Eskedyul sa Tigom sa Pag-alagad
Semana sa Abril 8
13 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagtan-aw sa video nga Young People Ask—How Can I Make Real Friends? agig pagpangandam sa panaghisgot diha sa Tigom sa Pag-alagad sa semana sa Abril 22. Ginamit ang mga sugyot sa panid 8, ipasundayag ang duha ka demonstrasyon kon unsaon pagtanyag ang Abril 15 nga Bantayanang Torre ug ang Abril 22 nga Pagmata!
12 min: Lokal nga mga panginahanglan.
20 min: ‘Buhata ang Maayo Ngadto sa Tanan.’a Interbiyoha ang usa o duha ka magmamantala nga moasoy kon giunsa nila pagpalapad ang ilang ministeryo.
Awit 157 ug paniklop nga pag-ampo.
Semana sa Abril 15
10 min: Lokal nga mga pahibalo. Taho sa kuwenta.
15 min: Mga Payunir Padayong Tabangi ang Uban. Dumalahon sa magtatan-aw sa pag-alagad ang grupo nga panaghisgot uban sa usa ka magtatan-aw sa Pagtuon sa Libro sa Kongregasyon, usa ka payunir, ug usa ka magmamantala. Sublion sa magtatan-aw sa pag-alagad ang programang Mga Payunir Motabang sa Uban ingon sa gilaraw sa Septiyembre 1998 nga Atong Ministeryo sa Gingharian, panid 4. Dayon iyang hisgotan ngadto sa matag usa sa grupo ang iyang papel diha sa programa ug kon sa unsang paagi kini nagaalagad sa katuyoan niini. Unsa nay nahimo sa pagpalampos niini? Ang magtatan-aw sa pag-alagad magdapit sa tanang magmamantala nga pahibaloon siya kon buot ba nilang makadawat ug tabang diha sa ministeryo. Kadtong natabangan sa miagi mahimong ilakip pag-usab aron makadawat ug dugang tabang diha sa ubang bahin sa ministeryo.
20 min: “Ang mga Kangaya sa Bug-os-Panahong Pag-alagad.”b Dasiga ang mga batan-on nga moaplay sa oksilyare nga pagpayunir sa panahong bakasyon sa eskuylahan.
Awit 199 ug paniklop nga pag-ampo.
Semana sa Abril 22
10 min: Lokal nga mga pahibalo. Ginamit ang mga sugyot sa panid 8, ipasundayag sa usa ka ministeryal nga alagad kon unsaon pagtanyag ang Mayo 1 nga Bantayanang Torre ug sa usa ka igsoong babaye kon unsaon pagtanyag ang Mayo 8 nga Pagmata!
10 min: Magmauntop sa Panahon! Usa ka pakigpulong. Ang mga buluhaton nga nalangkit ilabina ang atong pagsimba ug pag-alagad maoy hinungdanong mga kalihokan, nga kinahanglang adunay “tinudlong panahon.” (Eccl. 3:1) Ang mga tigom sa kongregasyon ug mga tigom sa dayon nang pagsangyaw angayng magsugod nga untop sa gikatudlong mga panahon. Si Jehova wala gayod maulahi sa pagpatuman sa iyang mga kalihokan. (Hab. 2:3) Gikinahanglan ba natong pauswagon kining bahina? Usahay, ang uban mahimong malangan nga dili kalikayan. Apan pinaagig maayong organisasyon, kinahanglang dili nato batasanon nga maulahi, nga moabot human na ang unang awit ug pag-ampo sa usa ka miting o human mahimo ang mga kahikayan alang sa pagsangyaw sa kanataran. Hisgoti ang praktikal nga mga paagi sa pag-ugmad ug mas maayong mga batasan nga magpaneguro sa atong pagkauntop sa tanang espirituwal nga mga kalihokan.—Tan-awa ang Hunyo 15, 1990, Bantayanang Torre, panid 29.
25 min: “Usa ka Madasigong Tubag!”c Sa parapo 1, tugoti ang kongregasyon nga modugang ug mubong mga pagpatugbaw bahin sa video nga Young People Ask—How Can I Make Real Friends? Dayon sugdi ang panaghisgot uban sa mamiminaw sa matag pangutana nga gipakita sa mga parapo 2-7. Sa Hunyo atong sublion ang video nga Our Whole Association of Brothers. (Matikdi: Sa mga kongregasyon nga walay magamit niini nga video, ang pakigpulong nga “Panaghiusa sa Relihiyon Diha sa Kaminyoon—Kon Nganong Hinungdanon” mahimong maoy ipahayag, pinasukad sa Agosto 8, 1999 nga Pagmata!, mga panid 18-20.)
Awit 191 ug paniklop nga pag-ampo.
Semana sa Abril 29
10 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran alang sa Abril.
15 min: “Ang Pagsangyaw sa Gingharian Motabang sa Pagluwas ug mga Kinabuhi!”d Pakomentoha ang mamiminaw kon sa unsang paagi mapadapat ang mga kasulatan.
20 min: Panukiduki Ginamit ang Librong Nangatarongan. Panaghisgot sa mamiminaw. Mga pangutana nga kasagarang motungha diha sa ministeryo bahin sa mga ulohan nga wala malista ilalom sa “Lintunganayng mga Ulohan” (mga panid 5-6) diha sa librong Nangatarongan. Ang “Indise” (mga panid 439-45) mapuslanon kaayo sa pagpangita sa Kasulatanhong pamatuod sa atong mga gituohan. Dapita ang mamiminaw sa pagpangita sa mga tubag sa mosunod nga mga pangutana pinaagi sa pagtan-aw sa indise ubos sa matag giitalikong pulong: Unsa ang tinamdan sa mga Kristohanon bahin sa nasodnong mga awit ug mga bandera? Nganong gitugotan sa Diyos ang mga katalagman? Unsaon nimo pagpatin-aw ang panglantaw sa Bibliya bahin sa diborsiyo? Ngano ug kanus-a angay nga magsul-ob usahay ang mga igsoong babaye ug pandong sa ulo? Unsay sinugdanan sa Adlaw sa Inahan? Giunsa nato pagkahibalo nga ang 144,000 maoy literal nga gidaghanon diha sa Bibliya? Unsay kahulogan sa sambingay sa datong tawo ug si Lazaro? Dasiga ang tanan sa paggamit sa librong Nangatarongan diha sa ministeryo.
Awit 28 ug paniklop nga pag-ampo.
Semana sa Mayo 6
5 min: Lokal nga mga pahibalo.
15 min: “Padayona ang Pagkuhag Kaayohan Gikan sa Ang Bantayanang Torre ug Pagmata!” Pakigpulong sa magtatan-aw sa pag-alagad nga may pagpakig-ambit sa mamiminaw. Ilakip ang komento diha sa Pahibalo sa panid 7 mahitungod sa gasa nga mga suskrisyon.
25 min: “Malig-on sa Espirituwal nga mga Pamilya—Unsaon?”e Human mahisgoti ang artikulo, iasoy ang pipila ka praktikal nga mga kasinatian gikan sa Pebrero 15, 1999, Bantayanang Torre, mga panid 10-12.
Awit 17 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
e Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.