Eskedyul sa Tigom sa Pag-alagad
Semana sa Disyembre 12
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 8 (kon haom sa inyong teritoryo) aron ipasundayag kon sa unsang paagi itanyag ang Disyembre 15 nga Bantayanang Torre ug ang Disyembre 22 nga Pagmata! Human sa matag pasundayag, komentohi kon unsa ka daling isal-ot ang usa ka teksto diha sa presentasyon. Pahinumdomi ang mga magmamantala sa mga petsa sa mga programa sa sirkito ug espesyal nga mga asembliya sa 2006 kon mahibaloan na kini.
15 min: “Usa ka Tunghaan nga Makatabang Kanato sa Paghimog Praktikal nga Pagpadapat.” Pakigpulong sa magtatan-aw sa tunghaan. Ilakip ang mga komento gikan sa pasukip sa Nobyembre 2005 nga Atong Ministeryo sa Gingharian.
20 min: “Edukasyon nga Motultol sa Kinabuhi.”a Hikaya daan ang usa o duha nga mokomento kon sa unsang paagi sila nakabenepisyo gikan sa diyosnong edukasyon.
Awit 101 ug paniklop nga pag-ampo.
Semana sa Disyembre 19
5 min: Lokal nga mga pahibalo. Hisgoti ang linaing mga kahikayan sa pag-alagad sa kanataran sa Disyembre 25 ug sa Enero 1. Pahinumdomi ang tanan sa pagdala sa Enero 2006 nga gula sa Pagmata! sa Tigom sa Pag-alagad sa sunod semana.
15 min: “Ipakita ang Personal nga Interes—Pinaagi sa Pagkamapasiboon.”b Ilakip ang usa ka mubong pasundayag nga nagpakita kon giunsa pagpasibo sa usa ka magmamantala ang iyang presentasyon pinasukad sa mga komento sa tagbalay.
25 min: “Karon Na ang Panahon sa Pagsangyaw!”c Hikaya daan ang usa o duha ka regular payunir nga mokomento bahin sa mga pagpasibo nga ilang ginahimo aron makapayunir ug ang mga panalangin nga ilang napahimuslan ingong resulta.
Awit 56 ug paniklop nga pag-ampo.
Semana sa Disyembre 26
10 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Disyembre. Isulti ang tanyag nga literatura sa Enero, ug ipunting kon asa makita ang gisugyot nga mga presentasyon.
15 min: Lokal nga mga panginahanglan.
20 min: Bag-ong mga Artikulo sa Pagmata! Pakigpulong ug panaghisgot uban sa mamiminaw. Hisgoti ang mga kausaban sa Pagmata! nga gipahibalo sa Marso 2005 nga Atong Ministeryo sa Gingharian, panid 1, mga parapo 5-6. Ilakip ang mga komento diha “Sa Among mga Magbabasa” sa Enero 2006 nga Pagmata!, mga panid 3-4. Paghatag ug mga pananglitan kon sa unsang paagi kining magasina direktang nagtultol sa mga magbabasa ngadto sa Bibliya. Dapita ang mamiminaw sa pagkomento sa bag-ong artikulo diha sa panid 31. Itanyag gihapon nato Ang Bantayanang Torre ug Pagmata! ingong paris sa unang duaw. Siyempre, usa ra ka kopya sa matag gula sa Pagmata! ang atong ikapahimutang ngadto sa atong ruta sa magasin ug sa uban pa nga regular nga modawat sa mga magasin. Ginamit ang mga sugyot sa panid 8 (kon haom sa inyong teritoryo), ipasundayag kon sa unsang paagi itanyag ang Enero 1 nga Bantayanang Torre ug ang Enero nga Pagmata! Mahimong gamiton ang ubang realistikong mga presentasyon. Ang Enero nga gula sa Atong Ministeryo sa Gingharian maglakip ug ikaduhang presentasyon alang sa Enero nga Pagmata! nga magpasiugda sa usa sa segundaryong mga artikulo. Ang duha ka presentasyon mahimong gamiton sa tibuok bulan.
Awit 222 ug paniklop nga pag-ampo.
Semana sa Enero 2
5 min: Lokal nga mga pahibalo.
15 min: “Gamita ang Atong Binase-sa-Bibliya nga mga Literatura sa Maalamong Paagi.”d Ilakip ang mga komento sa Septiyembre 2002 nga Atong Ministeryo sa Gingharian, panid 1.
10 min: “Gigamit Mo ba ang mga Handbill?” Pakigpulong ug panaghisgot uban sa mamiminaw. Dapita ang mamiminaw sa pagkomento bahin sa maayong mga resulta nga naangkon pinaagi sa paggamit ug mga handbill. Ilakip ang usa ka mubong pasundayag sa usa ka magmamantala nga nagdapit sa usa ka interesadong tawo sa pagtambong sa tigom ginamit ang handbill.
15 min: Pagbanaag sa mga Sukdanan sa Diyos Diha sa Atong Pagpamesti ug Pagpanghindik. Pakigpulong ug panaghisgot uban sa mamiminaw nga dumalahon sa usa ka ansiyano pinasukad sa Agosto 1, 2002, Bantayanang Torre, mga panid 17-19. Dapita ang mamiminaw sa pagkomento kon sa unsang paagi ang atong sulondang panagway makabukas sa kahigayonan nga makasangyaw.
Awit 48 ug paniklop nga pag-ampo.
[Mga footnote]
a Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
b Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
c Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
d Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.