Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Pebrero 28, 2005. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Enero 3 hangtod sa Pebrero 28, 2005. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, pp. 36-7.]

MGA HIYAS SA PAGPANULTI

1. Sa unsang paagi mahimong mas masabtan ang atong sinultihan? [be p. 226 par. 1–p. 227 par. 1]

2. Unsang matanga sa mga termino ang nagkinahanglan tingali ug dugang pagpatin-aw? [be p. 227 par. 2–p. 228 par. 1]

3. Unsang paagiha ang motabang kanato sa pagpresentar sa materyal nga makahatag ug tinuod nga pagtulon-an sa atong mamiminaw? [be p. 231 mga par. 1-3]

4. Sa unsang paagi mahimo nato ang atong pagbasa sa sinating teksto nga matulon-anon ngadto sa atong mamiminaw? [be p. 231 mga par. 4-5]

5. Unsay mahimong epekto sa pagdasig sa atong mamiminaw sa pagsentro sa pagtagad sa mga detalye sa sinating asoy sa Bibliya? [be p. 232 mga par. 2-4]

ASAYNMENT NUM. 1

6. Unsay nalakip sa pagtudlo sa mga tawo sa ‘pagkahadlok sa matuod nga Diyos ug sa pagtuman sa iyang mga sugo’? (Eccl. 12:13) [be p. 272 par. 3–p. 273 par. 1]

7. Sa unsang paagi ikapasiugda nato dili lang ang ngalan ni Jehova kondili kon unsang matanga usab siya sa pagka-Diyos? (Joel 2:32) [be p. 274 mga par. 3-5]

8. Unsa ka hinungdanon ang pagkuhag kahibalo bahin kang Jesus ug ang pagpamatuod bahin kaniya? (Juan 17:3) [be p. 276 par. 1]

9. Sa unsang paagi ang pagkabaton ug inuyonang relasyon uban sa Diyos ug ang pagsabot sa Bibliya direktang nalangkit sa pagsabot sa papel ni Jesus? [be p. 276 par. 2]

10. Sa unsang paagi atong ikapasundayag nga kita tinuod nga nagtuo nga si Jesu-Kristo maoy Hari? [8, be p. 277 par. 4]

SENEMANANG PAGBASA SA BIBLIYA

11. Magsisimba bag idolo ang amahan ni Abraham nga si Tera? (Jos. 24:2)

12. Nakulangan bag kaisog si Gideon sa pagtuman sa sugo nga gipabuhat kaniya ni Jehova? Nganong ingon niana ang imong tubag? (Maghu. 6:25-27)

13. Unsay atong makat-onan sa paagi ni Gideon sa pagtubag sa tribo ni Epraim? (Maghu. 8:1-3)

14. Unsay gipaila sa pagkadili-maabiabihon sa katawhan sa Gibea? (Maghu. 19:14, 15)

15. Kon ‘ang matag usa naanad sa pagbuhat kon unsay matarong sa iyang mga mata,’ nagpasiugda ba kinig anarkiya? (Maghu. 21:25)