Mga Pahibalo
◼ Tanyag nga literatura sa Oktubre: Itanyag ang tagsatagsa ka kopya sa Ang Bantayanang Torre ug Pagmata! Kon may gipakitang interes, itanyag ang brosyur nga Gikinahanglan ug paloapa kana uban ang tumong nga makasugod ug mga pagtuon sa Bibliya sa balay. Nobyembre: Ang librong Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang brosyur nga Gikinahanglan. Disyembre: Bisan unsa sa mosunod nga mga libro mahimong itanyag: Ang Labing Bantogang Tawo nga Nabuhi Sukad, Ang Bibliya—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Mahimong itanyag ang bisan unsang daandaang 192-panid nga mga libro nga inyong napondo. Dugang pa, aduna kami niining mosunod nga daandaang mga libro nga napondo sa Bethel ug giawhag namo kadtong makagamit niini sa pag-order alang niini nga kampanya: The Truth That Leads to Eternal Life ug True Peace and Security—From What Source? sa Bicol; You Can Live Forever in Paradise on Earth, gagmayng edisyon sa Bicol, Pangasinan, ug Samar-Leyte ug dagkong edisyon sa Cebuano ug Iloko; Happiness—How to Find It sa Iloko; Good News to Make You Happy ug Listening to the Great Teacher sa Samar-Leyte.
◼ Ang pasukip niining gulaa sa Atong Ministeryo sa Gingharian mao ang “Eskedyul sa Teokratikanhong Tunghaan sa Ministeryo sa 2005” ug kinahanglang tipigan kini ingong reperensiya alang sa tibuok tuig sa 2005.
◼ Ang mga order alang sa 2005 Tinuig nga Basahon mahimo na karong ipadala ngadto sa sangang buhatan. Ang Yearbook Order Blank gipadala uban sa inyong binulang kuwentada para niini nga katuyoan. Angayng pil-apan kini sa mga koordinetor ug mga alagad sa literatura ug ibalik ang orihinal ngadto sa sangang buhatan nga dili maulahi sa Nobyembre 15, 2004.
◼ Kausaban sa Distritong Kombensiyon: Ang mga petsa sa kombensiyon sa Roxas City giusab gikan sa Disyembre 17-19 ngadto sa Disyembre 31, 2004–Enero 2, 2005.
◼ Kinahanglang luwatan dayon sa mga kongregasyon ang kinabag-ohang mga gula sa Ang Bantayanang Torre ug Pagmata! sa dihang kini madawat. Kini makahatag ug higayon sa mga magmamantala sa pagsinati sa kaundan niini sa dili pa itanyag ang mga magasin diha sa pag-alagad sa kanataran.