Mga Pahibalo

◼ Tanyag nga literatura sa Nobyembre: Ang librong Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang brosyur nga Gikinahanglan. Disyembre: Bisan unsa sa mosunod nga mga libro mahimong itanyag: Ang Labing Bantogang Tawo nga Nabuhi Sukad, Ang Bibliya​—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Mahimong itanyag ang bisan unsang daandaang 192-panid nga mga libro nga inyong napondo. Dugang pa, aduna kami niining mosunod nga daandaang mga libro nga napondo sa Bethel ug giawhag namo kadtong makagamit niini sa pag-order alang niini nga kampanya: The Truth That Leads to Eternal Life ug True Peace and Security​—From What Source? sa Bicol; You Can Live Forever in Paradise on Earth, gagmayng edisyon sa Bicol, Pangasinan, ug Samar-Leyte ug dagkong edisyon sa Cebuano ug Iloko; Happiness​—How to Find It sa Iloko; Good News to Make You Happy ug Listening to the Great Teacher sa Samar-Leyte. Pebrero: Ang librong Pakigsuod Kang Jehova maoy itanyag.

◼ Ang nagadumalang magtatan-aw o usa nga iyang itudlo kinahanglang mag-awdit sa kuwenta sa kongregasyon sa Disyembre 1 o sa dili madugay human niana. Ipahibalo sa kongregasyon sa dihang kini nahuman na.

◼ Ang kompletong programa sa distritong kombensiyon para sa mga bungol pagahimoon sa Kingdom Hall sa Bethel sa Quezon City sa Nobyembre 19-21, 2004. Si bisan kinsang bungol nga mga tawo nga makasabot ug senyas nga pinulongan ug buot makabenepisyo gikan sa programa angayng motambong, tungod kay walay laing bug-os nga programa para sa mga bungol didto sa ubang mga kombensiyon.

◼ Mga Amot sa Distritong mga Kombensiyon: Ang tanang galastohan sa mga kombensiyon, lakip ang mga abang sa estadyum, pag-andam sa entablado ug mga amplipayr, maingon man ang gasto sa bag-ong luwatan nga mga publikasyon, gisuportahan pinaagi sa boluntaryong mga amot ngadto sa tibuok-kalibotang buluhaton. Kami nakaseguro nga inyong hinumdoman kini sa dihang motambong. Ang mga amot mahimong ihulog diha sa mga kahon sa amot nga gitagana didto sa matag kombensiyon.

◼ Mga Tour sa Bethel: Kadtong nagplanong mag-tour sa Bethel nga usa ka bus o sa grupo nga 20 ka tawo o kapin pa kinahanglang abanteng mosulat sa sangang buhatan, nga iadres sa “Bethel Tours Department,” nga maghatag ug petsa kon kanus-a ang inyong planong mag-tour. Tungod sa limitadong parkinganan sa Bethel, kinahanglan tingaling ipasibo ang petsa sa inyong tour aron dili daghan kaayong bus ang mangabot sa samang adlaw. Kadtong maggikan sa lagyong mga probinsiya angayng magplano nga moabot sa Bethel nga dili sayo kay sa alas-8 s.b. Kon moabot na kamo duol sa Manila nga sayosayo pa niini, among isugyot nga mohunong una kamo diha sa usa sa mga gasolinahan sa expressway hangtod nianang orasa. Magpahigayon kini sa paggamit sa mga kasilyas ug tingali makailis na sa dili pa moabot sa Bethel. Sa dili pa kamo mobisita, palihog repasoha ang “Pangutana” sa Hunyo 2002 nga Atong Ministeryo sa Gingharian mahitungod sa hustong panapot ug pamostura sa dihang mobisita sa mga puy-anang Bethel.

◼ Bag-ong mga Publikasyong Mabatonan:

Watch Tower Publications Index 2003​—Iningles

Dagkog-letra nga edisyon, New World Translation of the Holy Scriptures—Cebuano, Iloko, Tagalog

(Matikdi: Kining Bibliyaha adunay marka nga bi8 ug adunay panaplin nga mga reperensiya sama sa bi12. Ang mas dagko nga letra niini mapuslanon sa dihang mohimog personal nga pagtuon, daling basahon para niadtong dili kaayo makaklaro, ug maayo kining ibutang diha sa librarya sa Kingdom Hall.)