Eskedyul sa Tigom sa Pag-alagad
Semana sa Abril 14
15 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Abril 15 nga Bantayanang Torre ug ang Abril 22 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda.
10 min: “Pangutana.” Pakigpulong sa ansiyano.
20 min: “Nagasidlak Ingong mga Magbabanwag.”a Taposon pinaagig lima-ka-minuto nga pakigpulong pinasukad sa Hunyo 1, 1997, Bantayanang Torre, mga panid 14-15, mga parapo 8-13. Ipasiugda kon nganong dili gayod nato ililong ang mensahe sa Gingharian ngadto sa ubang tawo.
Awit 134 ug paniklop nga pag-ampo.
Semana sa Abril 21
10 min: Lokal nga mga pahibalo. Taho sa kuwenta.
15 min: Mga Saksi ni Jehova—Usa ka Maayong Impluwensiya Diha sa Komunidad. Pakigpulong ug panaghisgot sa mamiminaw. Usahay aduna kitay kahigayonan sa pagpunting kon sa unsang paagi ang atong ministeryo ug panig-ingnan nakabenepisyo sa komunidad. Dapita ang mamiminaw sa pagkomento sa mosunod nga mga punto: (1) Kita nagatudlo sa mga tawo sa pagkinabuhi pinaagi sa mga sukdanan sa Bibliya sa moralidad. (2) Kita nagatudlo sa pagkamatinud-anon ug pagkamatinahoron ngadto sa awtoridad. (3) Kita nagatudlo ug panaghiusa taliwala sa mga rasa, nasyonalidad, ug sosyal nga mga grupo. (4) Kita nagatabang sa uban sa pagpauswag sa ilang pamilyahanong kinabuhi pinaagi sa pagdasig kanila sa pagpadapat sa mga prinsipyo sa Bibliya. (5) Atong natudloan ang libolibo kon unsaon pagbasa ug pagsulat. (6) Kita nagatabang sa uban panahon sa katalagman. (7) Kita dakog naamot sa paghupot sa relihiyosong mga kagawasan nga napahimuslan sa tanan.—Tan-awa ang Mga Magmamantala nga libro, panid 699.
20 min: “Magahatag ug Luna Niini.”b Ilakip ang interbiyo sa usa o duha nga naggamit pag-ayo sa ilang pagkatagsaanon sa pagpalambo sa intereses sa Gingharian. Pakomentoha sila kon unsay nakatabang kanila nga magmatagbawon diha sa ilang pag-alagad.
Awit 35 ug paniklop nga pag-ampo.
Semana sa Abril 28
10 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran sa Abril. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Mayo 1 nga Bantayanang Torre ug ang Mayo 8 nga Pagmata!
15 min: “Gamita ang Simbaha ang Diyos nga Libro sa Pagdumalag mga Pagtuon sa Bibliya.” Pakigpulong ug panaghisgot sa mamiminaw. Ipatin-aw ang kahikayan alang sa bag-ong libro nga gamiton ingong ikaduhang libro nga tun-anan. (km 6/00 p. 4, mga par. 5-6) Dapita ang mamiminaw sa pagkomento sa mga hinungdanong bahin sa publikasyon nga ilang nagustohan. Ipasiugda nga ang libro naggamit ug mga pangutana ug mga teksto nga magtukmod sa estudyante sa paghunahuna pag-ayo sa Pulong sa Diyos. Ipasiugda ang pananglitan nga anaa sa mga panid 47-9, parapo 13.
20 min: “Ang mga Balikduaw Motultol Ngadto sa mga Pagtuon sa Bibliya.”c Dumalahon sa ansiyano, ginamit ang gitagana nga mga pangutana. Dapita ang mamiminaw sa paglakip ug mubong mga eksperyensiya sa pag-alagad sa kanataran nga nagpaluyo sa mga punto nga gipalutaw. Sa dihang hisgotan ang parapo 5, ipasundayag ang eksperyensiya gikan sa lokal nga teritoryo diin nasugdan ang pagtuon sa Bibliya.
Awit 89 ug paniklop nga pag-ampo.
Semana sa Mayo 5
10 min: Lokal nga mga pahibalo.
20 min: “Ang Pagtagbaw sa Panginahanglan ug mga Kingdom Hall.” Pakigpulong sa ansiyano nga magkobre sa pangunang mga punto diha sa pasukip. Dasiga ang tanan nga paluyohan sa bug-os ang mga panginahanglan sa lokal nga Kingdom Hall.
15 min: Ang Usa ka Maayong Taho—Usa ka Katarongan sa Pagmaya. (Prov. 15:30) Panaghisgot sa mamiminaw nga magpakita kon unsay nalampos sa kongregasyon tungod sa linaing panikaysikay nga ginahimo sulod sa Marso ug Abril. Dapita ang kongregasyon sa pag-asoy ug positibong mga eksperyensiya nga ilang nabatonan sa mosunod nga mga bahin: (1) pagtabang sa interesadong tawo sa pagtambong sa Memoryal, (2) pag-alagad ingong oksilyare payunir, (3) pagdasig sa di-aktibong magmamantala sa pagpadayon sa iyang kalihokan uban sa kongregasyon, (4) pagtabang sa bag-ohan nga mosugod sa pagmantala, ug (5) pag-ugmad sa interes niadtong mitambong sa Memoryal. Hikaya daan ang pipila sa maong mga komento. Dayega ug dasiga ang tanan sa paglahutay diha sa maong mga kalihokan sa umaabot.
Awit 126 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.