Mga Pahibalo

◼ Tanyag nga literatura sa Agosto: Bisan unsang brosyur mahimong itanyag. Septiyembre: Itanyag ang librong Gitudlo sa Bibliya. Usa ka linaing paningkamot ang angayng himoon aron makasugod ug pagtuon sa Bibliya sa unang duaw. Ang tanang napahimutangan kinahanglang balikduawon uban ang tumong nga makasugod ug pagtuon sa Bibliya sa balay. Oktubre: Itanyag ang tagsatagsa ka kopya sa Ang Bantayanang Torre ug Pagmata! Kon magpakitag interes, itanyag ang brosyur nga Padayon sa Pagbantay! aron maugmad ang dugang interes diha sa Bibliya. Nobyembre: Itanyag ang librong Pagkakat-on Gikan sa Dakong Magtutudlo. Kon moingon ang mga tagbalay nga wala silay mga anak, itanyag ang tract nga Gusto Ka Bang Makabaton ug Dugang Kahibalo Bahin sa Bibliya? o laing haom nga tract.

◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Septiyembre 1 o sa labing madali human nianang petsaha. Kon maawdit na, ipahibalo kini sa kongregasyon.

◼ Duyog sa kuwentada sa Hunyo, ang matag kongregasyon makadawat ug duha ka kopya sa Congregation Analysis Report (S-10). Ang sekretaryo sa kongregasyon mao ang magpil-ap niining pormaha sa tukma ug hapsay nga paagi, ug human niana kini kinahanglang maampingong susihon sa komite sa pag-alagad. Sa likod niining pormaha, ang tanang regular payunir kinahanglang ilista, nga magpakita sa ilang total nga mga oras alang sa tuig sa pag-alagad. Ang orihinal niining pormaha kinahanglang ipadala ngadto sa sangang buhatan sa Septiyembre 6. Hupti ang kopya niana sa inyong payl.

◼ Ang mga order sa Pagsusi sa Kasulatan sa Adlaw-Adlaw—2007 ug sa 2007 Calendar kinahanglang ipadala na karon sa sangang buhatan. Magpadala kami ug usa ka special order blank uban sa kuwentada sa Hunyo para niining duha ka aytem. Kon ubay-ubayng kongregasyon ang naggamit sa usa ka Kingdom Hall, ang mga order gikan sa matag kongregasyon kolektahon sa koordinetor sa literatura ug usahon diha sa usa ka order blank nga ipadala ngadto sa sangang buhatan sa Agosto 15, 2006.