Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Oktubre 25, 2004. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Septiyembre 6 hangtod sa Oktubre 25, 2004. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.​—Tan-awa ang Tunghaan sa Ministeryo, pp. 36-7.]

MGA HIYAS SA PAGPANULTI

1. Unsaon nato paghupot nga positibo ang atong paagi sa paghatag ug pakigpulong mahitungod sa usa ka bahin sa atong Kristohanong buluhaton? [be p. 203 mga par. 3-4]

2. Unsa ang pagsublisubli, ug nganong kini hinungdanon? [be p. 206 mga par. 1-4]

3. Unsaon nato pagpasiugda ang tema sa atong mga pakigpulong? [be p. 210 mga par. 1-5, kahon]

4. Unsaon man nato pagtino ang pangunang mga punto sa pakigpulong nga atong ipresentar? [be p. 212 mga par. 1-4]

5. Nganong angay kitang magbantay nga dili mogamit ug daghan kaayong pangunang mga punto? [be p. 213 mga par. 2-4]

ASAYNMENT NUM. 1

6. Unsang mga kauswagan sa wala pa ang Lunop nga lagmit maoy nakaingon nga nalisdan sa pagtuo ang mga tawo nga ang tanang butang sa ilang palibot taposon? [w02 3/1 pp. 5-6]

7. Nganong makaiikag nga ang mga katalirongan ni Jesus nagtawag kaniya nga “Magtutudlo” ug dili “Mananambal”? (Luc. 3:​12; 7:40) [w02 5/1 p. 4 par. 3; p. 6 par. 6]

8. Giunsa pagpasiugda sa Proverbio 11:​24, 25 ang kahinungdanon sa bug-os nga pagpakig-ambit sa pagsangyaw? [w02 7/15 p. 30 mga par. 2-4]

9. Unsang moral nga isyu ang gipatungha sa rebelyon didto sa Eden, ug unsay gisangpotan niadto? (Gen. 3:​1-6) [w02 10/1 p. 5 par. 6; p. 6 mga par. 2-3]

10. Unsaon pagtino ang petsa sa pagpasig-uli sa putli nga pagsimba sa Jerusalem? [si p. 285 par. 5]

SENEMANANG PAGBASA SA BIBLIYA

11. Tungod kay gipakuyog man ni Jehova si Balaam sa mga sundalo ni Balak, nganong nasuko man Siya sa dihang si Balaam mikuyog kanila? (Num. 22:20-​22)

12. Mahimo ba nga ang bana sa usa ka Kristohanong asawa mag-anular sa mga panumpa sa kaminyoon sa iyang asawa? (Num. 30:​6-8)

13. Unsay gihawasan karon sa “mga siyudad nga dalangpanan”? (Num. 35:6) [w95 11/15 p. 17 par. 8]

14. Angay bang sabton nga literal ang sugo diha sa Deuteronomio 6:​6-9 nga ‘ihigot ang balaod sa Diyos diha sa kamot ug sa agtang’?

15. Ang ekspresyon nga “ang imong kupo wala madunot” nagpasabot ba lamang nga giilisan ang suplay sa panapot sa mga Israelinhon? (Deut. 8:4)