Eskedyul sa Tigom sa Pag-alagad
Semana sa Abril 12
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, ipasundayag kon sa unsang paagi itanyag ang Abril 15 nga Bantayanang Torre ug ang Abril 22 nga Pagmata! Sa matag presentasyon, kinahanglang itanyag ang duha ka magasin, bisan tuod usa lamang ang ipasiugda. Sa matag pasundayag, ipakita ang laing paagi sa pagtubag sa tigsumpo sa panaghisgot nga “Puliki ako.”—Tan-awa ang Nangatarongan nga libro, mga panid 19-20.
15 min: “Ihalad Kang Jehova ang Atong Labing Maayo.”a Sa dihang hisgotan ang parapo 4, dapita ang mamiminaw sa pagkomento sa tinong mga paagi sa pagpakitag gugma alang sa mga tawo sa dihang magabuhat sa atong ministeryo.
20 min: Mga Payunir Nagatabang sa Uban. Pakigpulong ug mga interbiyo nga dumalahon sa magtatan-aw sa pag-alagad. Repasoha ang programang Mga Payunir Motabang sa Uban sumala sa gitagik sa Septiyembre 1998 nga Atong Ministeryo sa Gingharian, panid 4. Iasoy ang positibong mga resulta nga nalampos sa inyong lugar. Interbiyoha ang usa ka payunir nga nakatabang sa laing igsoon ug ang usa ka magmamantala nga natabangan. Ipakita kon sa unsang paagi silang duha nakabatog kaayohan sa ilang panag-ubanay diha sa ministeryo. Dapita ang uban sa pagpahimulos ning maong tagana sa umaabot nga mga bulan.
Awit 91 ug paniklop nga pag-ampo.
Semana sa Abril 19
8 min: Lokal nga mga pahibalo.
17 min: “Sundoga ang Tinamdan sa Pangisip ni Jesus.”b Gamita ang gitaganang mga pangutana. Sa dihang hisgotan ang parapo 4, dapita kadtong nakaoksilyare payunir sa pagkomento bahin sa mga panalangin nga ilang nasinati ingong sangpotanan sa pagbuhat sa ingon.
20 min: “Gikinahanglan ba Nimo Kanunay ang Usa ka Sugo sa Bibliya?” Pakigpulong sa usa ka ansiyano pinasukad sa artikulo sa Bantayanang Torre sa Disyembre 1, 2003, mga panid 20-3.
Awit 80 ug paniklop nga pag-ampo.
Semana sa Abril 26
12 min: Lokal nga mga pahibalo. Taho sa kuwenta. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Abril. Hisgoti ang tanyag nga literatura sa Mayo. Ginamit ang mga sugyot sa panid 8, ipasundayag kon sa unsang paagi itanyag ang Mayo 1 nga Bantayanang Torre ug ang Mayo 8 nga Pagmata! Sa matag pasundayag, kinahanglang itanyag ang duha ka magasin, bisan tuod usa lamang ang ipasiugda. Sa usa sa mga presentasyon, ipasundayag ang pagpamatuod ngadto sa kauban sa trabaho o eskolmet.
15 min: Lokal nga mga panginahanglan.
18 min: Mga Batan-on—Magmailahon sa Pagplano sa Inyong Edukasyon. Usa ka ansiyano makigsulti sa pipila ka ginikanan ug sa ilang tin-edyer nga mga anak bahin sa dugang edukasyon. Ang ansiyano makighisgot kanila sa Septiyembre 1, 1999, Bantayanang Torre, mga panid 16-17, mga parapo 11-13, nga magpasiugda sa mga katarongan kon nganong ang bug-os-panahong ministeryo kinahanglan nga mahimong panguna sa ilang listahan sa mga unahonon. (Disyembre 1, 1996, Bantayanang Torre, mga panid 18-19, mga parapo 13-15) Dayon repasohon sa grupo ang tambag sa Marso 8, 1998, Pagmata!, mga panid 20-1, nga magpasiugda sa panginahanglan sa pagtimbangtimbang sa mga bentaha ug mga kaulangan sa dugang edukasyon ug sa paglimite niini kon unsa ang gikinahanglan sa pagsuportar sa kaugalingon samtang masiboton sa pagtuman sa ministeryo. Ang tanan mouyon nga sila kinahanglang magiyahan sa tambag ni Jesus nga unahon ang intereses sa Gingharian.—Mat. 6:33.
Awit 38 ug paniklop nga pag-ampo.
Semana sa Mayo 3
10 min: Lokal nga mga pahibalo. Kon ang kongregasyon adunay teritoryo nga talagsa rang makobrehan, ipahibalo ang mga kahikayan nga gihimo alang sa bug-os nga pagkobre samtang maayo pa ang klima. Kon kita mobakasyon o mobiyahe, ang makugihong pagplano gikinahanglan aron dili mapasagdan ang pagtuon sa pamilya, mga tigom sa kongregasyon, ug pag-alagad sa kanataran. (Prov. 21:5) Pahinumdomi ang tanan sa paghatag sa ilang mga taho sa pag-alagad sa kanataran, way sapayan kon sila anha ra sa balay o atua sa layo.
15 min: “Mga Batan-on—Basaha ang Pulong sa Diyos!”c Andama daan ang usa o duha ka batan-on nga mokomento bahin sa ilang programa sa pagbasa sa Bibliya ug kon sa unsang paagi sila nakabatog kaayohan tungod niana. Dasiga ang mga batan-on nga himoon nilang tumong ang pagbasa sa tibuok Bibliya. Ilakip ang mga komento sa Tunghaan sa Ministeryo nga libro, panid 10, parapo 4.
20 min: “Pakigbugno sa Maayong Pakigbugno sa Pagtuo.” Pakigpulong sa usa ka ansiyano pinasukad sa artikulo sa Pebrero 15, 2004, Bantayanang Torre, mga panid 26-30.
Awit 164 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.