Eskedyul sa Tigom sa Pag-alagad
Semana sa Septiyembre 8
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, himoa ang duha ka separadong realistikong mga pasundayag kon sa unsang paagi itanyag ang Septiyembre 15 nga Bantayanang Torre ug ang Septiyembre 22 nga Pagmata! Diha sa usa ka presentasyon, ipasundayag ang usa ka estudyante o usa ka ginikanan nga nagsangyaw ngadto sa usa ka magtutudlo.
10 min: Lokal nga mga panginahanglan.
25 min: “Mga Batan-on—Himoa ang Maayong Patukoranan Alang sa Umalabot.”a Dumalahon sa ansiyano, nga naggamit sa mga pangutana nga gitagana. Sa dihang hisgotan ang parapo 5, ipasiugda ang mga kalipay ug mga panalangin sa bug-os-panahong pag-alagad.
Awit 170 ug paniklop nga pag-ampo.
Semana sa Septiyembre 15
10 min: Lokal nga mga pahibalo. Taho sa kuwenta.
10 min: “Pagtuon sa Librong Simbaha ang Diyos.” Pakigpulong sa magtatan-aw sa pagtuon sa libro. Ipunting ang pagtagad ngadto sa eskedyul sa pagtuon. Sa dihang hisgotan ang ikaupat nga parapo, ilakip ang mga komento diha sa librong Tunghaan sa Ministeryo, panid 28, parapo 1, ug panid 70.
25 min: “Unsay Atong Nalampos sa Miaging Tuig?” Pakigpulong sa magtatan-aw sa pag-alagad. Ihatag ang dagkong mga punto sa taho sa kongregasyon sa 2003 nga tuig sa pag-alagad. Dayega ang tanan tungod sa maayong mga butang nga nalampos. Isentro ang pagtagad sa nahimo sa kongregasyon maylabot sa pagtambong sa tigom, sa pagbalikduaw ug pagtuon sa Bibliya nga kalihokan ug sa pag-oksilyare payunir, nga maglaraw ug praktikal nga mga sugyot alang sa pag-uswag. Paghimog makab-ot nga mga tumong alang sa umaabot nga tuig.
Awit 58 ug paniklop nga pag-ampo.
Semana sa Septiyembre 22
10 min: Lokal nga mga pahibalo. Ginamit ang mga sugyot sa panid 4, himoa ang duha ka separadong mga pasundayag kon sa unsang paagi itanyag ang Oktubre 1 nga Bantayanang Torre ug ang Oktubre 8 nga Pagmata! Ipasundayag ang usa ka ansiyano ug usa ka maluyahon nga magmamantala nga nagsangyaw pinaagig telepono.
15 min: Pagbarog Dapig sa Kamatuoran Diha sa Eskuylahan. Interbiyoha ang usa o duha ka batan-ong mga magmamantala nga nag-eskuyla. Giunsa nila pagsagubang ang mga suliran ug mga panghaylo nga gipatungha pinaagi sa nasodnong mga seremonya, mga kompetisyon, ekstrakurikular nga mga esport, ug di-hinlong panggawi? Ilakip ang mga komento kon sa unsang paagi sila nakaarang sa pagpamatuod diha sa eskuylahan.
20 min: Ang Tanan Bang Relihiyon Madawat sa Diyos? Panaghisgot sa mamiminaw pinasukad sa librong Nangatarongan. Hisgoti kon unsaon sa pagpangatarongan uban sa usa ka tawo bahin niining puntoha. (rs p. 362-3; p. 322-3 sa Iningles) Ipasiugda ang pipila sa daghang paagi sa pag-ila sa hustong relihiyon. (rs p. 368-70; p. 328-30 sa Iningles) Ang atong ministeryo magtabang sa uban sa pagpili sa matang sa pagsimba nga dalawaton sa Diyos.—Col. 1:9, 10.
Awit 39 ug paniklop nga pag-ampo.
Semana sa Septiyembre 29
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Septiyembre. Isulti ang tanyag nga literatura sa Oktubre. Himoa ang mubong pasundayag kon unsaon pagsugod ug pagtuon sa Bibliya ginamit ang brosyur nga Gikinahanglan.
15 min: “Seguroa nga Unahon ang mga Butang nga Angayng Unahon!” Pakigpulong ug panaghisgot sa mamiminaw pinasukad sa artikulo diha sa Septiyembre 1, 1998, Bantayanang Torre, mga panid 19-21. Hisgoti ang mga petsa sa teokratikanhong mga okasyon nga gieskedyul alang sa umaabot nga pipila ka bulan, ug dasiga ang tanan sa pagmarka sa maong mga petsa diha sa ilang kalendaryo. Dapita ang mamiminaw sa pagkomento kon unsay ilang himoon aron dili mapakyas sa pagpahimulos sa maong espirituwal nga mga tagana.
20 min: “Isul-ob Ninyo ang Pagkamapainubsanon.”b Pakomentoha ang mamiminaw kon sa unsang paagi mapadapat ang mga teksto.
Awit 224 ug paniklop nga pag-ampo.
Semana sa Oktubre 6
10 min: Lokal nga mga pahibalo. Niining bulana mohimo kitag linaing paningkamot sa pagsugod ug mga pagtuon sa Bibliya. Sa mubo repasoha ang Mayo 2002 nga Atong Ministeryo sa Gingharian, panid 1, parapo 1.
15 min: Lokal nga mga panginahanglan.
20 min: Pagsagubang nga Maisogon sa Pagpit-os sa Isigkaingon. Interbiyoha ang usa ka ansiyano o ministeryal nga alagad kinsa gipadako diha sa usa ka Kristohanong panimalay. Susiha ang piniling mga punto gikan sa Pebrero 15, 2003, Bantayanang Torre. Unsang pagpit-os ang gisagubang sa maong igsoon diha sa eskuylahan? (p. 24 par. 3; p. 25 mga par. 4-5) Nakasugamak ba siyag makadaot nga impluwensiya gikan sa uban? (p. 26 mga par. 4-6) Nagsagubang pa ba gihapon siyag pagpit-os sa isigkaingon ingong hamtong? Unsay nakatabang kaniya sa pagsagubang sa pagpit-os nga mopahiuyon na lang? Diha sa mubong paniklop nga pakigpulong nga gipasukad sa Agosto 1, 1999, Bantayanang Torre, mga panid 24-5, ipasiugda ang mga kaayohan sa pag-ugmad sa maayong pakig-uban.
Awit 26 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.