Imadyina ang Imong Ginabasa

Daghang tinuod nga mga panghitabo ang gihisgotan diha sa Bibliya nga nagtudlo natog importanteng mga leksiyon. Kon atong imadyinon ang mga hitabo, mas dali natong masabtan ang atong ginabasa ug mas daghan tag makat-onan. Niay pipila ka tip nga makatabang.

• Kusga nig basa. Mas ma-imagine nimo ang mga esena kon kusgon ni nimog basa. Dihang magbasag Bibliya uban sa imong pamilya, puwedeng lainlain ang mobasa sa lainlaing karakter aron bation ninyo nga morag apil gyod mo sa estorya.

• Imadyina ang mga panghitabo. Hunahunaa kon unsa kahay gibati ug gihunahuna sa mga karakter. Pananglitan, pangutan-a ang imong kaugalingon: ‘Nganong mao man toy iyang nasulti o nahimo? Kon ako to, unsa pod kahay akong masulti o mahimo?’

• Pag-drawing. Ang pag-drawing makatabang nimo nga mas masabtan ug mahinumdoman ang mga estorya sa Bibliya, bisan pag dili tingali kaayo nindot ang imong drawing.