Pahibalo

◼ Tanyag sa Disyembre: Ang Labing Bantogang Tawo nga Nabuhi Sukad. Kon may anak ang tagbalay, itanyag ang Pagkakat-on Gikan sa Dakong Magtutudlo o Akong Basahon sa mga Estorya sa Bibliya. Enero: Unsay Tinuod nga Gitudlo sa Bibliya? Paningkamoting makasugod ug pagtuon sa Bibliya sa unang duaw. Kon duna na niining libroha ang tagbalay o dili gustong magtuon sa Bibliya, itanyag ang daandaang magasin o bisan unsang brosyur nga makapainteres kaniya. Pebrero: Itanyag ang usa niini: Is There a Creator Who Cares About You?, Ang Sekreto sa Kalipay sa Pamilya, Ang Bibliya—Pulong sa Diyos o sa Tawo? Marso: Unsay Tinuod nga Gitudlo sa Bibliya?

◼ Awditon sa gitudlo sa koordinetor sa lawas sa mga ansiyano ang kuwenta sa kongregasyon para sa Septiyembre, Oktubre, ug Nobyembre. Tan-awa ang Instructions for Congregation Accounting (S-27).

◼ Tinuig nga Teksto sa 2012: “Ang imong pulong maoy kamatuoran.”—Juan 17:17. Ang tanang kongregasyon kinahanglang magtaod niini sa ilang Kingdom Hall sugod sa Enero 1, 2012.

◼ Espesyal nga Pakigpulong: Ang ulohan sa espesyal nga pakigpulong nga himoon sa semana sa Abril 2, 2012 maoy “Duol na ba Gayod ang Kataposan?” Kinahanglang walay kongregasyon nga magpahigayon niini sa dili pa ang Memoryal sa Abril 5.