtatan-aw sa tunghaan. Dasiga ang tanan nga magmakugihon sa pagtuman sa ilang mga asaynment.
25 min: “Pagpamatuod—To the Ends of the Earth.” Panaghisgot sa mamiminaw. (Matikdi: Sa mga kongregasyon nga walay magamit niini nga video, ang pakigpulong nga “Mga Batan-on Nangutana, ‘Unsay Daotan Bahin sa Tabi?’” mahimong ipahayag, pinasukad sa Pebrero 22, 1999 nga Pagmata!, mga panid 17-19.) Sa Pebrero atong sublion ang video nga Noah—He Walked With God.
Awit 24 ug paniklop nga pag-ampo.
Semana sa Disyembre 31
10 min: Lokal nga mga pahibalo.
15 min: Ihatag sa mga Ansiyano ang Konsiderasyon nga Takos Kanila. Duha o tulo ka ministeryal nga mga alagad maghisgot sa Hunyo 1, 1999, Bantayanang Torre, mga panid 18-19. Ilang komentohan ang maylabot sa daghang katungdanan nga angayng atimanon sa mga ansiyano, nga naglakip sa sekular nga trabaho, mga kaakohan sa pamilya, ug teokratikanhong mga asaynment. Tagda ang mga paagi nga ang tanan mahimong makadasig kanila, makapagaan sa ilang luwan, ug pagsunod sa ilang direksiyon. Ang ministeryal nga mga alagad mouyon nga ang mga ansiyano nagabuhat ug bililhong pag-alagad ug takos hatagan ug “labaw sa kasagaran nga pagtahod.”—1 Tes. 5:12, 13.
20 min: “Mga Panalangin Tungod sa Pagpakitag Pagpabili sa Gugma ni Jehova—Bahin 2.”b Sa dihang maghisgot sa mga parapo 2-6, dapita ang kongregasyon sa pag-asoy sa makapadasig nilang mga kasinatian sa dihang nagsangyaw sa di-pormal nga paagi, pinaagig mga sulat, ug pinaagig telepono.
Awit 219 ug paniklop nga pag-ampo.
Semana sa Enero 7
10 min: Lokal nga mga pahibalo.
20 min: Pahimusli ang Imong Kinabuhi. Ang mga membro sa pamilya maghisgot sa Agosto 15, 1998, Bantayanang Torre, mga panid 8-9. Ilang sublion ang Kasulatanhong tambag diha sa artikulo nga nagpakita kon sa unsang paagi mapaneguro ang ilang kalipay, nga magpunting sa panginahanglan sa pag-ila, mapuslanong mga unahonon, ug pagsalig kang Jehova. Sila maglaraw ug praktikal nga mga pagpasibo nga ilang mahimo ingong pamilya.
15 min: Pagtagad Gayod sa Atong Kingdom Hall. Pakigpulong sa ansiyano. Matikdi ang kahimtang sa Kingdom Hall. Unsang mga plano ang ginahimo alang sa linangkob nga panghinlo sa dili pa ang Memoryal? Unsang mga pagpang-ayo ang gikinahanglang himoon sa dili pa kana moabot? Ipatin-aw kon sa unsang paagi makatabang ang kongregasyon. Ipasiugda ang panginahanglan nga seguroon nga ang atong dapit sa pagsimba mobanaag sa katahom ug dignidad nga atong ilangkit sa balay ni Jehova.—Sal. 84:1.
Awit 126 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.