Eskedyul sa Tigom sa Pag-alagad
Semana sa Disyembre 13
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Dasiga ang tanan sa pagtan-aw sa video nga No Blood—Medicine Meets the Challenge isip pagpangandam sa panaghisgot sa sunod semana. Gamita ang mga sugyot diha sa panid 8 aron ipasundayag kon unsaon pagtanyag ang Disyembre 15 nga Bantayanang Torre ug Disyembre 22 nga Pagmata!
15 min: “Bag-ong Kahikayan sa Pagrepaso sa mga Programa sa Asembliya.” Pakigpulong ug panaghisgot sa mamiminaw pinasukad sa artikulo sa panid 4.
20 min: “Pagsangyaw sa mga Paryente—Sa Unsang Paagi?”a Gamita ang mga pangutana nga gitagana. Pakomentoha ang mamiminaw kon sa unsang paagi sila nakasangyaw sa mga paryente.
Awit 17 ug paniklop nga pag-ampo.
Semana sa Disyembre 20
5 min: Lokal nga mga pahibalo.
15 min: “Ministerial Training School—Usa ka Dakong Pultahan nga Nagatultol Ngadto sa Kalihokan.” Pakigpulong ug panaghisgot sa mamiminaw. Ilakip ang mga komento sa 2004 Tinuig nga Basahon, mga panid 239-40. Dasiga kadtong mokuwalipikar nga motambong sa miting alang niadtong gustong motungha sa Ministerial Training School sa sunod nga sirkitong asembliya.
25 min: “Pahimusli ang Video nga No Blood—Medicine Meets the Challenge.” Panaghisgot sa mamiminaw sa No Blood nga video, ginamit ang gitaganang mga pangutana sa panid 7. Human niana, basaha ang kataposang parapo. Dasiga ang tanan nga motambong sa sunod semana alang sa panaghisgot bahin sa bag-ong tagana sa pagtabang kanato sa pag-ayad gikan sa dugo.
Awit 50 ug paniklop nga pag-ampo.
Semana sa Disyembre 27
10 min: Lokal nga mga pahibalo. Taho sa kuwenta. Ginamit ang mga sugyot sa panid 8, ipakita kon unsaon pagpresentar ang Enero 1 nga Bantayanang Torre o Enero 8 nga Pagmata!
25 min: Pagsunod sa Sugo sa Diyos sa Pag-ayad Gikan sa Dugo. Pakigpulong pinaagig ansiyano, nga maggamit sa manuskrito gikan sa sangang buhatan. Sa pagsugod hisgoti nga ang mga DPA kard dili pil-apan niining higayona. Samtang magbasa sa manuskrito, ang mamumulong mahimong modugang ug mugbong mga komento isip pagpasiugda apan dili gayod pun-an ang materyal pinaagig dugang mga pananglitan o mga teksto. Ang gisitar nga mga teksto mahimong basahon o kutloon segun sa itugot sa panahon. Sa tukmang mga punto, ipasiugda ang mga pulong diha sa artikulo sa panid 1 nga, “Bag-ong Tagana sa Pagtabang Kanato sa Pag-ayad Gikan sa Dugo.” Kinahanglang tagaan sa sekretaryo ang tanang bawtismadong magmamantala ug usa ka DPA kard ug “Mga Instruksiyon Para sa Pagpil-ap sa DPA Kard” aron sila makasunod sa dihang ipresentar ang maong bahin. Angay usab nga tinoon sa sekretaryo nga adunay igong suplay sa mga Identity Card.
10 min: Ang Papel sa Imong Tanlag. Pakigpulong pinaagig ansiyano, pinasukad sa Hunyo 15, 2004, Bantayanang Torre, mga panid 23-4, mga parapo 16-19. Ipasiugda nga ang mga desisyon nga atong himoon maylabot sa tanlag maoy ugdang, kay kini maglangkit sa atong relasyon kang Jehova.
Awit 8 ug paniklop nga pag-ampo.
Semana sa Enero 3
5 min: Lokal nga mga pahibalo. Hisgoti ang tanyag nga literatura sa Enero.
20 min: “Pagdumalag Mauswagong mga Pagtuon sa Bibliya—Bahin 4.” Human sa introduksiyon nga dili molapas sa usa ka minuto nga gipasukad sa parapo 1, himoa ang lima ka minutos nga pasundayag pinasukad sa mga parapo 2-3, nga maghulagway sa usa ka tagdumala sa pagtuon sa Bibliya nga magpakita sa usa ka estudyante kon unsaon pagpangandam alang sa pagtuon. Gamita ang usa ka parapo gikan sa Kahibalo nga libro o sa Gikinahanglan nga brosyur diha sa pasundayag. Sundi sa pangutanag-tubag nga panaghisgot sa mga parapo 2-5.
20 min: “Sa Unsang Paagi Ikaw Makahimog Maalamong mga Desisyon?” Pakigpulong pinaagig ansiyano pinasukad sa artikulo sa Oktubre 15, 2003 nga Bantayanang Torre, mga panid 4-7.
[Footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.