Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Agosto 28, 2006. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Hulyo 3 hangtod sa Agosto 28, 2006. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, p. 36-7.]

MGA HIYAS SA PAGPANULTI

1. Sa unsang paagi ang pagpakigkomunikar pinaagi sa pagtan-aw makatabang kanato nga mahimong mas maayong mga magtutudlo? (Mat. 19: 25, 26; Buh. 14: 9, 10) [be p. 124 par. 3–p. 125 par. 2]

2. Nganong ang pagkanatural hinungdanon, ug unsay makatabang kanato sa pagpakita niini diha sa pag-alagad sa kanataran? [be p. 128 par. 1-5, kahon]

3. Nganong angay kitang magmahunahunaon sa personal nga kahinlo? [be p. 131 par. 1-3]

4. Sa unsang paagi ang “pagkamakasaranganon ug maayong panghunahuna” makaimpluwensiya sa atong pamesti ug pamostura? (1 Tim. 2:9) [be p. 131 par. 4–p. 132 par. 1]

5. Unsang mga prinsipyo sa Bibliya ang angay natong ipadapat aron matino nga ang atong personal nga panagway dili magbanaag sa gugma sa kalibotan? [be p. 133 par. 2-3]

ASAYNMENT NUM. 1

6. Unsa ang kinadak-ang kaayohan nga makuha sa pagbasa? [be p. 21 par. 3]

7. Unsay magtino kon ang usa ka tawo maoy maalamon o buangbuang? (Prov. 14:2) [w04 11/15 p. 26 par. 5]

8. Nganong ‘ang kahibalo masayon lamang sa usa ka tawo nga may pagsabot’? (Prov. 14:6) [w04 11/15 p. 28 par. 4-5]

9. Unsa ang pagtuon? [be p. 27 par. 3]

10. Sa unsang paagi kita maapektohan sa dihang kita mamalandong sa mga kalalangan ni Jehova? [w04 11/15 p. 8 par. 4]

SENEMANANG PAGBASA SA BIBLIYA

11. Sa karaang mga panahon, unsay ‘gisulti’ ni Jehova nga tungod niana usa ka dakong panon sa ‘kababayen-an ang nagapahayag sa maayong balita,’ ug sa unsang paagi kini mapadapat karon? (Sal. 68:11)

12. Nganong hapit mahiligas si Asap gikan sa pagbuhat ug matarong, ug sa unsang paagi napasibo ang iyang panghunahuna? (Sal. 73:2, 3, 17)

13. Nganong ang mana nga gitagana alang sa mga Israelinhon gitawag nga “mga lugas gikan sa langit” ug “tinapay sa mga gamhanan”? (Sal. 78:24, 25)

14. Unsa ang “natago nga dapit sa Labing Hataas,” ug sa unsang paagi kita ‘makapuyo’ didto? (Sal. 91:1, 2)

15. Sa unsang paagi nga ang kamatayon sa mga maunongon kang Jehova bililhon sa iyang mga mata? (Sal. 116:15)