Mga Pahibalo

◼ Tanyag nga literatura sa Pebrero: Life—How Did It Get Here? By Evolution or by Creation? o mahimo usab nga itanyag ang librong Kalipay sa Pamilya. Marso: Unsay Tinuod nga Gitudlo sa Bibliya? Paningkamoting makasugod ug mga pagtuon sa Bibliya. Abril ug Mayo: Ang edisyon para sa publiko sa Ang Bantayanang Torre uban sa Pagmata! Sa dihang magbalikduaw sa mga interesado, paningkamoti nga makasugod ug mga pagtuon sa Bibliya ginamit ang librong Gitudlo sa Bibliya.

◼ Angayng repasohon sa sekretaryo ug sa magtatan-aw sa pag-alagad ang kalihokan sa tanang regular payunir sa kataposan sa Pebrero. Kon adunay naglisod sa pagkab-ot sa kinahanglanong oras, ang mga ansiyano kinahanglang mohimog kahikayan sa pagtabang kanila nga makab-ot ang ilang tinuig nga kinahanglanon inigka-Agosto 31, 2008.

◼ Sa Dominggo, Pebrero 17, 2008, human sa Pagtuon sa Bantayanang Torre, adunay miting uban sa tanang nagplano nga mag-oksilyare payunir sa mga bulan sa Marso, Abril, ug Mayo. Ang magtatan-aw sa pag-alagad maoy modumala niini, nga magseguro nga adunay igong Application for Auxiliary Pioneer Service nga ikaapod-apod sa tanang motambong niining mitinga.

◼ Please Follow-Up nga mga porma alang sa Tungang Sidlakan: Sa dihang magpadalag mga porma nga S-43 sa Sosyedad aron makontak ang mga magmamantala o mga interesado nga nagtrabaho karon sa Tungang Sidlakan, palihog seguroha nga masulat ang mosunod nga impormasyon: (1) Imong ngalan ug kongregasyon; (2) kon imong paryente ang tawo nga kontakon, isulat kana; (3) numero sa telepono sa maong tawo, mas maayo kon cellphone; (4) iyang kompletong ngalan, adres, ug pinulongan (ang paggamit sa adres nga P.O. Box mao ang kinasayonang paagi sa pagkontak kaniya pinaagig sulat); (5) bisan unsang impormasyon bahin sa maong tawo (kon siya gitun-an sa Bibliya, isulat ang kahimtang sa iyang pag-uswag). Pinaagi sa paghatag ug igong impormasyon, mas dali ra siyang makontak sa mga igsoon nga dili ra magpameligro sa buluhaton sa maong mga nasod diin kini gidili.

◼ Bag-ong DVD nga mabatonan:

Pursue Goals That Honor God sa DVD—Iningles (Gipasukad sa 2005 nga drama bahin sa kinabuhi ni Timoteo.)