Eskedyul sa Tigom sa Pag-alagad
Semana sa Enero 13
13 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, himoa ang duha ka pasundayag kon sa unsang paagi itanyag ang Enero 15 nga Bantayanang Torre ug ang Enero 22 nga Pagmata!
22 min: Makabig nga Walay Pulong. Pakigpulong ug panaghisgot sa mamiminaw. Ang maayong Kristohanong panggawi maoy usa ka gamhanang pamatuod. Nakatukmod kini sa pipila ka dili-magtutuong mga kapikas nga mahimong mga magsisimba ni Jehova. (1 Ped. 3:1, 2) Iasoy ang mga eksperyensiya nga makita diha sa Enero 1, 1999, Bantayanang Torre, panid 4; sa Oktubre 1, 1995, Bantayanang Torre, mga panid 10-11; ug sa 1995 Yearbook, panid 46. Andama daan ang duha o tulo ka igsoon nga mokomento sa positibong mga resulta nga ilang namatikdan gikan sa pagsunod sa tambag sa Bibliya niining bahina.
10 min: “Bag-ong Programa sa Adlawng Espesyal nga Asembliya.” Pakigpulong nga may panaghisgot sa mamiminaw. Ipahibalo ang petsa sa sunod nga adlawng espesyal nga asembliya ug dasiga ang tanan sa pagtambong ug dapita ang bag-ong mga interesado ug mga estudyante sa Bibliya.
Awit 22 ug paniklop nga pag-ampo.
Semana sa Enero 20
8 min: Lokal nga mga pahibalo. Taho sa kuwenta.
15 min: Imo Bang Ginasusi ang Kasulatan sa Adlaw-Adlaw? Pakigpulong ug panaghisgot sa mamiminaw. Dasiga ang tanan nga gamiton pag-ayo ang Pagsusi sa Kasulatan sa Adlaw-Adlaw—2003. Hisgoti ang mga komento gikan sa pasiuna, mga panid 3-4. Itanyag ang mga sugyot kon sa unsang paagi dungang mahisgotan sa mga pamilya ang teksto. Aron ikapakita ang mga kaayohan sa pagkonsiderar sa teksto kada adlaw, hisgoti ang duha o tulo ka pananglitan sa teksto ug mga komento nga konsiderahon sa sunod bulan. Ilakip ang mubong pasundayag sa bana ug asawa nga dungang nagkonsiderar sa teksto ug mga komento sa maong adlaw.
22 min: “Tudloi ang Uban sa Putli nga Pinulongan.”a Human makonsiderar ang parapo 6, ipasundayag sa takos nga magmamantala kon sa unsang paagi masugdan ang pagtuon sa Bibliya diha sa pultahan sa dihang mobalikduaw, nga gamiton ang usa sa mga presentasyon diha sa pasukip sa Mayo 2002 nga Atong Ministeryo sa Gingharian, panid 4. Ilakip sa pagkonsiderar ang usa ka parapo sa brosyur nga Gikinahanglan. Taposon kini sa magmamantala pinaagi sa pagpatunghag pangutana bahin sa sunod parapo ug hikayon nga tubagon kana sa sunod duaw.
Awit 68 ug paniklop nga pag-ampo.
Semana sa Enero 27
10 min: Lokal nga mga pahibalo. Ginamit ang mga sugyot sa panid 4, himoa ang duha ka pasundayag kon sa unsang paagi itanyag ang Pebrero 1 nga Bantayanang Torre ug ang Pebrero 8 nga Pagmata! Sa matag pasundayag, taposon kini sa magmamantala pinaagi sa paghatag sa tract nga Gusto Ka Bang Makabaton ug Dugang Kahibalo Bahin sa Bibliya? ngadto sa tagbalay. Sa mubo ipatin-aw kon sa unsang paagi atong mabalikduaw ang napahimutangan ug magasin sa dihang atong mahatag ang tract.—Tan-awa ang Disyembre 2001 nga Atong Ministeryo sa Gingharian, panid 4, par. 10.
20 min: Lokal nga mga pahibalo.
15 min: “Pagpangayog Pasaylo—Usa ka Yawi sa Pagpakigdait.” Pakigpulong nga gipasukad sa artikulo sa Bantayanang Torre sa Nobyembre 1, 2002, mga panid 4-7.
Awit 124 ug paniklop nga pag-ampo.
Semana sa Pebrero 3
15 min: Lokal nga mga pahibalo. Repasoha ang mga punto diha sa “Pangutana” sa panid 7. Dasiga ang mga magmamantala sa paggamit sa Please Follow Up (S-43) nga porma sa dihang ilang mahibalag ang mga tawo nga nagsultig langyawng pinulongan. Kasagaran, ang porma kinahanglang gamiton alang niining katuyoana bisan kon ang maong tawo wala magpakitag interes sa mensahe sa Gingharian.
15 min: “Pagtuman sa Atong Panaad sa Pahinungod.”b Human makonsiderar ang parapo 3, sa mubo interbiyoha ang usa ka hamtong nga batan-on o usa ka bawtismadong tin-edyer. Unsang mga suliran ang iyang naatubang sukad nga siya nabawtismohan? Unsay nakatabang kaniya sa pagsagubang sa maong mga suliran? Sa unsang paagi siya nakabenepisyo tungod sa pagpahinungod sa iyang kinabuhi kang Jehova?
15 min: Sundoga ang Ilang Pagtuo. Interbiyoha ang usa ka ansiyano nga mapainubsanon ug matinumanon nga nag-alagad kang Jehova sulod na sa daghang tuig. (Heb. 13:7) Sa unsang paagi iyang nakat-onan ang kamatuoran? Unsang mga babag ang kinahanglan niyang buntogon aron siya makabarog dapig sa kamatuoran? Unsang espirituwal nga mga tagana o pagdasig ang nakatabang kaniya nga mouswag? Unsay iyang gihimo aron makabaton ug pribilehiyo diha sa kongregasyon? (1 Tim. 3:1) Unsay nakatabang kaniya sa pagbalanse sa mga responsabilidad sa kongregasyon uban sa sekular ug pamilyahanong mga obligasyon? (1 Tim. 5:8) Unsay iyang gibati bahin sa pribilehiyo sa pagtabang sa uban diha sa kongregasyon?
Awit 133 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.