Eskedyul sa Tigom sa Pag-alagad
Semana sa Abril 9
10 min: Lokal nga mga pahibalo. Dasiga ang tanan sa pagtan-aw sa drama diha sa DVD nga nag-ulohang Young People Ask—What Will I Do With My Life? agig pagpangandam alang sa panaghisgot nga himoon sa Tigom sa Pag-alagad sa sunod semana. Hisgoti ang kahon nga “Main Menu,” ug isaysay kon unsaon pagpasalida sa DVD. Ginamit ang mga sugyot sa panid 8 o uban pang mga presentasyon nga haom sa inyong teritoryo, ipasundayag kon unsaon pagtanyag ang Abril 15 nga Bantayanang Torre ug ang Abril nga Pagmata!
15 min: ‘Buhata ang Maayo Ngadto sa Tanan.’ Pakigpulong sa usa ka ansiyano. Hisgoti ang daghang nanambong sa Memoryal sa Abril 2 ug paghatag ug mga sugyot kon sa unsang paagi matabangan ang pipila kanila sa pagtambong sa mga tigom nga regular. Sa dihang hisgotan ang parapo 8, dasiga kadtong nag-oksilyare payunir sa pagpadayon, tingali ingong regular nga mga oksilyare payunir o ingong mga regular payunir.
20 min: “Kon sa Unsang Paagi Himoong mga Estudyante sa Bibliya ang mga Napahimutangan ug Magasin.”a Ilakip ang mubong pasundayag sa usa sa mga sugyot diha sa parapo 2. Pahinumdomi ang mga magmamantala nga ang usa ka pagtuon sa Bibliya mahimong itaho kon kini nadumala na sa duha ka higayon human sa unang pagpasundayag sa kahikayan sa pagtuon ug kon nagtuo ka gayod nga magpadayon ang pagtuon.
Awit 43 ug paniklop nga pag-ampo.
Semana sa Abril 16
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: ‘Isulti ang Pulong sa Diyos nga Walay Kahadlok.’b Segun sa itugot sa panahon, dapita ang mamiminaw sa pagkomento sa gisitar nga mga teksto.
20 min: “Unsay Angay Mong Buhaton sa Imong Kinabuhi?”—Bahin 1.c Human sa mubong mga komento diha sa parapo 1-2, hisgoti dayon ang mga pangutana diha sa parapo 3-4. Sa dihang hisgotan na ang pangutana 4 diha sa parapo 3, ipabasa ang duha ka teksto. Agig panapos, repasoha ang kahong “Main Menu.” Dasiga ang tanan sa pagtan-aw sa “Interviews” ug “Supplementary Material” diha sa DVD agig pagpangandam sa panaghisgot sa Tigom sa Pag-alagad sa sunod semana. (Matikdi: Kon walay usa diha sa kongregasyon nga nakatan-aw niini nga DVD, mahimong repasohon sa ansiyano nga modumala niining bahina ang artikulo uban sa mamiminaw, nga maghisgot sa gisitar nga mga teksto ug lagmit repasohon ang mga punto nga nakat-onan gikan sa 2005 nga drama bahin kang Timoteo.)
Awit 207 ug paniklop nga pag-ampo.
Semana sa Abril 23
10 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Ginamit ang mga sugyot sa panid 8 o uban pang mga presentasyon nga haom sa inyong teritoryo, ipasundayag kon unsaon pagtanyag ang Mayo 1 nga Bantayanang Torre ug ang Mayo nga Pagmata!
15 min: “Ang Tanan sa Kongregasyon Makapakigbahin sa Paghimog Bag-ong mga Tinun-an.”d Sa dihang hisgotan ang parapo 4, dapita ang mamiminaw sa pagkomento kon sa unsang paagi ang mga igsoon sa kongregasyon nagdasig kanila sa wala pa sila mabawtismohi. Mahimong hikayon daan ang usa o duha ka komento.
20 min: “Unsay Angay Mong Buhaton sa Imong Kinabuhi?”—Bahin 2.e Hisgoti dayon ang mga pangutana nga anaa sa parapo 5-7. Taposa pinaagi sa paghisgot sa mainitong pagdasig diha sa parapo 8. (Matikdi: Kon walay usa diha sa kongregasyon ang nakatan-aw niini nga DVD, ang usa ka ansiyano mahimong mohatag ug pakigpulong nga gipasukad sa artikulo sa Mayo 1, 2004 nga Bantayanang Torre, panid 13-17, nga nag-ulohan ug “Mga Batan-on, Kamo ba Nangandam Alang sa Inyong Kaugmaon?”)
Awit 172 ug paniklop nga pag-ampo.
Semana sa Abril 30
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Abril.
15 min: Lokal nga mga panginahanglan.
20 min: “Makadesisyon ba ang Imong Anak Sama sa Usa ka Hamtong?”f Dumalahon sa usa ka ansiyano. Human mahisgoti ang parapo 2, itandi ang mga kahimtang sa duha ka batan-on nga gihisgotan sa parapo 16-17 ug diha sa kahon sa panid 16-17 sa Hunyo 15, 1991, nga Bantayanang Torre. Agig panapos, dasiga ang mga ginikanan nga repasohon sa bug-os ang enterong artikulo sa Ang Bantayanang Torre uban sa ilang mga anak, nga mag-andam kanila sa pagpahayag sa kaugalingon nilang pagtuo nga may kalig-on. Angayng paneguroon sa mga ulo sa pamilya nga ang tagsatagsa ka bawtismadong anak kanunayng magdala ug DPA card ug ang tagsatagsa ka dili-bawtismadong anak kanunayng magdala ug Identity Card.
Awit 44 ug paniklop nga pag-ampo.
Semana sa May 7
10 min: Lokal nga mga pahibalo.
15 min: Mga Kahikayan Alang sa mga Dapit sa Pagsimba. Pakigpulong ug panaghisgot uban sa mamiminaw nga gipasukad sa kapitulo 11 sa Organisado Aron Buhaton ang Kabubut-on ni Jehova.
20 min: “Kon ang mga Tawo Wala sa Balay.”g Dumalahon sa magtatan-aw sa pag-alagad.
Awit 178 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
e Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
f Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
g Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.