Eskedyul sa Tigom sa Pag-alagad
Semana sa Abril 10
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Nga gamiton ang mga sugyot sa panid 8 o ubang mga presentasyon nga nahiangay sa inyong teritoryo, ipasundayag kon unsaon pagtanyag ang Abril 15 nga Bantayanang Torre ug ang Abril nga Pagmata! Sa usa ka demonstrasyon, ipatanyag usab sa magmamantala ang librong Gitudlo sa Bibliya ngadto sa usa ka tagbalay nga magpakitag talagsaong interes sa mensahe sa Bibliya.
20 min: “‘Magmasiboton sa Maayong mga Buhat’ sa Abril.” Pakigpulong nga may pagpakigbahin ang mamiminaw pinaagi sa Magtatan-aw sa Pag-alagad. Dasiga ang kuwalipikadong mga gitun-an sa Bibliya nga makigbahin sa pagsangyaw sulod niining linaing bulan sa kalihokan. Kadtong wala pa makapakigbahin sa pagsangyaw sa kanataran angayng tabangan ug dasigon aron ang tanan makasangyaw na sa dili pa matapos ang Abril.
15 min: “Ikapasibo Mo ba ang Imong Eskedyul?”a Ipadapat sa inyong dapit ang impormasyon. Hisgoti ang bisan unsang mga kahikayan sa kongregasyon alang sa pagsangyaw sa gabii.
Awit 13 ug paniklop nga pag-ampo.
Semana sa Abril 17
15 min: Lokal nga mga pahibalo. Repasoha ang mga punto diha sa “Pangutana.” Ipasiugda ang lokal nga mga kahikayan alang sa espesyal nga pakigpulong publiko. Dasiga ang tanan sa pagpadayon sa paggamit sa likod nga panid sa Abril 1 nga gula sa Ang Bantayanang Torre sa pagdapit ug mga tumatambong sa Memoryal, sa mga gitun-an sa Bibliya, ug sa ubang interesadong mga tawo. Iasoy sa mubo ang duha o tulo ka kasinatian bahin sa paggamit niining gulaa sa Ang Bantayanang Torre aron dapiton ang mga tawo sa pagtambong sa espesyal nga pakigpulong publiko.
12 min: Lokal nga mga panginahanglan.
18 min: “Pagdumalag Progresibong mga Pagtuon sa Bibliya Diha sa Ganghaan ug Pinaagig Telepono.”b Ilakip ang mubong demonstrasyon nga magpakita kon unsay mahimong isulti sa magmamantala aron makabalhin gikan sa ganghaan ngadto sa sulod sa balay.
Awit 162 ug paniklop nga pag-ampo.
Semana sa Abril 24
15 min: Lokal nga mga pahibalo. Basaha ang taho sa kuwenta ug mga sulat-pasalamat sa donasyon. Sa bulan sa Mayo ipadayon nato ang pagtanyag sa Ang Bantayanang Torre ug Pagmata! Nga gamiton ang mga sugyot sa panid 8 o ubang mga presentasyon nga nahiangay sa inyong teritoryo, ipasundayag kon unsaon pagtanyag ang Mayo 1 nga Bantayanang Torre ug Mayo nga Pagmata! Pagkahuman sa mga demonstrasyon, hisgoti ang ubang mga artikulo nga anaa nianang mga gulaa nga basin makapadani sa mga tawo sa lokal nga teritoryo.
15 min: “Kon sa Unsang Paagi Mapadayon ang Pagkamasiboton.”c Ilakip ang mga komento diha sa Hunyo 15, 2002, Bantayanang Torre, panid 14, parapo 13.
15 min: Duna Ka bay Maayong mga Batasan sa Pagbasa? Panaghisgot uban sa mamiminaw nga gibase sa piniling mga bahin sa librong Tunghaan sa Ministeryo, mga panid 22-6. Unsay ikalakip sa atong programa sa pagbasa? (p. 21, kahon) Nganong hinungdanon nga atong basahon ang mga publikasyon nga gitagana? (p. 23, par. 2) Unsa ang yawi sa pagpadayon sa maayong programa sa pagbasa? (p. 26, par. 3-4) Sa unsang paagi nagagahin kag panahon sa pagbasa sa mga magasing Bantayanang Torre ug Pagmata! Sa unsang paagi kini nakahatag kanimog kaayohan?
Awit 191 ug paniklop nga pag-ampo.
Semana sa Mayo 1
10 min: Lokal nga mga pahibalo. Pahinumdomi ang mga magmamantala nga ihatag ang mga taho sa pag-alagad sa kanataran alang sa Abril. Hisgoti ang kahon sa panid 6, “Mangayo Ka bag mga Ngalan sa mga Tawo nga Imong Matabangan?” Kon may panahon, dapita ang mamiminaw sa pagkomento bahin sa mga pagtuon sa Bibliya nga nasugdan nga gigamit ang maong metodo.
15 min: “Ipakita ang Personal nga Interes—Pinaagi sa Pagtan-aw Gayod sa Mata.”d Ilakip ang mubong demonstrasyon diin ang magmamantala motan-aw gayod sa mata sa usa ka tawo diha sa publikong dapit, mosugod sa usa ka pakigkabildo, ug unya mosangyaw kaniya.
20 min: Palandonga ang Kalihokan ni Jehova. (Sal. 77:12) Pakigpulong ug panaghisgot uban sa mamiminaw nga gamiton ang 2006 Tinuig nga Basahon. Hisgoti ang makapadasig nga mga punto diha sa sulat gikan sa Nagamandong Lawas. (p. 3-5) Hisgoti ang impormasyon ubos sa sub-ulohang “Paghubad sa Bibliya.” (p. 10-11) Iasoy ang pipila ka haylayt ug mga kasinatian sa miaging tuig. (p. 6-64) Dapita ang mamiminaw sa pagkomento bahin sa mga punto nga ilang gipabilhan sa ilang pagbasa sa 2006 Tinuig nga Basahon. Dasiga ang tanan sa paggamit niini sa pagtabang sa mga gitun-an sa Bibliya nga mapabilhan nila ang organisasyon ni Jehova.
Awit 82 ug paniklop nga pag-ampo.
[Mga footnote]
a Limitahi ang pasiunang mga komento nga ubos sa usa ka minuto, ug isunod ang pangutana-ug-tubag nga panaghisgot.
b Limitahi ang pasiunang mga komento nga ubos sa usa ka minuto, ug isunod ang pangutana-ug-tubag nga panaghisgot.
c Limitahi ang pasiunang mga komento nga ubos sa usa ka minuto, ug isunod ang pangutana-ug-tubag nga panaghisgot.
d Limitahi ang pasiunang mga komento nga ubos sa usa ka minuto, ug isunod ang pangutana-ug-tubag nga panaghisgot.