Mga Pahibalo
◼ Tanyag nga literatura sa Enero: Bisan unsang daandaang 192-panid nga libro mahimong itanyag. Kadtong walay daandaang mga libro mahimong motanyag sa Pagpangita sa Katawhan sa Diyos. Pebrero: Bisan hain sa librong Creation o Pinadayag Sangkoanan mahimong itanyag. Marso: Ang librong Kahibalo itanyag uban sa paningkamot nga makasugod ug mga pagtuon sa Bibliya. Abril ug Mayo: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga maoy regular nga mohatod sa mga magasin, uban ang tumong nga makasugod ug pagtuon sa Bibliya.
◼ Ang mga kongregasyon angayng maghimog mga kahikayan sa pagsaulog sa Memoryal niining tuiga sa Miyerkoles, Abril 16, 2003, human sa pagsalop sa adlaw. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod mosalop na ang adlaw. Bisan tuod maayo alang sa matag kongregasyon ang paghimog kaugalingong pagsaulog sa Memoryal, kini dili tingali kanunayng posible. Diin ubay-ubayng mga kongregasyon ang naandang nagagamit sa samang Kingdom Hall, tingali usa o dugang mga kongregasyon ang makagamit ug laing pasilidad sa maong gabii.
◼ Ang espesyal nga pahayag publiko alang sa 2003 nga panahon sa Memoryal ipahayag sa Dominggo, Abril 27, 2003. Ang usa ka laraw igatagana alang sa mga mamumulong sa nahaigong panahon. Kadtong mga kongregasyon nga adunay duaw sa magtatan-aw sa sirkito, sirkitong asembliya, o adlaw sa espesyal nga asembliya nianang maong hinapos sa semana maghimo sa maong espesyal nga pakigpulong sa pagkasunod semana. Walay kongregasyon ang maghimo sa espesyal nga pakigpulong una pa sa Abril 27, 2003.
◼ Sanglit ang Abril ug Mayo maoy espesyal nga mga bulan sa magasin ug daghan ang mag-oksilyare payunir nianang panahona, ang magtatan-aw sa pag-alagad ug igsoong lalaki nga nagadumala sa mga magasin kinahanglang magtagad na karon sa pag-order ug ekstrang mga magasin nga magamit sa kongregasyon nianang mga bulana. Palihog ipadala ang inyong mga order aron kini moabot sa sangang buhatan inigka-Pebrero 1, 2003. Kini magseguro nga inyong madawat ang ekstrang mga magasin uban sa inyong regular nga order.
◼ Bag-ong Publikasyon nga Mabatonan:
Watch Tower Publications Index—2001—Ingles