Eskedyul sa Tigom sa Pag-alagad
Semana sa Agosto 14
10 min: Lokal nga mga pahibalo. Ginamit ang mga sugyot sa panid 4 o ubang mga presentasyon nga haom sa inyong teritoryo, ipasundayag kon unsaon pagtanyag ang Agosto 15 nga Bantayanang Torre ug ang Agosto nga Pagmata! Sa usa sa mga pasundayag, ipakita kon unsaon pagtubag kon dunay moingong “Dili ako interesado sa mga Saksi ni Jehova.”—Tan-awa ang librong Nangatarongan, p. 17-18.
15 min: “Espesyal nga Gula sa Pagmata! Itanyag sa Septiyembre.”a Sa dihang hisgotan ang parapo 4, himoa ang usa ka mubong pasundayag nga nagpakita sa usa ka tin-edyer nga nagtanyag sa Septiyembre nga gula sa Pagmata! ngadto sa usa ka magtutudlo.
20 min: Panaghigalaay sa Eskuylahan—Diin Kutob ang Akong Pagpakigsuod? Pakigpulong ug panaghisgot uban sa mamiminaw nga gipasukad sa panid 17-19 sa Abril 2006 nga Pagmata! Dapita kadtong nanambong nga gimatuto diha sa Kristohanong panimalay sa pagkomento kon giunsa sila pag-andam sa ilang mga ginikanan sa pag-atubang sa mga problema ug sa pagpadapat sa mga prinsipyo sa Bibliya diha sa eskuylahan. Ang usa o duha ka komento mahimong hikayon daan.
Awit 164 ug paniklop nga pag-ampo.
Semana sa Agosto 21
10 min: Lokal nga mga pahibalo.
15 min: Pahimusli ang Pagtuon sa Bantayanang Torre ug ang Miting Publiko. Pakigpulong ug panaghisgot uban sa mamiminaw nga gipasukad sa Organisado Aron Buhaton ang Kabubut-on ni Jehova, panid 59 ngadto sa subtitulo sa panid 64.
20 min: “Pakigbugno sa Maayong Pakigbugno sa Pagtuo.” Pakigpulong nga ihatag sa usa ka ansiyano pinasukad sa artikulo sa Pebrero 15, 2004 nga gula sa Ang Bantayanang Torre, panid 26-30.
Awit 216 ug paniklop nga pag-ampo.
Semana sa Agosto 28
10 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Agosto. Ginamit ang mga sugyot sa panid 4 o ubang mga presentasyon nga haom sa inyong teritoryo, ipasundayag kon unsaon pagtanyag ang Septiyembre 1 nga Bantayanang Torre o ang Septiyembre nga Pagmata! samtang nagbalikduaw sa ruta sa magasin.
15 min: Ikaw Mahimong Usa ka Tuboran sa Pagdasig. (Roma 1:11, 12) Pakigpulong ug panaghisgot uban sa mamiminaw. Isulti kon pila ang regular payunir diha sa kongregasyon. Hisgoti ang mga paagi nga kita makadasig kanila, sama sa pagdayeg kanila, paghisgot sa mga kaayohan sa pagpayunir, pagpakig-uban kanila sa pagsangyaw, pagpangaon uban kanila, ug pag-abag sa ilang mga pletehan. Dapita ang mga regular payunir sa pagkomento kon sa unsang paagi sila nadasig sa uban. Kon walay regular payunir sa kongregasyon, hisgoti kon sa unsang paagi kita makadasig sa mga nag-oksilyare payunir.
20 min: “Makasugod Ka bag Usa ka Pagtuon sa Bibliya sa Septiyembre?”b Himoa ang duha ka pasundayag ginamit ang mga sugyot sa parapo 2 ug 3. Sa matag presentasyon, pagpilig usa ka ulohan nga haom sa lokal nga teritoryo.
Awit 37 ug paniklop nga pag-ampo.
Semana sa Septiyembre 4
10 min: Lokal nga mga pahibalo.
15 min: Lokal nga mga panginahanglan.
20 min: “Ipakita ang Personal nga Interes—Pinaagi sa Pagsangyaw nga Dili Mapihigon.”c Sa dihang hisgotan ang Roma 1:14, nga gisitar sa kataposan sa parapo 2, ilakip ang mubong komento sa Insight, Tomo 1, panid 255, sa unang parapo ubos sa ulohang “Barbarian.” Human mahisgoti ang parapo 3, repasoha ang tulo ka lakang nga gilaraw sa panid 2 sa pulyeto nga Good News for People of All Nations, ug ipasundayag kon sa unsang paagi gamiton ang pulyeto uban sa mga tawo diha sa lokal nga teritoryo nga nagsultig laing pinulongan.
Awit 225 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.