Eskedyul sa Tigom sa Pag-alagad
Semana sa Septiyembre 11
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagtan-aw sa video nga Young People Ask—How Can I Make Real Friends? agig pagpangandam alang sa panaghisgot sa Tigom sa Pag-alagad sa semana sa Septiyembre 25. Ginamit ang mga sugyot sa panid 8, ipasundayag kon unsaon pagtanyag ang Septiyembre 15 nga Bantayanang Torre ug ang Septiyembre nga Pagmata!
25 min: Pahimusli ang Tigom sa Pag-alagad ug ang Teokratikanhong Tunghaan sa Ministeryo. Pakigpulong ug panaghisgot uban sa mamiminaw nga gipasukad sa Organisado Aron Buhaton ang Kabubut-on ni Jehova, gikan sa sub-ulohan sa panid 64 hangtod sa sub-ulohan sa panid 69.
10 min: Sulat sa Sangang Buhatan sa Panid 1. Pakigpulong ug panaghisgot uban sa mamiminaw. Dasiga ang tanan sa pagpakitag pagpabili sa bag-ong imprentahan pinaagi sa bug-os nga pagpaluyo sa pagpanagtag sa mga magasin.
Awit 126 ug paniklop nga pag-ampo.
Semana sa Septiyembre 18
5 min: Lokal nga mga pahibalo.
15 min: Unsay Atong Nahimo sa Miaging Tuig? Repasohon sa magtatan-aw sa pag-alagad ang miaging tuig sa pag-alagad, nga magsentro sa pagtagad sa positibong mga butang nga nalampos diha sa ministeryo. Paghatag ug nahiangayng komendasyon. Paghisgot ug usa o duha ka bahin nga kinahanglang hatagag pagtagad sa umaabot nga tuig. Komentohi ang kalihokan sa mga payunir, nga magdayeg kanila sa ilang kakugi. Iasoy ang maayong mga resulta nga nabatonan tungod sa pagpaningkamot nga matabangan ang mga di-aktibo.
25 min: “Espesyal nga Kampanya Oktubre 16–Nobyembre 12!” Madasigong paghisgot sa usa ka ansiyano. Human mabasa ang pahibalo nga gihatag diha sa sulat ngadto sa lawas sa mga ansiyano nga pinetsahan ug Hunyo 6, 2006, hatagig tagsa ka kopya sa Kingdom News Num. 37 ang tanang nanambong. Dayon isunod ang pangutanag-tubag nga panaghisgot sa artikulo. Dasiga ang tanang magmamantala sa pagpakigbahin sa bug-os niini nga kampanya. Ipasundayag ang usa ka mubong presentasyon.
Awit 50 ug paniklop nga pag-ampo.
Semana sa Septiyembre 25
10 min: Lokal nga mga pahibalo. Basaha ang taho sa kuwenta ug ang pasalamat sa mga donasyon. Ginamit ang mga sugyot sa panid 8, ipasundayag kon unsaon pagtanyag ang Oktubre 1 nga Bantayanang Torre o ang Oktubre nga Pagmata!
25 min: “Usa ka Video nga Seryosong Pagatagdon.”a Sa dihang hisgotan ang parapo 1, hangyoa ang kongregasyon sa paghatag ug mubong mga komento bahin sa video nga Young People Ask—How Can I Make Real Friends? Pagkahuman, isunod ang paghisgot sa matag pangutana nga gipresentar diha sa parapo 2-7.
10 min: Lokal nga mga kasinatian. Dapita ang mamiminaw sa pag-asoy sa ilang mga kasinatian samtang nagtanyag sa espesyal nga gula sa Pagmata! o samtang nakasugod ug mga pagtuon sa Bibliya sa unang duaw ginamit ang librong Gitudlo sa Bibliya. Mahimong ipasundayag ang usa o duha ka talagsaong kasinatian.
Awit 183 ug paniklop nga pag-ampo.
Semana sa Oktubre 2
10 min: Lokal nga mga pahibalo.
15 min: Lokal nga mga panginahanglan.
20 min: “Pagpamalaybalay.”b Segun sa itugot sa panahon, dapita ang mamiminaw sa pagkomento sa gisitar nga mga teksto.
Awit 127 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.