Sampol nga Presentasyon

Sa Pagsugod ug Pagtuon sa Bibliya sa Unang Sabado sa Enero

“Ang uban nagtuo nga ang Bibliya maoy kasaligang basahon sa tagna. Apan ang uban nagtuo nga naundan kinig dili tinong mga prediksiyon nga may lainlaing interpretasyon. Unsay imong hunahuna niini?” [Patubaga.] Hatagig Enero 1 nga Bantayanang Torre ang tagbalay, ug hisgoti ninyo ang unang sub-ulohan sa panid 16 ug ang usa sa mga teksto. Itanyag ang mga magasin, ug ingna nga mobalik ka aron hisgotan ang sunod nga pangutana.

Ang Bantayanang Torre Enero 1

“Daghan kitag makat-onan sa bantogang mga tawo sa kasaysayan. Mouyon ka ba niini? [Patubaga.] Kining tekstoha naghisgot sa usa ka bantogang tawo nga gitawag sa Bibliya ingong ‘higala sa Diyos.’ [Basaha ang Santiago 2:23.] Gihisgotan niining magasina kon nganong si Abraham giisip sa Diyos nga iyang higala ug kon unsay atong makat-onan kaniya.”

Pagmata! Enero

“Ang hiphip, kikbak, ug uban pang matang sa pagpanikas komon na kaayo sa negosyo. Apan nagtuo ang uban nga gikinahanglan kini aron molambo ang negosyo. Unsay imong hunahuna niini? [Patubaga.] Matikdi kining usa ka panultihon. [Basaha ang Proverbio 20:17.] Gipatin-aw niining magasina kon nganong maayo gyong magmatinud-anon.”