Mga Pahibalo
◼ Tanyag nga literatura sa Abril ug Mayo: Indibiduwal nga mga kopya sa Bantayanang Torre ug Pagmata! Sa dihang magabalik-duaw sa mga tawong interesado, iapil kadtong nakatambong sa Memoryal o ubang teokratikanhong mga okasyon apan si kinsa dili aktibong nakig-uban sa kongregasyon, nga hatagag bug-os nga pagtagad ang pagsugod ug mga pagtuon sa Bibliya nga gamiton ang librong Unsay Tinuod nga Gitudlo sa Bibliya? Hunyo: Itanyag ang librong Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang librong Kalipay sa Pamilya. Hulyo ug Agosto: Ang bisan unsang brosyur ikatanyag.
◼ Ang 2005 Watchtower ug Awake! nga mga tomo hapit nang mabatonan ug mahimo nang orderon karon. Hinumdomi nga kini maoy espesyal nga mga hangyo ug angay lang orderon kon adunay tino nga hangyo gikan sa mga magmamantala alang niini. Kon ang mga tomo wala pa moabot sa dihang moabot na ang mga order, kini ipakita ingong “back-ordered” ug ang mga tomo ipadala dayon inigkadawat niini gikan sa Brooklyn.
◼ Ang sangang buhatan dili mohatag sa indibiduwal nga mga hangyo alang sa literatura. Ang nagadumalang magtatan-aw angayng maghikay nga himoon ang usa ka pahibalo kada bulan sa dili pa ipadala ang binulang hangyo sa kongregasyon alang sa literatura ngadto sa sangang buhatan aron ang tanan nga interesadong makabaton ug personal nga literatura makapahibalo sa brader nga nagdumala sa literatura. Palihog hinumdomi kon unsang mga butanga ang espesyal nga hangyoon.
◼ Agig pahinumdom, ang adres sa sangang buhatan dili gayod angayng gamiton sa personal nga mga sulat. Naglakip kini sa tanang sulat ug mga literatura nga ipadala aron sa pagsangyaw ngadto sa mga tawong interesado nga nagpuyo sa lisod-aboton nga mga dapit. Ang usa ka magmamantala makahimo sa paggamit sa iyang personal nga adres, sanglit ang iyang ministeryo naglangkit sa iyang personal nga pag-alagad sa Diyos. (Mat. 28:19, 20; Roma 10:14, 15) Hinuon, kon bation niyang dili maalamon nga gamiton ang iyang kaugalingong adres sa dihang magsangyaw pinaagig sulat, siya makagamit sa iyang ngalan ug sa adres sa Kingdom Hall.—Tan-awa ang “Pangutana” sa Mayo 2002 nga Atong Ministeryo sa Gingharian.