Tip Sa Pag-research

Mga Reperensiya sa Watchtower ONLINE LIBRARY^™

Ang atong mga reperensiya makatabang nimo nga makakat-on bahin sa lainlaing topiko. Kining online nga mga reperensiya naglakip sa Pagtugkad sa Kasulatan ug Giya sa Pagpanukiduki Para sa mga Saksi ni Jehova. Sa ubang pinulongan, kini naglakip pod sa Glossary ug Watch Tower Publications Index.

Ang search feature sa Watchtower ONLINE LIBRARY makatabang nga makita nimo ang mga reperensiya. Samtang mag-type ka sa search box, naay mogawas nga mga sugyot sa ubos sa box. Makita nimo ang pulong “Topiko” sa kilid sa ubang pulong nga gisugyot.

Sulayi kini: I-type ang “Jehova” sa search box (A). Sa mga gisugyot, pilia ang “Jehova” nga naay “Topiko” sa kilid (B). Dayon makita nimo ang lainlaing reperensiya bahin kang “Jehova.”