KRISTOHANONG PAGKINABUHI

Ang Maayong Panggawi ug Lawom nga Pagtahod Makatandog sa Kasingkasing

Ang mga asawa nga nahimong Kristohanon sagad makadani sa ilang mga bana sa kamatuoran pinaagi sa ilang maayong panggawi. Pero lagmit nagkinahanglan kinig daghang tuig nga paglahutay sa mga kalisdanan. (1Pe 2:21-23; 3:1, 2) Kon nag-antos ka ug nakasinatig inhustisya, padayong daoga ang daotan pinaagi sa maayo. (Rom 12:21) Bisag dili maminaw ang imong bana sa imong isulti bahin kang Jehova, ang imong maayong ehemplo lagmit makapausab sa iyang hunahuna bahin sa kamatuoran.

Paningkamoting masabtan ang hunahuna sa imong kapikas. (Flp 2:3, 4) Ipakita ang empatiya ug pagkamabination, ug himoa ang imong maarangan sa pagtuman sa imong responsibilidad ingong asawa sa dalayegong paagi. Mahimong maayong tigpaminaw. (San 1:19) Magmapailobon, ug pasaligi ang imong kapikas nga gimahal nimo siya. Bisag dili ipakita sa imong kapikas ang samang pagkamaayo ug pagtahod, makasalig ka nga gipabilhan ni Jehova ang imong pagkamaunongon.—1Pe 2:19, 20.

TAN-AWA ANG VIDEO NGA GILIG-ON MI NI JEHOVA ARON MADAOG NAMO ANG AMONG PALAS-ANON, DAYON TUBAGA ANG MOSUNOD NGA MGA PANGUTANA:

Unsay kinabuhi ni Grace Li niadtong bag-o siyang minyo?
Unsay nakadani niya sa kamatuoran sa Bibliya?
Sa unsang paagi si Sister Li nakalahutay sa mga kalisdanan human siya mabawtismohi?
Unsay giampo ni Sister Li bahin sa iyang bana?
Unsang mga panalangin ang nadawat ni Sister Li tungod sa iyang maayong panggawi ug lawom nga pagtahod?

Collage: Mga esena sa video nga ‘Gilig-on Mi ni Jehova Aron Madaog Namo ang Among Palas-anon,’ nga nagpakita sa pag-uswag ni Grace Li. 1. Si Grace nga naghilak. 2. Sister nga nag-study kang Grace. 3. Si Grace ug iyang mga anak migawas sa ilang restawran aron motambong sa tigom. 4. Si Grace uban sa iyang siyam ka membro sa pamilya diha sa Kingdom Hall. — Ang maayong panggawi ug lawom nga pagtahod gamhanan!