Eskedyul sa Tigom sa Pag-alagad

Semana sa Disyembre 9

Awit 193

12 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang mga pasundayag kon sa unsang paagi itanyag ang Disyembre 15 nga Bantayanang Torre ug ang Disyembre 22 nga Pagmata!

15 min: “Imantala ang Mensahe sa Gingharian.”a Sa dihang hisgotan ang parapo 3, ilakip ang mga sugyot kon sa unsang paagi magbasang deretso gikan sa Bibliya sa dihang makig-ambit sa maayong balita.​—km 12/01 p. 1 par. 3.

18 min: Magmabungahon sa Matag Maayong Buhat. Pakigpulong nga may pakig-ambit sa mamiminaw. Dumalahon sa ansiyano. Repasoha ang kasaysayan ug pag-uswag sa lokal nga kongregasyon, nga maglakip sa mga paningkamot nga mitultol sa pagkatukod sa kongregasyon. Hikaya nga abante alang sa pipila nga presente nianang higayona sa pag-asoy ug makapadasig nga mga eksperyensiya. Hisgoti ang mga kahigayonan alang sa dugang pag-uswag, ug dasiga ang tanan sa pagsuportar sa mga kalihokan sa kongregasyon sa madasigong paagi.

Awit 119 ug paniklop nga pag-ampo.

Semana sa Disyembre 16

Awit 29

10 min: Lokal nga mga pahibalo. Taho sa kuwenta.

10 min: Kadtong May Hait nga Salabotan Makasabot. (Dan. 12:​3, 10) Pasundayag. Ang interesadong tawo mangutana: “Unsaon nako pagseguro nga husto ang inyong pagsabot sa ginatudlo sa Bibliya?” Ipatin-aw sa magmamantala kon sa unsang paagi gamiton ang ulohan por ulohan nga paagi sa dihang manukiduki sa Bibliya. (w96 5/15 pp. 19-20) Ginamit ang usa o duha ka pananglitan gikan sa librong Nangatarongan, mga panid 434-38 (p. 112-17 sa Ingles), ipakita niya kon sa unsang paagi nasabtan nato ang katuyoan sa Diyos alang sa yuta pinaagi sa pag-analisar pag-ayo sa mga teksto sa Kasulatan. Ipatin-aw sa magmamantala kon sa unsang paagi magamit ang mao gihapong paagi sa hustong pagsabot sa ubang mga pagtulon-an sa Bibliya ug itanyag ang pagtuon sa Bibliya.

25 min: “Mga Ulo sa Pamilya​—Padayona ang Maayong Naandan sa Espirituwal nga Paagi.” Human sa mubong pasiuna nga gipasukad sa mga parapo 1-2, dumalaha ang panaghisgot sa mamiminaw sa mga parapo 4-13. Segun sa itugot sa panahon, basaha ang mga parapo 7, 8, 11, ug 12. Ilakip ang interbiyo sa usa o duha ka ginikanan. Unsay nakatabang sa ilang pamilya nga makabaton ug maayong naandan sa espirituwal nga mga kalihokan? Unsang paningkamot ang nalangkit niini? Sa unsang paagi sila nakabenepisyo? Taposa pinaagig mubong mga komento sa parapo 14.

Awit 154 ug paniklop nga pag-ampo.

Semana sa Disyembre 23

Awit 148

10 min: Lokal nga mga pahibalo. Ginamit ang mga sugyot sa panid 8, ipasundayag kon sa unsang paagi itanyag ang Enero 1 nga Bantayanang Torre ug ang Enero 8 nga Pagmata! Dasiga ang tanan sa pagtan-aw sa video nga No Blood​—Medicine Meets the Challenge agig pagpangandam sa panaghisgot sa Tigom sa Pag-alagad sa semana sa Enero 6.

15 min: Lokal nga mga panginahanglan.

20 min: “Ginahimo Mo ba ang Imong Bahin Aron Mahuptan ang Tukmang Taho?”b Sa dihang hisgotan ang parapo 2, ilakip ang mga komento sa Atong Ministeryo nga libro, mga panid 106-8.

Awit 165 ug paniklop nga pag-ampo.

Semana sa Disyembre 30

Awit 152

10 min: Lokal nga mga pahibalo. Hisgoti ang tanyag nga literatura sa Enero, nga maghatag ug linaing pagtagad sa napondo nga mga libro sa kongregasyon.

15 min: “Bag-ong Programa sa Sirkitong Asembliya.” Pakigpulong. Dasiga ang tanan sa pagtambong sa umaabot nga sirkitong asembliya ug sa pagpaminaw pag-ayo sa programa.

20 min: “Mga Batan-on nga Nahigugma sa Kamatuoran.” Pakigpulong nga may pakig-ambit sa mamiminaw nga gipasukad sa artikulo sa Ang Bantayanang Torre sa Oktubre 1, 2002, mga panid 9-11. Ipadapat ang mga eksperyensiya ngadto sa mga kahimtang sa mga batan-on diha sa inyong kongregasyon.

Awit 147 ug paniklop nga pag-ampo.

Semana sa Enero 6

Awit 67

5 min: Lokal nga mga pahibalo.

23 min: Tabang sa Pagtuman sa Balaod sa Diyos Maylabot sa Dugo. Pakigpulong sa takos nga ansiyano, nga gipasukad sa laraw nga gipadala sa sangang buhatan uban sa sumaryo sa kuwenta sa Oktubre. Ang sekretaryo kinahanglang dunay igoigong suplay sa kard nga Advance Medical Directive/ Release ug Identity Card. Kini nga dokumento mabatonan sa bawtismadong mga magmamantala human sa tigom niining gabhiona, apan kinahanglang DILI nila kini pil-apan niining gabhiona. Ang pagpirma, pagsaksi, ug pagpetsa sa mga kard himoon didto sa sunod nga Pagtuon sa Libro sa Kongregasyon, ubos sa pagdumala sa magtatan-aw sa pagtuon sa libro kon gikinahanglan. Kadtong mopirma ingong mga saksi kinahanglang aktuwal nga makakita sa indibiduwal nga mopirma sa dokumento. Ang di-bawtismadong mga magmamantala mahimong magsulat ug mga direktiba alang sa ilang kaugalingon ug sa ilang mga anak pinaagi sa pagpasibo sa gipamulong gikan niining mga dokumentoha sumala sa ilang kaugalingong mga kahimtang ug hugot nga pagtuo.

17 min: “Tan-awa Gayod ang Video nga No Blood​—Medicine Meets the Challenge.” Dumalahon sa takos nga ansiyano. Hisgoti dayon ang video nga No Blood uban sa mamiminaw, ginamit ang mga pangutana nga gitagana sa kahon sa panid 7. Human niana, basaha ang kataposang parapo diha sa kahon. (Matikdi: Sa mga kongregasyon nga walay magamit niini nga video, ang pakigpulong nga “Dayandayan sa Lawas​—Kinahanglan nga Magmakataronganon” mahimong maoy ipahayag, pinasukad sa Agosto 8, 2000 nga Pagmata!, panid 18-19.)

Awit 79 ug paniklop nga pag-ampo.

[Mga footnote]